تورکیه گه خاص بیر طعام توغریسیده قیسقه معلومات

تورکیه نینگ قاره دینگیز قیرغاغیده جایلشگن, طبیعی گوزه للیک لری و چای تولیدی بیلن مشهور ریزه ولایتی, منطقه گه خاص بیر طعام دن عبارت "موخلاما" بیلن هم اوزی گه خاص بیر اورین گه ایگه.  ریزه ولایتی تجارت اتاق لری نینگ طلبی گه بنا میلادی 2021- ییلده تورکیه نینگ ثبت قیلینگن جغرافی محصولاتی لیستی گه کیریتیلگن ریزه موخلاماسی نینگ تولیدیده منطقه گه خاص پیشلاق, سریغ یاغ, جواری اونی, توز و سوو دن فایده له نیلماقده.  اوزاق بیر مدت دن بیری توی طعام لری آره سیده اورین آلیب کیلیاتگن موخلاما عینی دمده نانوشته نینگ واز کیچیله آلمه یدیگن بیر بولگی نی تشکیل ایتماقده.  کمیده 2 کیشیلیک قیلیب تیارله نه دیگن ریزه موخلاماسی نینگ تیارله نیشیده دستلب سریغ یاغ, جواری اونی و توز مس قازانده چوپ قاشق بیلن قاوریله دی.  آزگینه قاره رنگ گه ایله نیشی آرتیدن, گوشه لریدن اورته گه تامان قیناق سوو قوشیمچه قیلینیب قاریشتیریله دی و قازان نینگ آستیده گی آلاو مقداری کمه یتیریله دی. کیین یوقه بیر شکلده توغره لگن ریزه ولایتی گه خاص پیشلاق موخلاما نینگ اوستی گه تیریله دی.  پیشلاق سیکین سیکین موخلاما نینگ ایچی گه باستیریله دی لیکن قاریشتیریلمه یدی.  اینگ سونگ قازان نینگ آستیده گی آولاو مقداری سونگّی گه قدر آرتیریله دی و شونده ی قیلیب موخلاما 10 الی 15 ثانیه پشیریله دی.  ریزه موخلاما سی نینگ ایسسیق بیر شکلده صرف ایتیلیشی کیره ک.