تورکیه نینگ اوکراین سیاستی بوییچه بیر تحلیل یازووی

تورکیه نینگ اوکراین سیاستی بوییچه بیر تحلیل یازووی

خوددی شو موضوع بیلن تیگیشلی اوله راق تشقی سیاست بوییچه تیکشیرووچی یازووچی پروفیسور دوکتور مراد یشیلتاش نینگ یازووینی تقدیم ایته میز.

تورکیه نینگ اوکراین بحرانی بوییچه سیاستینی تعیین قیلگن تورت ته جهت بار. ایلک جهت تورکیه نینگ اوکراین بیلن دوستانه مناسبتلری دیر. انقره و کیف نینگ اوزاق مدتدن بیری ستراتیژیک سویه ده بیر مناسبتی بار. سیاسی، خوفسیزلیک و اقتصادی مناسبتلر قاله ویرسه مدافعه صنایعی ساحه سیده مناسبت جوده یخشی. اوکراین تورکیه نینگ اینگ بویوک تجاری شریکلریدن بیرته سی دیر؛ اوزارا تجارت یقین پیتده 7.4 میلیارد دالرگه آشدی. اوتگن ییل 2 میلیوندن آرتیق اوکراینلیک تورکیه گه سیاحت قیلدی. تورکیه اوکراین گه هرقنده ی تشقی تهدیدگه قرشی کوچینی تاباره کوچه یتیرووچی انسانسیز هوا واسطه لری ساتدی. ایککی اولکه تورکیه اوچون حساس بیر موضوع بولمیش بعضی بیر ستراتیژیک قوراللرنینگ موتورینی ایشلب چیقریش اوچون مشترک بیر پروژه باشلتدی.

تورکیه نینگ اوکراین بحرانیده گی اورنینی انیقلشتیرگن ایککینچی جهت ایسه روسیه بیلن بولگن مناسبتلری دیر. تورکیه روسیه گه قره ته سکتوری بیر سیاست تعقیب ایتماقده. تورکیه نینگ کوپراق غربی اولکه لر تامانیدن تشقریگه توتگن بیر باسقیچده انقره نینگ مسکو بیلن مناسبتلری اینیقسه بعضی بیر موضوعلرده جوده مهم دیر. عموماً بیر چیقیش ستراتیژیسی اوله راق کوریلگن سوریه و لیبیا بحرانیده روسیه بیلن توقنه شوو مناسبتده بولمیش تورکیه بو معمالرنینگ مناسبتلرگه چوقور تاثیر قالدیریشی گه فرصت بیرمه گن دیر.

بیر تاماندن تورکیه بیلن روسیه اورته سیده روسیه تامانیدن تورکیه ده هسته ای راکتور قوریشی بوییچه کیلیشووگه قول قوییلدی. شونده ی بولیب غربی اولکه لر انقره گه کتته مدافعه تیزیمی ساتیش نی رد ایتیشی بیلن تورکیه نینگ روسیه دن س-400 مدافعه تیزیملری ساتیب آلیشی امریکا قوشمه ایالتلری نینگ قتّیق عکس العملی گه سبب بولدی. عیندمده تورکیه، روسیه نینگ اینگ بویوک تجاری شریکلریدن بیرته سی دیر. هیچ بولمه گنده تورکیه، روسیه نینگ طبیعی گازی نینگ مهم بازارلریدن بیرته سی بولیب روسلر اوچون مهم توریزم ساحه لریدن بیرته سی دیر. تورکیه نینگ اوکراین بحرانیده اینگ مهم اولویتلریدن بیرته سی روسیه نینگ اوزیدن اوزاقلشتیرمسلیگی و دیالوگ کانالینی آچیق توتیشی دیر.

تورکیه نینگ اوکراین سیاستی اوچونچی جهتی ایسه ناتو اتفاقی دیر. ناتو اوکران بحرانیده توغریدن توغری اره لشگنده البته برچه اعضا دولتلر بو موضوعده کیلیشگنده تورکیه هم بیر اعضا صفتیده روسیه گه قرشی یانداشوو ایچیده بولیش گه مجبور بوله دی. بحرانده بیر تاماننی توتیش آلمان کبی انچه ناتو اعضاسی اولکه لر کبی تورکیه اوچون هم کتته کلفت بوله دی. شونده ی بولیب پولند و بالتیک اولکه لری کبی ناتو اعضالری روسیه تهدیدی گه قرشی مدافعه تیزیمی کوچسیز ایکن آلمان و تورکیه کبی ایریملری روسیه بیلن اوزارا مناسبتلرگه ایگه دیر. بیرینچی گروپ ناتودن روسیه گه قره ته چاره – تدبیر آلیشینی خواهله گن حالده ایککینچی گروپ دیپلوماتیک بیر ییچیم طرفداری دیر.

تورتینچی جهت قریم یریم آرالی نینگ اصل خلقی بولمیش قریم تاتار تورکلری وضعیتی دیر. تورکیه، توپراقلری نینگ روسیه تامانیدن قوشیب آلیشیدن سلبی تاثیرلنگن قریم تاتارلری گه توقنه شوونینگ تاباره زیان ییتکیزیشینی خواهله مه یدی. تورک ییتکچیلر ایککی دولت اورته سیده بیر اوروش یوز بیرگن تقدیرده ایلک قربانلرنینگ قریم تاتارلری بولیشینی یخشی بیله دی. شونده ی بولیب قریم توغریسیده اوکراین نینگ ریجه لرینی قوللب – قوتله ماقده دیر.

خلص قیلگنده بحث ایتیلگن جهتلر باعث تورکیه، اوکراین بحرانیده طرفسیز بیر سیاست تعقیب ایتماقده و واسطه چیلیک رولینی بوینی گه آلماقده دیر. تورکیه، هم اوکراین همده روسیه بیلن اوزارا مناسبت گه ایگه بولگن لیگی باعث بحران نینگ منطقه نینگ برچه اولکه لریگه زیان ییتکیزه دیگن کینگ کولملی بیر منطقوی اوروشگه ایلنیشینی خواهله مه یدی. شونده ی بولیب تورک ییتکچیلر بحران نینگ تینچلیک بیر شکلده ییچیلیشی اوچون اورونیش گه دوام ایتیش گه قرارلی دیر.

  موضوع بیلن تیگیشلی اوله راق تشقی سیاست بوییچه تیکشیرووچی یازووچی پروفیسور دوکتور مراد یشیلتاش نینگ یازووینی تقدیم ایتدیک.