تورکیه نینگ خاص بیر شیرینلیگی توغریسیده قیسقه معلومات

اوز آتی نی تورکیه نینگ شرقی انادولو منطقه سیده گی تاریخی شهردن آلگن "ارضروم قدایف دولمه سی" ناملی شیرینلیک ارضروم ولایتی تجارت اتاقی نینگ طلبی گه بناً میلادی 2010- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  اوشبو شیرینلیک, تورک تیلی ده 'تل قدایف' دیب ناملنگن بیر شیرینلیک موادی نینگ ایچی گه تویلگن ینگغاق قوییلیب, اوره لیب دولمه شکلی گه کیتیریلیشی آرتیدن یومورتقه گه باتیریلیب یاغده قیزه تیریلیشی کیتیدن اوستی گه شربت تشله نیب تیارله نه دی.  خوددی شوو شیرینلیک نینگ لذتی گه ایسه استفاده ایتیله دیگن مواد نینگ کیفیتی و اینیقسه 'تل قدایف' نینگ شکلی تاثیر قالدیره دی.  'تل قدایف' لرنینگ کوپ یوقه و قالین بولمسلیگی کیره ک. مذکور شیرینلیک نینگ تیارله نیشیده 20 الی 25 گرام 'تل قدایف' تازه بیر جای گه یاییله دی, ایچی گه تقریباً 10 گرام تویلگن ینگغاق قوشیمچه قیلینیب یوقه بیر شکلده اوره له دی.  کیین یومورتقه گه باتیریلگن اوشبو شیرینلیک اوز اطرافی گه اوره له دی.  خوددی شوو شیرینلیک بیر پتنوس نینگ ایچیده بیر نیچه دقیقه کوتتیریله دی.  شونده ی قیلیب اضافی یومورتقه لر سیزغیریلگن بوله دی.  یاغده تقریباً 10 دقیقه قیزرتیریلگن اوشبو شیرینلیک, آلدین تیارلنگن ساووق شربت نینگ ایچی گه تشله نه دی.  شونده ی قیلیب بیر نیچه دقیقه کوتتیریلیب شربت نی اوزی گه تارتیب آلیشی تامین ایتیله دی.  تیارلنگن اوشبو شیرینلیک کیسیلیب ییه دیگن کیشی لر گه تقدیم قیلینه دی.