اوزبیکستان ده امیر علی شیرنوایی نینگ توغیلگن گونی نشانلندی
علی شیرنوایی آتیده گی ملی کتابخانه ده اولوغ شاعر و سیاست اربابی امیر علی شیرنوایی نینگ توغیلگن گونی 574 نچی ییلی مناسبتی اوچون "نوایی نظمیگه باقسنگ" دیگن احتفال بیلن نشانلن گن لیگی بیلدیریلدی.
اوزبیکستان ده امیر علی شیرنوایی نینگ توغیلگن گونی نشانلندی
علی شیرنوایی آتیده گی ملی کتابخانه ده اولوغ شاعر و سیاست اربابی امیر علی شیرنوایی نینگ توغیلگن گونی 574 نچی ییلی مناسبتی اوچون "نوایی نظمیگه باقسنگ" دیگن احتفال بیلن نشانلن گن لیگی بیلدیریلدی. مذکور احتفالگه دولت و جماعت تشکیلاتلری، مدنی اویوشمه لر نماینده لری، نوایی شناس عالم لر، شاعر و یازووچیلر قتنشگن لیگی معلوم قیلیندی.
اوزبیکستان ملی کتابخانه سی اداره چیسی خواجه یف و باشقه لر هر بیری اوز صحبتلریده بویوک اجدادلریمیز نینگ بی بها میراثی نی اورگانیش، خاطره سینی ابدی قیلیش، ملی اوزلیگیمیزنی انگلش توغریسیده اولکن ایشلر عملگه آشیریلیب تورگن لیگی نی تاکیده گن دیر.
دوره صحبتیده اوقووچیلر تمانیدن اولوغ متفکر و شاعرنینگ حیاتی و ایجادیاتی گه بغشله نگن صحنه نمایش لری اجرا ایتیلگن دیر. عین دمده کتاب کوگزمه سی و علی شیر نوایی بدیعی فلمی نمایشی هم بولیب اوتگن لیگی بیلدیریلدی.
علاقه لی ینگی لیکلر
روس اردوسی منسوبی بولگن ایکّی نفر هندوستانلیک حیاتینی یوقاتدی
اوشبو توغریده هندوستان تشقی ایشلر وزیرلیگی تامانیدن یازمه بیانات بیریلدی