19 می
بولرنی بیله سیز می؟
بولرنی بیله سیز می؟
19 می
آتاتورک نینگ 1919 ییلیده گی ملی کوره ش نی باشلتیش اوچون سامسون گه ایاق باسگن کون 19 می تاریخینی اوزی نینگ توغیلگن کونی ایکن لیگینی ایتگن لیگینی بیلرمیدینگیز؟
تورک ملی مستقلیک کوره ش کونی ایتیب تن آلینگن 1919 – ییلی 19 می تاریخی تورکیه جمهوریتی گه ییتب باره دیگن یول نینگ ایلک آدیمی دیر. وطن و ملتینی انچه سیوگن مصطفی کمال آتاتورک ملتی نینگ تیریلیشینی هم نمایان قیلگن خوددی شو کوننی اوزی نینگ توغیلگن کونی ایتیب تنله گن دیر.
1936 – ییلی انگلیس قرالی نینگ طلبی بیلن انگلیس ایلچیسی رسمی بیر یازوو آرقه لی جمهور باشلیغی آتاتورک نینگ توغیلگن کونینی بیلدیریشینی التماس ایته دی. بیراق آتا تورک نینگ توغیلگن کونی ثبت ایتیلمه گن لیگی باعث انیق ایمس دیر. شونده ی بولیب اتاتورک تورک ملتی نینگ قیته دن توغیش کونی دیب اته گن 19 می تاریخینی "توغیلگن کونی" ایتیب تعیین قیله دی. خوددی شو ییل انگلستان قیرالی هم 19 می تاریخیده اتاتورک نینگ توغیلگن کونی مناسبتی بیلن تیلگراف آرقه لی قوتلاو پیامی جونته دی.
1928 ییلی ایلک مرته استانبولده اویوشتیریلگن "جمناستیک جشنلری" 1936 ییلی 19 می تاریخی گه آلینه دی و یاشلر بیره می ایتیب نشانلنه دی. 1938 – ییلی ملی بیره م ایتیب اعلان قیلینه دی. شونده ی بولیب هر ییل نشانلنیب کیلگن 19 می کونی 1981 ییلدن بیری "آتاتورک نی ایسلش و یاشلر و سپورت بیره می" ایتیب آت بیریلگن دیر.
