کورنفلکس حقیده بیر یازوو

کورنفلکس حقیده بیر یازوو

تورکیه کبی برچه اولکه ده اوقات مدنیتی باردیر. شرقدن غربگه، شمالدن جنوبگه قیسی قاره گه بارسنگیز تورلی مزه نی تاتیب کوره سیز و فرقلی ایشلب چیقریش شکلی گه شاهد بوله سیز. اینیقسه تورکیه کبی اولکه لرده ایرته گی چای – نان پیتیده تورلی خیل ییملیک تیارلنماقده. تاتلی (شیرینلیک) توزلی، قلمپیرلی شونده ی بولیب خمیر محصولری کبی تورلی ییملیک بوله دی. بیراق بعضی پیتلرده ایرته گی چای – نانده تیار ییملیک هم بوله دی. اینیقسه باله لرنینگ مکتب پیتیده آته – انه هم ایش گه کیته دیگن بولسه تیار ییمکلیک ترجیح ایتیله دی. خوددی شو ییمکلیک کورنفلکسدن عبارت.

کورنفلکس در حقیقت آشپز بولمه گن کللوگ ایناغه لرنینگ اختراعی دیر. امریکا قوشمه ایالتلری نینگ میچیگان ایالتیده دنیاگه کیلگن داکتر جون هاروی کللوگ بیلن اوکه سی ویلیام کیت کللوگ سرطان کسللری کسلخانه سیده ایشله ماقده ایدی. داکتر عین حالده آذیقلش بوییچه متخصص بولگن جون هاروی کللوگ کوپلب کسل نینگ تداویسی پیتیده اوقاتلنیشده قیینلگن لیگی کوریب اولر راحت بیر شکلده ییه دیگن محصوللردن اوقات سینه ماقده ایدی. داکتر جون هاروی کللوگ کوپلب سینش نینگ آرتیدن ناموفق بوله دی. بیراق تورموش اورتاغی ایلا اوقات پیشیره یاتگن پیتده اونی تعقیب ایتماقده ایدی، خوددی شو پیتده تصادفاً کورنفلکس نی کشف ایتدی.

ایلا کللوگ نان پیشیریش اوچون جواری اونیدن تیارله گن خمیرنی کارگاه نینگ اوستیگه ییره تیب بولک قیلماقده ایدی، بیراق آرتیب قالدیلرینی تشله ماقده ایدی. ایری داکتر کللوگ تورموش اوتاغیدن اوشبو خمیر پارچه لرینی کیچیک – کیچیک بولیب ایسّیق اوچاقده پیشیریشینی طلب ایتدی. خوددی شو پیشیریلگن جواری اونی خمیری ایلک کورنفلکس بولدی. داکتر جون هاروی کللوگ آلدین بو محصولنی سوت گه قوشیب کسللریگه بیردی و جوده یاقیملی بولدی. اوکه سی عین حالده کسلخانه نینگ باشقرووچیسی بولمیش ویل کیت کللوگ بو محصول نینگ رخصتنامه سینی 1896 ییلی اوز آتی بیلن ثبت قیلیب آلدی و ایناغه سی بیلن اورته لریده حقوقی کوره ش باشلب کیتدی. بیراق ایناغه لر کیین شریکلیک بوییچه کیلیشیب آلدی و معما هم ییچیلدی.

کورنفلکس جوده یاقیملی ایدی بیراق تاتسیز – توزسیز بیر محصول ایدی و بونی آذیقلش قیین کیلماقده ایدی. ویل کیت کللوگ کورنفلکس نینگ اینیقسه باله لر تامانیدن ترجیح ایتیلیشی اوچون ایچی گه شکر قوشدی و شکرلی کورنفلکس نی 1906 ییلیدن باشلب بازارگه ساتیش گه باشله دی. بیراق ایناغه سی جون هاروی کللوگ شکرلی کورنفلکس گه مخالف قیلدی و ایککی ایناغه نینگ اورته سیگه ینه معما توغدی. اوزاق ییللر دوام ایتگن تحفه لی ریکلاملر قاله ویرسه امریکا قوشمه ایالتلریده ایشله یاتگن خاتینلرنینگ کوپه یشی سرطان کسللری اوچون تصادفاً ایشلب چیقریلگن کورنفلکس تیزده ترجیح ایتیلگن ایرته گی چای – نان ییملیگی گه ایلنیب کیتدی. شونده ی بولیب وقت اوتگچ ساغلیک که ضرری بارلیگی بوییچه تارتیشوولر یوزه گه چیقدی.

ایچی گه بال، کاکاو، قوروق میوه قوشیب تولید ایتیلگن کورنفلکس سوت بیلن هم آذیقلنگن لیگی طفیلی اوزاق ییللر ساغلیکلی بیر محصول ایتیب کوریلگندی. بیراق سونگگی پیتلرده آلیب باریلگن تحقیقلرده کورنفلکس نی کوپ مصرف قیلگن تقدیرده دیابت کسل لیگی گه سبب بولگن لیگی کوریلدی. البته کی بعضی پیتلرده بی ملال آذیقلنیش ممکن بیراق کوپ مصرف قیلمسلیک کیره ک.