تورکیه گه خاص بیر قالین توغریسیده قیسقه معلومات

تورکیه نینگ ایچکی انادولو منطقه سیده اورین آلگن آقسرای ولایتی نینگ تقریباً 3 مینگ نفر نفوسی بولگن تاشپینار منطقه سی, قول صنعت لری بیلن تولید ایتیلیاتگن فرقلی رنگ و دیزاین لر گه ایگه قالین لری بیلن تنیلماقده.  "تاشپینار قالینی" نامی بیلن حقلی بیر شکلده مشهور بولگن و کیچیک کارگاه لر ده ایشلب چیقریلیاتگن قالین لر, تاشپینار شهردارلیگی نینگ طلبی گه بناً میلادی 1996- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  میلادی 1960- ییل گه قدر عیال لر تامانیدن اویده گی کیچیک کارگاه لرده تولید ایتیلگن تاشپینار قالینی, اوشبو تاریخ دن سونگ اینیقسه دیزاین لری و رنگ لری بیلن محلی و چیت ایللیک سیاح لرنینگ دقتی نی اوزیگه تارتماقده.  تاشپینار قالینی نی باشقه قالین لردن اجره تیب تورگن اینگ مهم خصوصیت, هندسی موتیف لر نینگ قالین نینگ سطحیده تینگ بیر شکلده ترقه لگن لیگی دن عبارت.  قالین نینگ توقیلیشیده استفاده ایتیله دیگن ایپ لر منطقه نینگ قوی لری نینگ جونی دن تیارلنماقده.  اوشبو جون ایسه طبیعی بویاق لر بیلن بویه لماقده.  خوددی شوو قالین لرده اینگ کوپ توق کوک رنگ, قویوق قیزیل و آق رنگ لردن فایده له نیلماقده.  جوده آز یشیل و سریغ رنگ هم ترجیح ایتیلماقده.  دستلب کیچیک بیر شکلده تولید قیلینگن اوشبو قالین لر نینگ بُعدلری, طلب نینگ جوده کوپ ایکن لیگی باعث 4 متر گه قدر آرتیب کیتدی.