پلاستیک چیقیندی لر

پاریس اقلیم کیلیشووی آرتیدن دنیاده اطراف – محیط اوچون ینگی بیر کیلیشوو مقصدی بیلن ییغیلیش اوتکزیلدی.  بیرلشگن ملتلر تشکیلاتی نینگ میلادی 2024- ییلده امضالش نی قبول قیلگن کیلیشوو پلاستیک چیقیندی لر بوییچه معما نی اداققه ییتیشتیریش نی قمره ماقده.  اوشبو کیلیشوو بوییچه اولکه لر و کتته شرکت لرنینگ همفکر بوله آله دیگن لیگی یاکه بوله آلمه یدیگن لیگی حقیده باش قاتیریلماقده. 

کیلیشوو نیمه لر نی قمره ماقده؟

بیرلشگن ملتلر تشکیلاتی اطراف- محیط پروگرامی نینگ سونگّی راپوری گه کوره, موجود وضعیت نینگ دوام ایتیشی تقدیرده, دنیا ده میلادی 2040- ییل گه قدر 420 میلیون تن چیقیندی نینگ بار بولیشی ممکن.  لیکن, یخشی بیر پلاستیک قیته ایشلش پروسه سی نینگ موفقیتلی بیر شکلده تطبیق ایتیلیشی تقدیرده, چیقیندی دیب تشلنگن نرسه لرنینگ 30 فایزی دن قیته استفاده ایتیش امکانیتی نینگ پیدا بولیش احتمالی موجود.

پلاستیک چیقیندی لر گه قرشی کوره شده قیته ایشلش اقتصادی نینگ تشویق ایتیلیشی اوشبو کیلیشوو نینگ موضوعی نی تشکیل ایته دی. 

پلاستیک چیقیندی لر اینگ کوپ آسیاده ترقه لماقده: پلاستیک چیقیندی لر نینگ اینگ کوپ بولگن جغرافیه 80,99 فایز بیلن آسیا دن عبارت. 

فایده لنووچی لرنینگ اوشبو کیلیشوو نی تطبیق ایتیش لری ممکن می؟

میلادی 2024- ییل نینگ سونگّیده پلاستیک چیقیندی لر نینگ آزه یتیریلیشی اوچون بیر کیلیشوو نینگ امضاله نیشی تقدیرده, فایده لنووچی لرنینگ هم اوشبو کیلیشوو نی تطبیق ایتیش لری کیره ک.  بونگه مثال بولیشی ممکن بولگن قاعده لردن بیرینی حاضرگی کونده هم تطبیق ایتماقده میز: مارکیت لرده گی پلاستیک خریطه لر...

قیلینگن بیر تدقیقات خلق ارا مقیاسده پلاستیک چیقیندی لر نینگ اداققه ییتیشتیریلیشی بوییچه فعالیت لرنینگ 70 فایز قوللب- قوتله نیاتگن لیگی نی کورسه تیب بیردی.

پلاستیک تولید ایتووچی لر بونده ی بیر فکرده ایمس

پلاستیک چیقیندی لر بیلن علاقه لی همه بیر خیل فکر گه ایگه ایمس.  بیرلشگن ملتلر تشکیلاتی مسئول لری قرار لرنی قوللب- قوتلرایکن, پلاستیک تولید ایتووچی سکتور لر ایسه اوشبو چیکلاو لر گه طرفدارلیک بیلدیرمه یدی.  کتته پطرول و کیمیا شرکت لری, پلاستیک تولیدی بوییچه چیکلاو لر توغریسیده راحتسیزلیک حس ایتماقده. حتی, اوشبو سکتور, کیلگوسی 20 ییلده پلاستیک تولیدی نی آرتیریش نی هدف قیلیب آلماقده.