تورکیه گه خاص بیر مربا توغریسیده قیسقه معلومات

تورکیه نینگ شرقی انادولو منطقه سیده اورین آلگن چیگره ولایتیدن عبارت ایغدیر, تاغلیک بیر جغرافیه ده چقورده جایلشگن لیگی باعث اوزی گه خاص بیر مایکرو کولر اقلیمی گه ایگه.  اوشبو اقلیم فرقلی اوسیملیک لرنینگ ییتیشتیریلیشی بوییچه شرایط تامین ایتیب بیررایکن, سبزه و میوه تولیدی بوییچه تنوع ایغدیر گه خاص ینگی شیرینلیک لرنینگ پیدا بولیشی گه سبب بولگن.  بولردن بیری ایسه "ایغدیر قره بادنجان مرباسی" دن عبارت. اوشبو مربا ایغدیر ولایتی ایکینچیلیک و اورمان باشقرمه سی نینگ طلبی گه بناً میلادی 2021- ییلده تورکیه نینگ ثبت قیلینگن جغرافی محصولاتی لیستی گه کیریتیلدی. خوددی شوو مربا نینگ تیارله نیشیده 6-12 سانتی مترلیک قره بادنجان لردن فایده له نیلماقده.  مربا آز شربتلی اوله راق تیارلنماقده.  کیچه و کوندوز ایسسیق لیک فرقی نینگ جوده کوپ ایکن لیگی باعث منطقه ده قره بادنجان لر کیچیک بُعد لر ده پیشماقده. خوددی شوو کیچیک قره بادنجان لردن مربا تولیدیده استفاده ایتیلماقده.  کیچیک و دنه گی بولمه گن قره بادنجان لر نینگ پوستی آلینه دی, دمچگی جمع (+) شکلیده چیزیله دی اورته سی کیچیک کیچیک تیشیله دی.  توزلی سووده بیر کیچه کوتتریلگن قره بادنجان لر کیین قینه تیله دی.  15-20 دقیقه قینه تیلگن قره بادنجان کمیده اوچ مراتبه ساووق سووده یوویله دی.  کیین کتته بیر قزان نینگ ایچیده شکر بیلن تیارلنگن ایسسیق شربت ایچی گه, قینه تیلگن قره بادنجان تشله نرایکن, پس آلاوده ایچی گه بیر ته لیمو تشله نیب پیشیریله دی. اوشبو پروسه قره بادنجان نینگ شربت نی اوزی گه تارتیب آلگونگه قدر دوام ایته دی.  کیین قره بادنجان لر مربا مرتبان لری گه قوییله دی و اوستی گه شربت قوشیمچه قیلینیب مرتبان لرنینگ آغزی محکم یاپیله دی.