پاکستان بیلن هندوستان کوچ لری چیگره ده بیر بیر لری گه فیر قیلگن

هندوستان نینگ قولی ده گی کشمیر بیلن پاکستان آره سیده گی چیگره ده ایککی اولکه کوچ لری تمانیدن آغیر قورال لر بیلن فیر ایتیلیشی عاقبتیده کمیده بیر کیشی نینگ جان بیرگن لیگی بلدریلدی.
هندوستان تمانیدن پولیس مسئولی راجندران اوشبو حادثه عاقبتیده هندوستان طرفیده ۱۸ نفر ملکی نینگ ایسه یاره لنگن لیگی نی بلدردی.
براق بوگون یوز بیرگن اوشبو حادثه عاقبتیده پاکستان تمانیده تلفات نینگ موجود ایکن لیگی یاکه ایمس لیگی باره سیده معلوم بیریلمه دی.
اوشبو حادثه میلادی ۲۰۰۳ نچی ییلی ده پاکستان بیلن هندوستان آره سیده تامین ایتیلگن آتش بس آرتیدن یوز بیرگن اینگ یمان حادثه نی تشکیل ایتماقده.
آلدین هم بونگه اوخشش حادثه لر نینگ یوز بیرگن لیگی گه قره مسدن, قربان بیرمی ده یوز بیرگن اوشبو حادثه کوتیلمه گن بیر حادثه دن عبارت بولگن.
هندوستان بیلن پاکستان انگلستان دن اوز مستقل لیق لری نی قول گه کریتگن میلادی ۱۹۴۷ نچی ییلی دن بیری کشمیر نی کنترول ایتیش اوچون ایککی مراتبه اوروشگن.