اورته شرقده ایککی مهم ینگی لیک: بیت المقدس و عراق سیلاوی

اورته شرقده ایککی مهم ینگی لیک: بیت المقدس و عراق سیلاوی

یقین شرقده تورکيه و دنیانی قیزیقتیرگن ایکّی مهم‌ اوزگریش روی بیردی. بیرینچیسی امریکا قوشمه ایالتلری نینگ بویوک ایلچیلیگینی تل ابیبدن بیت المقدسگه کوچیریشی و اسرائیل نینگ تینچلیک‌سیور نمایش اویوشتیرگن قورالسیز 60 فلسطین لیک نینگ اولدیریشی و 2770 کیشی نینگ تن جراحتی آلیشی ایدی. ایکّینچیسی ایسه عراقده‌گی سیلاولر بولدی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته‌میز.

امریکا قوشمه ایالتلری دولت باشلیغی دونالد ترامپ نینگ تل ابیبده‌گی بویوک ایلچیلیگینی بیت المقدسگه کوچیریشیگه دنیاده ناراضیچیلیک بیلدیریلدی. بیرلشگن ملتلر تشکیلاتی خوفسیزلیک کینگشیده کوپچیلیک امریکا قوشمه ایالتلری نینگ بویوک ایلچیلیک که قرشی تیارلنگن قرارینی تصدیقله‌دی. لیکن امریکا قوشمه ایالتلری رد قیلیب لایحه نینگ قبول بولیب چیقیشی گه مانع بولدی. ایکّینچی باسقیچده بیرلشگن ملتلر تشکیلاتی عمومي کینگشیگه کیلتیریلگن لایحه‌ دییرلی کوپچیلیک تامانیدن قبول قیلیندی. لیکن بیرلشگن ملتلر تشکیلاتی عمومي کینگشی قرارلری نینگ اعتبار ایگه سی بولمه‌گنی اوچون، امریکا قوشمه ایالتلرینی توخته‌ته‌دیگن بیر کیریشوو بولمه‌دی، بیراق دنیا نینگ امریکا قوشمه ایالتلری نینگ قراریگه ناراضیچیلیک کورسه‌تگنی میدانگه چیقدی. تورکيه‌ نینگ چقیریغی بیلن بویوک ییغیلیش اوتکزگن اسلام همکارلیک تشکیلاتی هم ترامپ نینگ قرارینی قاره‌لب دنیاگه خطاب قیلگن ایدی. دنیاده  امریکا قوشمه ایالتلری نینگ رد قراریگه قرشی تاثیرسیز قالیشی، اصلیده تورکيه دولت باشلیغی رجب طیب ایردوغان نینگ «دنیاده بیش دولتدن کوپ دولت بار» دیگن سوزی نینگ قنچه‌لیک توغری بولگنینی کورسه‌تماقده.

بو حادثه‌لرگه قره‌مه‌سدن، امریکا قوشمه ایالتلری دولت باشلیغی دونالد ترامپ قراریدن واز کیچمه‌دی و انجیل مبلغلری نینگ اعتقادی نینگ بیر پارچه بولمیش بیت المقدس یهودیلر نینگ پایتختی بولیشیگه قاطع لیک کورسه‌تگندیر. ترامپ نینگ کابینه سیده کوپ سانده انجیل مبلیغی موجود. دونالد ترامپ ایلچیلیک نینگ آچیلیش مراسمیگه یوبارگن دیني راحب ایسه رادیکال انجیل مبلغی بولگنی بیلینماقده. فوق العاده‌ ایلچیلیک نینگ آچیلیشی ترامپ نینگ کياوی و قیزی تامانیدن عملگه آشیریلر ایکن، فلسطین خلقی ایسه تینچلیک‌سیور نمایشلر اوتکزدی. دنیا نینگ آچیق هوا قماقخانه‌سی بولگن غزه حدودیده فلسطین خلقی هم تینچلیک‌سیور نمایش اویوشتیردی. نمایشلرنی باستیریشگه حرکت قیلگن اسرائیل عسکرلری ایاوسیز شکلده 60 فلسطینلیکنی آتیب اولدیرگن و 2770 نفرینی یره‌له‌گندیر.

بیر تامانده فلسطینلیکلر اولدیریلماقده ایکن باشقه‌ تامانده بیت المقدسده دونالد ترامپ نینگ کياوی و قیزی طنطنه‌لی روشده بویوک ایلچیلیگی نینگ آچیلیشینی عملگه آشیردی. اسرائیل صادر ایتگن جنایتلرنی اثباتلنگن یوزلب ویدیو بولیشیگه قره‌مه‌سدن امریکا اداره سی نینگ حماصنی عیبله شی در حقیقت امریکا قوشمه ایالتلری نینگ اسرائیل موضوعسیده بی ادب لیگینی کورستماقده. امریکا قوشمه ایالتلری باشقرووی نینگ بو اسلوبی نینگ اصل سببی عرب دولتلری نینگ فلسطین خلقینی قوللب-قوّتلش اورنیگه اوز  تختلرینی قوریقلش مقصدیده امریکا قوشمه ایالتلری دولت باشلیغی ترامپنی آچیق آیدین دستکلشیدن کیلیب چیقماقده. شوبختسیز فلسطین خلقی نینگ حقلرینی قوریقلش اوچون دنیا بویلب اساسن تورکيه کوره‌شماقده. فلسطین لیکلر نینگ قربان بولگندن کیین اوچ کونلیک ماتم اعلان قیلگن تورکيه، عینِ پیتده پارلمانیده اسرائیلنی قاره‌له‌گن بیلدیروو اعلان ایتگندیر. قاله‌ویرسه تورکيه امریکا قوشمه ایالتلری و اسرائیل بویوک ایلچیلرینی تورکيه‌گه چقیرگن و تورکيه‌ده‌گی اسرائیل بویوک  ایلچیسینی اولکه‌سیگه جونه‌تگندیر.

بیر باشقه‌ موضوع ایسه عراقده‌گی عمومي سیلاولر بولدی. داعشگه قرشی کوره‌ش دوام ایتگن موصل، فلوجه و عنبار کبی شهرلرده توقنه‌شوولر نتیجه‌سیده ییقیلگن و شمالي عراق منطقوي باشقروویده‌گی رفراندومدن کیین عراق مرکزی حکومتی نینگ کرکوک و سینجار کبی حدودلرنی اوز نظارتیگه آلگنی اوچون عراقده‌گی سیلاو علیحده‌ اهمیت  کسب ایتماقده. سیلاوگه اشتراک ایتیش نسبتی ایسه 44 % اطرافیده بولدی.

عراقده‌گی سیلاوده عراق باش وزیری حیدر العبادی، سابق عراق باش وزیری نوری المالکی نینگ لیستی، شیعه‌ رهبر مقتدا الصدرنینگ لیستی و هشدی شبی گروهی جای آلگن فتیح رویخطی مطرح لیستلر ایدی. شونینگدیک سنی رهبر اوسامه النجیف نینگ قرار ائتلافی و شیعه‌ رهبر امارالحکیم باشچیلیگیده‌گی حکومت ائتلافی مهم‌ نامزاد رویخطی بولدی.

عراقده‌گی سیلاولرده سابق باش وزیر نوری المالکی نینگ رویخطی و هشدی شبی گروهی جای آلگن فتیح رویخطی ایران طرفدارلری صفتیده بهالنر ایکن، حیدر العبادی و مقتدا الصدر امریکا و سعودی عربستان بیلن نسبی هم بولسه یخشی راق علاقه‌لرگه ایگه‌. عراق مستقل عالي سیلاو کینگشی معلوم قیلیشیچه مقتدا الصدر نینگ رویخطی بیرینچی، هشدی شبی گروهیده‌گی فتیح نینگ ایسه ایکّینچی عراق باش وزیری حیدر العبادی نینگ اوچونچی ایکن لیگی اعلان قیلیندی. سابق عراق باش وزیری نوری المالکی نینگ رویخطی تورتینچی اورینده تورگن.

سیلاولردن کیین عراق ایچکی سیاستیده ایران نینگ عراقده تأثیری کمه‌ یشی کوتیلماقده دیر. شونده ی قیلیب سابق عراق باش وزیری نوری المالکی نینگ رویخطی و هشدی شبی گروهی بولگن فتیح رویخطی نینگ حکومتده بولیشی کوتیلمه‌یدی. ایران نینگ عراقده تأثیری کمه‌ یسه هم،  حربي جهتدن ایران عراق ایچکی سیاستیده مهم‌ اکتورلردن بیری بولیب قالماقده.

اساسن عراق دولتی ایچیده عراق قوشینی اینیقسه ایکّینچی مهم‌ بیر کوچ بولگن هشدی شبی گروهی نینگ ایران تامانیدن نظارت قیلینیشی، کیلجکده عراق حکومتگه قرشی چیقیش دیب کوتیلماقده دیر.

عراقده‌گی سیلاو نتیجه‌لری امریکا قوشمه ایالتلری و سعودی عربستان نینگ ایراننی یقین شرقده محدود قیلیشی جهتیدن ایجابي دیب بهاله‌سه بوله‌دی. چونکه‌ مقتدا الصدر ییللر اوّل امریکا قوشمه ایالتلریگه قرشی قوراللی گروهینی باشقرماقده ایکن، ایندی ایسه هم امریکا قوشمه ایالتلری هم سعودی عربستان بیلن علاقه‌لرینی تیکله‌گن. عینِ پیتده عراق باش وزیری حیدر العبادی امریکا قوشمه ایالتلری تامانیدن داعش نینگ موصلنی نظارتیگه آلگندن کیین حکومتگه کیلتیریلگن ایدی. سونگی پیتلرده سعودی عربستانگه سفرلر اویوشتیرگن العبادی ایران نینگ عراقده گی تاثیرینی محدودلشتیریش اوچون سعودی عربستان و امریکا قوشمه ایالتلری بیلن بیرگه لیکده حرکت ایتیش گه تیار.

عراقده‌گی سیلاو تورکيه جهتیدن اهمیتلی بولسه هم، ترورگه قرشی کوره‌ش دایره‌سیده علیحده‌ اهمیت کسب ایتماقده. چونکه‌ تورک قوراللی کوچلری عراق نینگ شِمالیده پی کاکا ترور تشکیلاتیگه قرشی آلیب بارگن حربي عملیات‌لری نینگ عراقده‌گی سیلاولری نینگ آرتیدن کینگ کولملی اوتکزیلیشی کوتیلماقده. عراق مرکزی حکومتی نینگ همکارلیگی بیلن اولکه‌ بویلب پی کاکاگه قرشی کینگ کولملی عملیات عراق-تورکيه علاقه‌لریگه ایجابي عکس ایته‌دی. پی کاکا ترور  تشکیلاتی نینگ تورکيه چیگره‌لری ایچیده فعایلتلری نینگ کمه یتیریش گه موفق بولگن تورکیه خوفسیزلیک کوچلری عین دمده، فرات قالقانی و زیتون نوده‌سی عملیاتلری بیلن چیگره‌دن تشقریده هم عملیات‌لرنی دوام ایتتیریشنی ریجه له‌ماقده.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.