کریمان خالص

کریمان خالص

میلادی 1932 – ییلی بیر تورک قیزی نینگ دنیا گوزه لی ایتیب سیلنگنلیگینی بیله سیزمی؟

میلادی 1932 –یی 29 اکتوبرده قوریلگن تورکیه جمهوریتیده ایلک گوزه للیک بیلله شووی 1929 – ییلی اویوشتیریلگن دیر. حکومت تامانیدن هم قوللب – قوتلنگن بو بیلله شووده فریحه توفیق بیرینچی ایتیب سیلنگن.

میلادی 1930 ییلیده اویوشتیریلگن بیلله شووگه اورتاقلری نینگ تشویقی بیلن مراجعه قیلگن کریمان خالص عایله سی رخصت بیرمه گن لیگی طفیلی ایککینچی باسقیچ گه قتنشمه یدی. بیراق 1932 ییلی اویوشتیریلگن تورکیه ده گی تورتینچی گوزه للیک بیلله شوویگه عایله سی نینگ رخصت بیریشی بیلن قتنشه دی و بیرینچی ایتیب سیلنه دی. آرتیدن خوددی شو ییل 31 جولای تاریخیده بلجیم نینگ سپا شهریده اویوشتیریلگن دنیا گوزه للیک بیلله شووی گه تورکیه تامانیدن قتنشر ایکن 28 اولکه ایچیده کریمان خالص بیرینچی بولیب دنیا ملیکه سی ایتیب سیلنه دی و یشه سین مصطفی کمال، یشه سین تورکیه گوزه لی شعارلری و تورکیه بیراغی بیلن صحنه گه چیقیب تماشاچیلرنی سلامله یدی.

اوشبو بیلله شوونینگ آرتیدن تورکیه گه قیتیب کیلگن کریمان خالص گاوجوم بیر همجمعیت تامانیدن کوتیب آلینه دی و مصطفی کمال نینگ بویروغی بیلن بیر دعوت ترتیبلنه دی. بو دعوتده کریمان خالص نینگ پیشانه سیدن اوپگن مصطفی کمال "سینی بوندن بویان ایجه دییه من" دیب ایته دی. تورک خاتین – قیزلری حقلری بیلن تیگیشلی کوره شده مهم آدیم ایتیب اتلگن بو حادثه نینگ آرتیدن 1934 ییلی چیققن تخلص قانونی دایره سیده  کریمان خالص گه اتاتورک تامانیدن ملیکه معناسیگه کیلگن «ایجه» تخلصی بیریلگن.

کریمان خالص ایجه یاش تورکیه جمهوریتینی دنیاگه تنیتیش و تن آلینیشی اوچون انچه پروژه ده رول الگن و اولکه نینگ ایریم اولکه لر ایچیده اورنینی آلیشی گه مهم رذول آلگن دیر.

کریمان خالص ایجه نینگ آرتیدن دنیا گوزه ل لیگی عنوانینی قولگه کیریتگن ایککینچی تورک 2002 ییلی ازرا آقین بولگن دیر.