پاکستانده حربی مرکز گه هجوم اویشتردی: ۶ کیشی جان بیردی

پاکستانده طالبان جنگری لری حربی بیر مرکز گه قره ته هجوم اویشتردی.
سککیز تروریست نینگ جان بیریشی و ۲ حربی نینگ ایسه یاره له نیشی گه سبب بولگن اوشبو حادثه بوگون (جمعه) پشاور شهری گه یقین بیر حربی مرکز ده یوز بیردی.
خودی منه شو هجوم نینگ مسئولیتی نی تحریک طالبان پاکستان اوز بوینی گه آلدی.
تحریک طالبان پاکستان نینگ سوزلاوچی سی محمد خراسانی انترنت آرقه لی بیرگن بیانات لریده, "انتحاری تیمی میز اوشبو هجوم نی اویشتردی" دییه قید ایتدی.
پاکستان اردوسی دن سوزلاوچی جنرال آثم بجوا, "۱۰ نفر تروریست اوشبو حربی مرکز گه کیریش گه حرکت ایتدیلر. براق خوف سیزلیک کوچ لری مانع بولدی" دییه قید ایتدی.
اوشبو سوزلاوچی باشقه قوراللی کیشی لرنینگ هم موجود بولیشی نینگ ممکن ایکن لیگی سببلی عملیات لرنینگ دوام ایتیتگن لیگی نی ایسله تیب اوتدی.
پاکستان نینگ طالبان جنگری لری گه قرشی اوز عملیات لری نی باشله تیب یوبارگن کوندن بیری قریب ۳ مینگ نفر جنگری نینگ جان بیرگن لیگی بیلدیریلماقده.