داعش نینگ آرتیدن سوریه و عراق نینگ کیلجگی

داعش نینگ آرتیدن: سوریه و عراق نینگ کیلجگی

سوریه و عراقده داعش عقب نشین لیک قیلیب بارماقده. خلق ارا ساحه ده داعش نینگ آرتیدن بو منطقه ده نیمه بولرلیگی تارتیشوو موضوعسی بولگن. بیز هم بو هفته پروگرامیمیزده داعشدن کیین منطقه ده گی احتمالی بحران ساحه سینی ایشلب چیقه میز.  

منه ایندی شو توغریده آتاتورک عالی بیلیم یورتی خلق ارا علاقه لر بولیمی اسیستانت لریدن جمیل دوغاچ ایپک نینگ یازووینی تقدیم ایته میز.

17 اکتوبر 2016 – ییلی داعش گه قرشی خلق ارا ائتلاف و عراق خوفسیزلیک کوچلری تامانیدن باشله تیلگن عملیات 9 جولای 2017 – ییلی اوز نهایه سیگه ییتیب باردی. بوندن کیینگی مرحله ده تل عفر قاله ویرسه داعش نینگ قولیده بولگن جایلرنینگ نجات بیریلیشی اوچون عملیاتلرنینگ آلیب باریش احتمالی موجود. عراقده داعشدن کیینگی جریانده سیاسی و اداری اوله راق صلاحیتنی قولیگه آلماقچی بولگن تامانلرنینگ فعالیتلری اوزلکسیز دوام ایتماقده. بو جایده شیعه، سنی، کرد و تورکمنلرنینگ قنداغ بیر اورین آله جگی عراق نینگ عاقبتینی تعیین قیله دی. سوریه ده ایسه تشقی کوچلرنینگ آره لریده گی کیلیشوو نتیجه سیده قیسی کوچ نینگ قیسی تامانگه قره ب کیتیشی توغریسیده قرار آلینه دی. بناً سوریه ساحه سیده کیلجک نی اولاً منطقوی و گلوبال کوچلرنینگ یانداشوولری تعیین قیله دی.

داعش گه قرشی کوره ش جریانی، عراقده اینیقسه ایککی کوچ نی ایلگری پلانگه چیقردی و فرصت بیردی. داعش نینگ سنی لر کوپراق بولگن منطقه لرگه تروریستیک فعالیتلرینی قیلیشی شیعه و کرد کیم لیکلری نینگ عراقده یوقاری سویه8 لرگه باریشی گه زمینه مساعد قیلدی. سوریه ده گی سونگی بیر نیچه آی لیک باسقیچده رژیم کوچلری جدی بیر شکلده ایلگری باردی. حکومت نینگ ایلگری باریشی داعش نینگ ضدی گه یوروب بارماقده. بو آلغه باریش گه آستانه جریانی نینگ جدی بیر تأثیری بار. تورکیه، روسیه و ایران تامانیدن باشله تیلگن آستانه جریانی نینگ دوامی اوله راق توقنه شووسیز منطقه لر کیلیشوویگه قول قوییلدی. سوریه ده مخالفلرنینگ قولیده گی تورت منطقه ده آتش کیس اعلان قیلیندی. توقنه شوونینگ سویه سی نینگ کمه ییشی روسیه – ایران کمپی رهبریتیده گی رژیم کوچلری نینگ ایریم توقنه شوو ساحه لریگه قره ب باریشی گه فرصت یراتدی.

عراقده کردلر و سنی لرنینگ کوچ قازانیشی نینگ سلبی تأثیر قالدیرگن ایککی کوچ ایسه سنی لر و تورکمنلر دیر. سنی لر داعش باعث عراقده گناهکار بولیب قالدی. عراق نینگ شمال – غرب تامانیدن جنوب – شرق تامانی گچه برچه منطقه لره بولگن تورکمنلر ایسه عراقده هدف آلیندی. داعش گه قرشی کوره ش ده گی توقنه شوو ساحه لری نینگ کتته بولیمی نینگ تورکمنلر یشه گن منطقه لر بولیشی تورکمن لرنینگ توقنه شوونینگ اورته سیگه قالیشی گه باعث بولدی. داعشدن کیینگی جریانده هم تل عفر، کرکوک و جلوله کبی تورکمن منطقه لری حاکمیت کوره ش لریگه صحنه بولماقده.

سوریه ده سونگی پیتلرده مطرح بولیب تورگن بیر توقنه شوو ساحه لریدن بیرته سی ادلب دیر. آستانه جریانی بیلن بیرگه لیکده ادلب ده مخالفلر آره سیده بحران باشلندی. آستانه جریانینی قبول قیلیب، آتش کیس نی تطبیق قیلگن آزاد سوریه اردوسی بیلن بو جریاننی خیانت دیب بهالندیرگن النصرا رهبریتیده گی کمپ آره سیده یوز بیریب تورگن معما توقنه شووگه ایلنیب کیتدی. آستانه نینگ اساسی آماجلریدن بیرته سی رادیکاللر بیلن معتدللرنی اجره تیب رادیکاللرنی برطرف قیلیش ایدی. آستانه جریانی اوز باشیگه ادلب ده تامانلرنی کوپراق انیقلشیشی گه باعث بولدی.

تورکیه نینگ ادلب گه تور عسکرلری نینگ جابجا قیلیشی بیلن تیگیشلی بیاناتی نینگ آرتیدن هدف نینگ اوزی بولرلیگینی اویله گن النصرا بیلن ارتباطی بولگن تامانلر آلدیندن حمله قیلیب کوپراغی احرارالشام کنترولیده بولگن ادلب نینگ بعضی بیر ستراتیژیک نقطه لرینی قولگه آلدی. بو بیلن ادلب النصرانینگ کنترولیده بیر امیرلیک کبی بولیب کوریلدی. حقیقت نی عکس ایتتیرمه گن بو وضعیت تورکیه دن تشقری هر بیر کوچ نینگ فایده سیگه دیر. تورکیه حرکت گه اوتمه گن تقدیرده ادلب گه قره ته تشقی کوچلرنینگ مداخله سی تورکیه جهتیدن کوپ جدی تهدیدلر میدانگه چیقیشی ممکن. بیر تشقی مداخله بولگنده ادلب ده حیات کیچیریب تورگن 2.5 ملیون جمعیت نینگ کوچ قیلیشی تورکیه تامان بوله دی. بولرنینگ آره سیده ادلب دن چیقیش گه مجبور بولیب قالگن رادیکال جنگری لرنینگ هم قوشیلیش خطری موجود. اینگ اساسی خطر ایسه: تورکیه – ادلب حدودیده هم خارجی کوچلرنینگ جابجا بولیشی ممکن.

تورکیه اوزاق مدت دن بیری ادلب ده معتدل گروهلرنینگ کوچلی بولیشی اوچون پوزیشن آلماقده. لیکن معتدل مخالفلر شو حاضر النصرانی ادلب دن تماماً چیقریش کوچگه ایگه ایمس. تورکیه نینگ تیزلیکده ادلب نی النصرا امیرلیگی بولگن ادعاسینی برهم اوروشی کیره ک. بولمسه انصرا گه قرشی مجادله بهانه سی بیلن چیگره گه چیت ایل لیک کوچلرنینگ جابجا بولیش خطری موجود.

داعش گه قرشی کوره ش ده کوتیلگن نینگ عکسینچه عراقده و سوریه ده تبعیض، جنجنال و توقنه شوو سرعت آلیب بارماقده. داعش اوزی بیر توقنه شوو عنصری بولسه هم ینگی توازن لر برقرار بولگینچه تورلی منطقه لرده فرقلی توقنه شوو جریانلری سوریه و عراقده گی کون ترتیبینی تعیین قیله دیگن کبی کوریله دی. تورلی اتنیک و مذهبی گروهلر آره سیده توازن برقرار بولمه گنده سیاسی و عسکری توقنه شوو دیوارلری نینگ دامن اوریشی نینگ آلدی آلینمه یدگن وضعیت گه کیلیشی کیلگوسی جریانده عراق و سوریه گه کتته معما بولیب قاله دی.