اوزوم نینگ وطنی نینگ انادولو ایکن لیگینی بیله سیز می؟

اوزوم تاریخ نینگ اینگ قدیمی میوه لریدن بیری نی تشکیل ایتماقده. وطنی ایسه انادولو...اوزوم ییتیشتیریش اوچون اینگ اویغون اقلیم و توپراق شرایطی گه ایگه بولگن انادولو ده تقریباً 6 مینگ ییلدن بیری اوزومچیلیک دوام ایتیب کیلماقده. 

انادولو ده اوزومچیلیک تاریخی هیتیت لر گه قدر باریب تقیلماقده.  انقره ده, انادولو مدنیت لری موزیمیده نمایش ایتیلیاتگن هیتیت لردن قالگن میلاد دن آلدین 3000- ییل گه عاید آلتین دن یسه لگن شراب کوزه سی و پیاله سی, انادولو ده تاپیلگن اینگ قدیمی شراب ایدیشی اوله راق قبول قیلینماقده.  انقره تاریخ دوامیده اینگ مهم اوزومچیلیک مرکز لری دن بیری بولیب کیلگن. 

تورکیه نینگ هر منطقه سیده کوپلب اوزوم تور لری نینگ ییتیشتیریلیاتگن لیگی گه قره مسدن, اوزوم نینگ مرکزی دیب قبول قیلیشی میز ممکن بولگن شهر, اژه منطقه سیده: مانیسا ولایتی نینگ آلاشهر تومنی دن عبارت.  آلاشهر ده ییتیشتیریلیاتگن دَنَکسیز اوزوم جهان بویلب جوده مشهور.  عثمانی دولتی دوری ده, شهزاده لر نینگ ییتیشگن شهردن عبارت بولیب کیلگن مانیسا ده ییتیشتیریلگن اوشبو اوزوم, مزه سی و شکلی جهتی دن "سلطان لر گه مناسبت" دیب قبول قیلینگن لیگی اوچون "سلطانیه" دیب یاد ایتیلماقده.  سلطانیه اوزومی, تازه و قوریتیلگن شکلده اروپا داخل 122 اولکه گه صادر قیلینماقده. 

اوشبو اوزوم نینگ تازه و قوریتیلگن شکلی نینگ انسان ساغلیغی گه فایده لی ایکن لیگی بیلینماقده.  قوریتیلگن اوزوم ده گی بور منرال لری, میه نی کوچه یتیریب انسان نینگ دقتی نی آرتیره دی. خوددی شوو اوزوم نینگ قوریتیلگن شکلی سویک و عصب توقیمه لرینی کوچه یتیره دیگن, عضله لرنینگ ایشله شی بوییچه فایده لی بولگن و قلب فعالیتی نی تنظیم قیله دیگن مگنیزیم منرالی جهتی دن هم بای بیر میوه.  عینی دمده قان نینگ تشکیل بولیشیده حیاتی اهمیت گه ایگه تیمیر منرالی نی اوز ایچی گه آلماقده.  بوندن تشقری ایچیده گی پوتاشیم عصب سیستمی و قلب نینگ منظم ایشله شی بوییچه فایده لی.  قیسقه قیلیب ایتگنده ییل نینگ تورت موسمی ده تاپیلیشی ممکن بولگن قوریتیلگن اوزوم نینگ فایده لری حقیقت دن هم جوده کوپ.