اوقیانوسلر و اوشبو توغریده گی علمی فعالیتلر

سی ان ان نینگ خبری گه کوره, ناسا ده فخری اوقیانوس تدقیقاتچیسی بولیب فعالیت یوریتیاتگن داکتر جین فلدمن, "اوز سیاره میز دن یخشیراق آی و مریخ بیلن علاقه لی نقشه لر گه ایگه میز" دییه قید ایتدی. 

امریکا قوشمه ایالتلری ملی اوقیانوس و اتموسفیر اداره سی نینگ میلادی 2022- ییلی معلوماتلری گه کوره, انسان لر اون مینگلب ییلدن بیری اوقیانوس نینگ سطحی نی کشف ایتیاتگن بولیشی گه قره مسدن دینگیز تیبی نینگ فقط گینه تقریباً 20 فایزی نینگ نقشه سینی چیقره آلگن خلاص. 

دبلیو ایچ او آی گه کوره, 12 فضانورد حاضرگی کونگه قدر آی حقیده 300 ساعت باش قاتیررایکن, تینچ اوقیانوس نینگ غربیده اورین آلگن و دنیا نینگ اینگ چقور نقطه سی دیب بیلینگن ماریانا چقوری نی کشف ایتیش اوچون اوچ کیشی تقریباً اوچ ساعت وقت اجره تدی. 

انسان لرنینگ چقور دینگیز کشف لری نینگ جوده آز ایکن لیگی نینگ سببی, اوقیانوس نینگ تیبی گه ییتیب بارگن سری جدی باسیم سویه سی بیلن دوچ کیلیشی دن تشقری, تقریباً کوریش نینگ ممکن بولمه یدیگن شکلده قرانغو ایکن لیگی و هوا نینگ کوپ ساووق ایکن لیگی دن عبارت.

اوقیانوس لرنینگ تیبی ده نیمه بار؟

دبلیو ایچ او آی گه کوره, چقور اوقیانوس اوله راق قبول قیلینگن سطح نینگ آستی 1000 الی 6 مینگ متر قدر بولیب, عمیق اوقیانوس چقور لری نینگ چقورلیگی نینگ حتی 11 مینگ متر بولیشی ممکن. 

"هادوپلاژیک نقطه" اوله راق بیلینگن اوشبو دینگیز چقورلری, اوز آتی نی قدیم یونان میتولوژیسیده اورین آلگن ییر نینگ تگی دنیا سی نینگ تنگری سی هادس دن آلگن.  قویاش ایسسیق لیگی ییتیب بارمه یاتگن هادوپلاژیک نقطه لرده, ایسسیق لیک موزلب قاله دیگن سویه گه قدر ییتیب بارماقده. 

مذکور انستیتوت گه کوره عالم لر, ایلک مراتبه میلادی 1948- ییلده اوقیانوس نینگ تقریباً 6 مینگ متر چقورلیگیده جانلی لرنینگ موجود ایکن لیگینی انیقله گن. 

2,2 میلیون توردن فقط گینه 240 مینگ ته سی عالم لر تامانیدن انیقلندی

فلدمن, چقور و اورته اوقیانوس نینگ آزگینه بیر بولیمی نینگ انسان لر تامانیدن کشف ایتیلگن اوقیانوس نینگ تیبی نینگ جوده هم کیچیک بیر قسمی نینگ نقشه سی نینگ چیقریلگن لیگینی بیلدیردی. 

اوشبو ساحه بوییچه معلومات نینگ جوده هم آز ایکن لیگی نینگ بویوک مقیاسده قیلینه دیگن مصرف لرنینگ انچه کوپلیگیدن کیلیب چیقیاتگن لیگینی بیلدیرگن فلدمن, سونار امکانیت گه ایگه کیمه لرنینگ مصرفی نینگ کوپ بولیشی نینگ ممکن ایکن لیگینی ایسله ترایکن, فقط گینه کونده لیک تیل مصرفی نینگ اوزی نینگ 40 مینگ دالر بولیشی احتمالی نینگ موجود ایکن لیگینی معلوم قیلدی. 

موجود معلوماتلر گه کوره, اوقیانوسده بار بولگن لیگی گه ایشانیلگن 2,2 میلیون تور دن فقط گینه 240 مینگ ته سی نینگ عالم لر تامانیدن انیقلنگن لیگی بیلینماقده. 

فلدمن ایسه اوقیانوس لرده نیچه ته دینگیز جانلی سی نینگ یشیاتگن لیگی نی انیق بیر شکلده بیلیش نینگ ممکن ایمس لیگینی معلوم قیلدی.