ترکیه نینگ ترور تشکیلاتی پی کاکاگه قره ته حدوددن تشقری عملیات لری

ترکیه نینگ ترور تشکیلاتی پی کاکاگه قره ته حدوددن تشقری عملیات لری

فرات قالقانی حرکاتیدن سونگره ترکیه ترورگه قرشی حدوددن تشقری عملیاتلرینی دوام ایترلیگینی اشاره قیلدی. اوتگن کونلرده ترکیه، عراق و سوریه ده عین آنده عملیات اویوشتیردی.

بیز هم موضوع بیلن تیگیشلی اوله راق آتاترک عالی بیلیم یورتی اسیستانت لریدن جمیل دوغاچ ایپک نینگ یازووینی تقدیم ایته میز.

ترکیه جمهوریتی جمهور رئیسی ایردوغان قاله ویرسه ترکیه لیک ایریم اداره چیلر اوزاق مدتدن بیری ترور تشکیلاتی پی کاکانینگ عراق و سوریه ده گی موجودیتی گه رخصت بیرمس لیکلرینی اورغوله ماقده. ترور تشکیلاتی نینگ عراق ده گی نفوذ ساحه سینی سینجار منطقه سیگه ییره ب بارگن لیگی ترکیه نینگ قیزیل خط لریدن بیرته سی دیر. بناً ترکیه، 24 اپریل نی 25 – اپریل گه باغله گن کیچه سی ساعت 02:00 ده عین آنده عراق و سوریه ده ترور تشکیلاتی گه قره ته هوائی عملیات اویوشتیردی.

ترکیه بو هوائی عملیاتیده، عراق نینگ شمال تامانیده سینجار تاغیده 40 دن آرتیق تروریست نی، سوریه نینگ شمال-شرق تامانیده گی قره چوق تاغیده ایسه 4 تهسی یوقاری مرتبه لی توپلم 49 نفر تروریست جان بیردی. عین دمده بو جایده یوقاری مرتبه لی بولگن 90 کیشی ایسه یره لندی. عملیات هفته سی جریانیده ترورگه قرشی کوره ش ده 112 تروریست اولدیریلدی. 2 میل تفنگچه، 53 میل تورلی قورال، 2 میل ماشیندار، 6 میل راکت، 4 میل نشان آلووچی تفنگی، 1 میل 60 لیک هاوان، 1 عدد دافع هوا مهماتی و 78 عدد قول بمبی تروریستلردن قولگه کیریتیلدی. عین دمده هفته اورته سیده 109 عدد منفجره مواد خنثی قیلندی.

قره چوق، ترکیه چیگره سیگه جوده یقین دیر. سینجار ایسه عراقده سوریه نینگ چیگره سیگه جوده یقین. ترکیه نینگ بو منطقه گه حربی عملیات اویوشتیریشی نینگ سببی پی کاکانینگ ترکیه گه قره ته هجوم لرینی بوجایلرده گی آدرسلری آرقه لی عملگه آشیرگن لیگی دیر. بو عملیات بیلن ترکیه بیر تاماندن هجوم مرکزلرینی برطرف ایتیب، بیر تاماندن احتمالی بیر نقشه اوزگریشی گه هم مانع بوله دی.

ترکیه عراق و سوریه ده پی کاکانینگ کوچ قازانیشیدن جدی بیر تهدید کورماقده. بو معناده هوائی هجوم نی ترکیه نینگ اوز توپراقلریده آلیب بارگن لیگی، ترورگه قرشی کوره ش نینگ حدوددن تشقریگه ییره ب بارگن لیگینی کورماقده میز. ترکیه اولکه ایچیده اوزاق مدتدن بیری آلیب بارگن ترورگه قرشی مجادله عملیاتلریده موفقیت قولگه کیریتدی. ترک خوفسیزلیک کوچلری کوز و قیش فصل لریده پی کاکاگه قره ته فقط شهر مرکزلریده ایمس قشلاق و دشتلرده هم پی کاکاگه قره ته بویوک عملیاتلر اویوشتیردیلر. بو عملیاتلر اویوشتیردی. بو عملیاتلر ترور تشکیلاتی گه کتته ضربه وارد قیلدی. ترکیه تکنالوژی نینگ هم همکارلیگی بیلن پی کاکانینگ اوستیگه کتته باسغیچ وارد قیلدی. بو نقطه ده انیق نتیجه و کوپراق ضرر وارد قیلیش اوچون حدوددن تشقری حرکات هم کیره ک.

پی کاکانینگ شمالی عراق و شمالی سوریه ده گی ترور فالیتلری و منطقه ده گی محلی کوچلرنینگ پی کاکاگه قره ته کوره ش توغریسیده ییترسیزلیگی ترکیه نینگ عراق توپراقلریده گی عسکری موجودیتینی و حدوددن تشقری حربی عملیاتلرینی مجبوریت حالتیگه کیلتیردی.  ترکیه بو عملیاتلری بیلن سوریه ده هم بولسه عراق ده هم بولسه ترکیه نینگ خوفسیزلیگی گه قره ته هجوم لر عملگه آشیرگن ترور تشکیلاتی پی کاکانی هر جایده اوروشی نینگ ممکن ایکن لیگینی کورستدی. ترکیه نینگ پی کاکادن آلگن عراق و سوریه منبع لی قوی تهدیدنینگ ناتو متفقی و استراتیژیک اورتاغی امریکا قوشمه ایالتلری تامانیدن هم گپ ده ایمس عملی اجراات بیریلیشی کیره ک. پی کاکا برچه اورتاقلری بیلن تروریست دیر و هر جایده ترکیه آماج قرار بیرماقده دیر. سونگی عملیاتلری بیلن ترکیه آگاهلنتیریش، تهدید، قیغو گپ لریگه دقت ترتمه گن اولکه لرگه قره ته جدی بیر پیام بیرگن بولدی.

ترکیه جمهوریتی اینیقسه عراق و سوریه چیگره سیده گی خوفسیزلیک تهدیدلرینی فقط دیپلوماسی یول بیلن حل قیلالمس لیگینی فرات قالقانی حرکاتی جریانی گچه سینب کوردی. بو جغرافیه ده ترورگه قرشی کوره ش توغریسیده قتتیق بیر شکلده کوچ استفاده قیلیب، هم سوریه همده عراق مقیاسیده کوچلی بولیب توریش اوچون ضروری دیر. بو عملیات بیلن ترکیه چیگره ده گی پی کاکا تهدیدیگه قره ته مجادله ده یکه اوزی هم قالسه کوره شدن واز کیچمس لیگینی کورستدی.

موضوع بیلن تیگیشلی اوله راق، ترکیه جمهوریتی جمهور رئیسی رجب طیب ایردوغان، TÜMSİAD ده قیلگن صحبتیده، شولرنی ایتدی. "سوریه ده ترور تشکیلاتلریگه قیلگن همکارلیک بیلن اولکه میزگه قره ته خصومت لرینی علنی بیر شکلده کورستگن لر شونی بیلیش لری کیره ک، ترکیه قیسی قیمت گه هم بولسه، چیگره سی نینگ یانیده بیر ترور تشکیلاتی گه اصلاً رخصت بیرمه یدی. منطقه ده پول معاشلی عسکر کبی استعمال قیلینگن تروریست لر بیلن ترکیه نی تیز چوکتیرماقچی بولگنلر اشتباه قیلگنینی یقین پیتده کوره دیلر. فرات قالقانی بیزنینگ آخرگی ایمس، بیرینچی عملیاتیمیز دیر. بیر کیچه آنی اوله راق کیلیشیمیز ممکن." جمهور رئیس ایردوغان نینگ بو سوزلریدن ترکیه نینگ تروریزم گه قره ته کوره شی نینگ قاطعانه بیر شکلده دوام ایترلیگینی کوریش ممکن. بناً فرات قالقانی ترکیه نینگ بو جغرافیه ده گی سونگی گپی ایمس، ابتدائی گپی دیر.