تورکیه گه خاص بیر عصا حقیده قیسقه معلومات

تورکیه نینگ شرقی انادولو منطقه سیده وان کولی گه قیرغاغی بولگن بیتلیس ولایتی نینگ تاریخی اهلات تومنی, اینیقسه انادولو و تورک تاریخی جهتی دن جوده هم کتته اهمیت گه ایگه.  اوشبو تومنده موجود بولگن اورارتو, سلجوقی, آق قویونلی و عثمانی دوری اثرلری, منطقه بیلن بیر قطارده, تورک لرنینگ انادولو گه کیلیشی بیلن علاقه لی هم مهم معلومات لرنی عکس ایتدیرماقده.  عینی دمده, قول صنعتی ارزشی و همده کونده لیک حیاتده استفاده ایتیلیشی جهتی دن کتته اهمیت گه ایگه بیر عصا توری هم اوز اسمی نی خوددی شوو اهلات تومنی دن آلگن.  اوتمیشی و تیارله نیش شکلی عصر لر آلدین گه باریب تقیلیاتگن "اهلات عصاسی" اهلات تومن حاکمیتی نینگ طلبی گه بناً میلادی 2017- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  اوشبو عصا منطقه ده خاص بیر شکلده ییتیشه دیگن ینگغاق درخت لری دن فایده له نیلیب تولید ایتیلماقده.  اهلات ینگغاق درخت لری سیستماتیک بیر شکلده قره لگن لیگی و سوغاریلگن لیگی باعث, کورتَک اوزونلیک لری کوپ لیکن بوتاق لری آز بولگن درخت لردن عبارت.  اهلات عصا لری ایکّی شکلده تولید ایتیلماقده.  قری و کسل لرنینگ استفاده ایته دیگن قلین عصالردن تشقری, ایسده لیک, دیکوریشن و توریستیک مقصد بیلن ایشلب چیقریله دیگن اهلات عصا لری هم موجود. اوشبو عصالرنینگ ایشلب چیقریلیشیده گی اینگ مهم خصوص استفاده ایتیله دیگن ینگغاق درخت لری نینگ بیر ییلی هیچ قویاش کورمسدن ایکّی ییللیک بیر مدت بیلن قوریتیلگن بولیشی دن عبارت. بو اوشبو عصا لرنینگ چیدملی بولیشی جهتی دن جوده هم کتته اهمیت گه ایگه.  ماشین لر بیلن قیلینه دیگن ایشلر آرتیدن خوددی شوو عصا لر بوتونله ی اوسته لرنینگ قولیدن اوته دی.  یعنی اوسته لر قاقیش, اویمه کارلیک یاکه بویاق تخنیک لری بیلن اوشبو عصالرنی بیزه یدی.  عصا نینگ ارزشی نی آرتیره دیگن ابری, تذهیب و مینیاتورلیک بیزه کلری اوسته لر تامانیدن عصا نینگ گاوده سی گه قیلینرایکن, قول توتیله دیگن جای لری اوچون حیوان شکل لری یاکه آلتین و کومیش کبی معدن لردن استفاده ایتیلماقده.