توتون تثبیت ایتووچی حقیده بیر یازوو

برنامه

2152754
توتون تثبیت ایتووچی حقیده بیر یازوو

توتون تثبیت ایتووچی حقیده بیر یازوو

زمانوی حیاتده انسان ساغلیغی گه دوشمن ایتیب تن آلینگن سگرت، حیاتیمیزنی آسانلشتیرگن حتی قوتقرگن بیر اختراع گه تصادفاً سبب بولگن لیگی ممکن می؟ بو سوال نینگ جوابی گه هیچ کیم ایشانمسه کیره ک لیکن 1930 ییللری نینگ سونگیده بیر تحقیق لابراتواریده یوزبیرگن حادثه بو سوالگه "هه" دیب جواب بیریشیمیزگه سبب بوله دی. سیگرت توتونی سبب بولگن تصادفی اختراع نینگ آتی ایسه توتون تثبیت ایتووچی دیر.

الونینگ کشف ایتیلیشی و کنترول آستیگه آلینیب ایش آلینیشی انسانلیک حیاتی نینگ ایلک قارانغو چاغلرلریدن کیلیب چیققن لیگی انیق. بیراق کنترولسیز یانغینلر ایسه انسان مدنیتیده تاریخدن بیری بار بولیب کیلگن دیر. شونده ی قیلیب ایلک مدنیتلردن بوگونگچه الونینگ کنترولسیز ییره ب کیتیشی، انسانلر قاله ویرسه برچه جانلیلرنینگ حیاتینی تهدید ایتگندیر. کونلب دوام ایتگن یانغینلرنینگ شهرلرنی ییر بیلن بیر قیلیب تشله گن لیگی قدیم زمانلرده گی قالدیقلرنینگ ییقیلیب کیتیشی گه سبب بولگن لیگی ایسه ارکولوژیک تحقیقلر بیلن اثباتلنگن دیر. شونده ی قیلیب اوتمیشدن بوگونگه قدر یانغین گه قرشی آلینگن چاره – تدبیرلر ملی کدنیت نینگ رواجلنیشی نینگ بیر پارچه سی بولگن دیر. اینیقسه بوگونگی کونده سانی عجائیب آرتیب بارگن کوپ قواتلی بنالر، ایش مرکزلری، توتون تثبیت ایتووچی تیزیملری بولمه ی اولیم تهدیدی ایجاد ایتماقده. بو کبی بنالرنینگ تشقی جبهه سی ساغلم بیراق الوگه قرشی طاقتسیز موادلردن عبارت بولیشی هر تامانی برق لینلری بیلن اوره لگن بولیشی یانغین تهدیدینی ینه ایککی قوات آرتیرماقده دیر.

شونده ی بولیب توتون تثبیت ایتووچی حکایه سی خوددی شو جایده باشله دی. میلادی 1930 ییللریده اروپا قاره سی ایککینچی جهار حربی گه قره ب باررکن سویدنلیک فزیکچی والتر جیگر زهرلی گازلرنی خبر بیرووچی بیر جهاز کشف ایتیش اورونیشیده ایدی. والتر جیگر تحقیقیده اوشبو جهازگه کیرگن زهرلی گازنینگ ایونیلشگن هوا مولکوللرینی بیر بیریگه باغلشینی و شو یول آرقه لی جهازدن برق چیقه جگینی اویله گندی. بیراق بو جهاز خواهله گن نتیجه نی بیرمه دی. بونقه غضبلنگن سویدنلیک بیلمدان بیر سگرت یاقیب چکیش گه باشله دی. کوریلدیکی زهرلی گازدن آلینمه گن نتیجه سگرت تومنیدن آلینیش گه باشلندی و جهاز تصادفاً یانغین گه قرشی کوره ش نینگ اختراعی گه سبب بولدی.

جیگرنینگ اختراعی زمانوی توتون تثبیت ایتووچیلرگه یول کورستگیچ بولدی. او دورده گی شرطلرده برقی اسبابلرنی ایشلب چیقریش خرجتلری کوپ بولگن لیگی طفیلی بو ینگی اختراع کوپ تاثیرلی بولمه دی. بو جهازلردن اوزاق مدت فقط ییریک ایش جایلری، سینما و تیاتر صالونلریده ایش آلیندی. حتی کی اویلر اوچون ایشلب چیقریلگن کیچیک توتون تثبیت ایتووچیلر نرخلری یوقاری بولگن لیگی اوچون 1960 ییللریگچه رغبت کورمه دی. میلادی 1965 ییلی بالتی بیلن ایش بیره دیگن توتون تثبیت ایتووچی جهازلر ایشلب چیقریلدی. او پیتلر جهان حربی نینگ آرتیدن انسانلر چیکه حدودلردن شهرلرگه آقین قیلیب کیلگن پیت ایدی و اوی – جای کمچیلیگینی برطرف ایتیش اوچون یوکسک قواتلی پارتمان بنالر قوریلماقده ایدی. 1976 ییلی ایسه امریکا قوشمه ایالتلریده قبول قیلینگن بیر قانون آرقه لی هر اوی نینگ توتون تثبیت ایتووچی جهاز تقیشی مجبوری قیلیندی.

بوگونگی کونده ایش مرکزلری قاله ویرسه گاوجوم شهرلرده گی بنالرده توتون تثبیت ایتووچی جهاز بیلن یانغین آلارم جهازی تقیش مجبوری بولگن حالده ایش جایی و اویلرده حلی هم یانغین حادثه لری طفیلی حیاتیمیز خطرده. بونینگ سببلریدن بیرته سی ایسه سگرت چکیش عادتی نینگ دوام ایتگن لیگی دیر. کوپ قواتلی بنالرده گی یانغینلرنینگ آرتیدن توتون تثبیت ایتووچیلرنینگ نیمه اوچون تیزده آگاهلنتیرمه گن لیگی بوییچه آلیب باریلگن تدقیقلر بونی کورستماقده.     


لیبل: #برنامه

علاقه لی ینگی لیکلر