اسکندرنینگ لحدی

دنیا مقیاسیده اینگ بویوک لحدلردن بیرته سی نینگ استانبول ارکولوجی (باستانشناسلیک) موزیمیده جایلشگن لیگینی بیله سیزمی؟

میلادی 1887 ییلی لبنان صیدا شهریده جایلشگن و استانبول گه آلیب کیلتیریلگن اسکندر لحدی 25 تنلیک آغیرلیگی بیلن دنیا مقیاسیده اینگ بویوک لحدلردن بیرته سی دیر.

اسکندر لحدی ایلک تورک باستانشناسی ایتیب تن آلینگن و تورک موزیمچیلریدن بولمیش عثمان حمدی بیک تامانیدن صیداده تاپیب آلینگن دیر. عثمان حمدی بیک 1887 ییلی صیداده آلیب بارگن قازوولرده بیر قرال قبرستانی کشف ایته دی. بو قبرستانده 22 ته قرال لحدی یوزه گه چیقریله دی. صیدا قراللریگه تیگیشلی بیر قطار لحدنینگ ییر آستی قبر اطاقلریده کومیلگن وضعیتده تاپیب آلیشی خلق ارا مقیاسده حیاجن توغدیره دی و بو خبر اروپا و امریکا مجله لریده اورین آله دی. بو جایده تاپیب آلینگن مهم لحدلر استانبول گه انتقال بیریله دی. جمله دن اسکندر لحدی ایسه باستانشناسلیک عالمی نینگ مهم توزیلمه لری قطاریده دیر. اوشبو لحد نقاشلیک، بیزه ش و بویه لری بیلن استانبول باستانشناسلیک موزیمی نینگ مهم اثرلریدن بیرته سی سنله دی.

صیدا قرالی ابدالوینیموس گه تیگیشلی ایکن لیگی تخمین ایتیلگن لحد میلاددن آلدین 4- عصردن قالگن دیر. لحدنینگ اوزون تامانی نینگ یوزیده مقدونیه قرالی بویوک اسکندرنینگ پارسلر بیلن قیلگن اوروشی بیلن تیگیشلی تصویرلر اورین آلماقده. لحدنینگ ایریم اوزون تامانیده گی یوزیده ایسه دوستلیک بیلن آلیب باریلگن بیر آو صحنه سی اورین آلماقده دیر. توزیلمه سی قدیم یونان عبادتگاهلریگه اوخشه گن لحد یونان نینگ تنیقلی پنتلیکون مرمریدن توزه تیلگن دیر. جوده چیرایلی بیزه لیب بویه لگن لحدنینگ کیم تامانیدن توزه تیلگن لیگی معلوم ایمس.

میلادی 1999 ییلی اسکندرنینگ اساسی لحدیدن 5 فایز کیچیک بولگن بیر لحد جاپان نینگ کسیازاکی قصبه سیده تورک قیشلاغیده کورگزمه گه قوییش اوچون تورکیه دن ایشلب چیقریلدی و جاپانگه انتقال بیریلدی. ینه اسکندرنینگ اساسی لحدیدن 5 فایز کیچیک بولگن بیر لحد 2014 ییلی اسکوپده آچیلگن مقدونیه ملی باستانشناسلیک موزیمیده قوییلگن دیر.