بلیقلی کول

جنوب – شرق اناطولی منطقه سیده جایلشگن شانلی اورفا ولایتی نینگ تاریخی قاله ویرسه افسانوی نرسه لری بیلن هم مشهور بولگن لیگینی بیلرمیدینگیز؟

حکایه لری، منظره سی، تمیز هواسی و بنالری بیلن عجائیب بیر شهر بولگن شانلی اورفا ولایتی تاریخی قاله ویرسه افسانوی نرسه لری بیلن هم مشهور بیر شهردیر. هرجایده تاریخی نرسه بار. بولردن بیرته شانلی اورفانینگ توریستیک مرکزلریدن بیرته بولمیش بلیقلی کول 150 متر اوزونلیگیده 30 متر کینگ لیگیده و 5 متر اطرافیده چقورلیگیده دیر. کاناللر آرقه لی بیر بیرگه باغلنگن و ایککی بویوک حوضدن تشکیل تاپگن بلیقلی کول درحقیقت آقر سوودن عبارت دیر و شهردن آقیب اوته دی شونده ی بولیب اولکه حدودیدن چیقیب سوریه گه آقیب باره دی. 6- عصرده بو جایده گی دره لردن آقیب کیلگن سوو بو کولده توکیلر ایکن. او پیتده یوز بیرگن بیر سوو تاشقینی طفیلی کوپلب انسان حیاتینی یوقاتگن لیگی طفیلی بیزانس امپراتوری بو وضعیت گه ییچیم تاپیشلری اوچون استانبولدن انچه انجنیر یوباره دی. یوز بیره دیگن ایریم سوو تاشقینلریگه قرشی بیر دیوار اوریلگن و سوولرنینگ ییغیلیشی گه توسیق بولیش اوچون ایریم بیر کانال قازیلگن و معما حل بولگن.  

بلیقلی کول نینگ ایچیده گی بلیقلر خلق آره سیده مقدس ایتیب تن آلینماقده و بو بلیقلرنی ییگنلرنینگ کسل بولرلیگی ایتیلماقده دیر. کولده گی بروتلی کپور بلیغی درحقیقت زهرلی بلیق بولیب انسانلر ساغلیگی گه ضررلی دیر. افسانه لرگه کوره اوچ سماوی دینی نینگ پیری دیب تن آلینگن حضرت ابراهیم بو جایده آتش گه تشلنگن و بیر معجزه بولیب او توشیب کیتگن جای بو کولگه ایلنگن و ایچیده گی اوتینلر بلیققه ایلنگن دیر. بلیقلی کول منطقه سیده حضرت ابراهیم توغیلگن مغاره هم اورین آلماقده. شونده ی بولیب بو منطقه گه تورلی اولکه دن تورلی دین گه منسوب سیاحلر کیلماقده دیر.