پاکستان ینگی بیر راکتی نی آزمایش ایتگن

پاکستان ینگی راکت آزمایش ایتگن.
پاکستان اردوسی ۹۰۰ کیلومتر لیک بیر مسافه نی اوره آله دیگن بالستیک راکتی نی آزمایش ایتدی.
شاهین ۱A (Hatf-IV) نامی گه ایگه اوشبو اورته منزل لیک بالستیک راکت عرب تینگیزی ده گی هدف نی اوررایکن, خودی منه شو آزمایش موفقیتلی بیر شکل ده بولیب اوتدی.
اوشبو راکت نی اویلب چیقارگن پاکستان لیک متخصص لر گه اوز منتدارچیلیک لری نی بلدرگن پاکستان تینگیز کوچ لری قوماندانی محمد ذکاالله, "پاکستان اوشبو راکت نی آزمایش ایتیب, مدافعه بوییچه برچه کوچی نی کورسه تیب بیردی. پاکستان منطقه ده تینچ بیر شکل ده یشش نی آرزو ایتیتگن بیر اولکه دن عبارت. عینی دمده پاکستان قوراللی کوچ لری هر قندای بیر دشمن تشقی کوچ گه قرشی پاکستان نی مدافعه ایتیش کوچی گه ایگه" دییه قید ایتدی.
پاکستان جمهوررئیسی ممنون حسین بیلن باش وزیر نواز شریف هم اوشبو راکت نینگ موفقیتلی بیر شکل ده آزمایش ایتیلگن لیگی اوچون متخصص لر گه اوز تبریک لری نی بلدردی.
پاکستان تشقی ایش لر وزیرلیگی تمانیدن بیریلگن بیانات ده, اوشبو راکت نینگ آزمایش ایتیلمسدن آلدین موضوع نینگ هندوستان گه بلدریلگن لیگی قید ایتیلدی.
بیانات ده هندوستان بیلن پاکستان آره سیده هر قندای بیر اوروش گه سبب بولمس لیک اوچون موجود کیلیشو دایره سیده پاکستان تمانی نینگ اوشبو وضعیت نی هندوستان تمانی گه بلدرگن لیگی معلوم قلیندی.