S-400 راکتلر و ترکیه نینگ ملی مدافعه سیستم فعالیت لری

S-400 راکتلر و ترکیه نینگ ملی مدافعه سیستم فعالیت لری

ترکیه اوزاق مدت بیری گلوبال و منطقه ئی تهدیدلرگه قرشی مدافعه سیستمینی توسعه بیریش و ملی لشتیریش اوچون حرکت قیلیب تورگن. خودی شو اوچون بیر الترناتیف اوله راق روسیه نینگ S-400 سیستمی هم مدنظر آلینگن. بیز هم بو هفته پروگرامیمیزده ترکیه نینگ ملی مدافعه سیستمینی آلدیک.  

خودی شو موضوع بیلن علاقه لی اوله راق آتاترک عالی بیلیم یورتی خلق ارا مناسبتلر بولیمی اسیستانت لریدن جمیل دوغاچ ایپک نینگ تحلیل یازووینی تقدیم ایته میز...

ترکیه جمهوریتی عسکری و دیپلوماتیک فعالیت لری بیلن منطقه ئی کوچ جایگاه سینی انیق قیلیب بارماقده. اوزاق مدت لیک گلوبال بیر کوچ بولیش اوچون آلغه بارماقده. بو حرکت گه سرعت بیریش، مدافعه صنایع سینی توسعه بیریش و ملی لشتریش مقصدی بیلن ترکیه اوزاق مدت دن بیری فعالیت آلیب بارماقده دیر.

        سوریه ده گی کیلیشمس لیک و غوغانینگ ایچکی اوروش گه اینه لیب کیتگن لیگی، عراق و سوریه ده داعش و پی کاکا کبی ترور تشکیلاتلری نینگ موجودیتی، ترکیه نینگ بو کبی فعالیت لریگه سرعت بیریشی گه باعث بولدی. قوشنی جغرافیه دیه گی یوکسک ریسک لر باعث راکت سیستم لری بیلن کیمیاوی قوراللرگه قرشی ترکیه نینگ هم تورلی تدبیرلر آلیشی ضرور. ترکیه نینگ هم عراق همده سوریه سیاستینی اولاً بو قیغو انیق لشتیرماقده. سوریه سیاستیده بعضی بیر اوزگریشلر کیلتیرگن لیگی، -PYD-YPG توغریسیده امریکا قوشمه ایالتلریگه قره ته عکس العمل کورساتیشی و روسیه بیلن ایش بیرلیگی قیلیشی گه عین سبب باعث بولماقده.

        سوریه توغریسیده اوباما اداره سی، ترکیه گه قرشی PKK-PYD-YPG دن حمایه قیلگن ایدی. ترامپ اداره سی نینگ ایسه قراری حاضرگچه انیق ایمس. ترکیه نینگ روسیه بیلن اقتصادی عسکری همکارلیگینی توسعه بیریب تورگن لیگی نینگ بیرینچی سببی امریکا قوشمه ایالتلری نینگ بو رویه سی دیر.

ناتو اعضاسی ترکیه، راکت تهدیدی آستیده بولگن لیگی گه بناً پاتریئت هوا مدافعه سیستم لری ترکیه گه ناتو تامانیدن کوپ کیچراق کیلتیریلدی. هسپانیادن باشقه اولکه لر هم پرزه لرینی آچیب آلیب کیتدی. بوگون PKK-PYD-YPG نینگ قولیده ناتو بیلن تیگیشلی بولگن خفیف / سقیله قوراللر موجود. ناتونینگ روی خطیده بولگن عسکری انفجار ماده لری ترورچیلر تامانیدن استانبول نینگ اورته سیده استفاده قیلیندی. فتونینگ 15 – جولای خونخورانه کودتا تشبثی گه قرشی غرب علاقه کورستمه دی. خودی شو حادثه لر ترکیه نی مجبوری الترناتیف یوللرگه سوق ایتدی.

ترکیه نینگ اوزاق منزل لیک هوا مدافعه سی 2000 – ییل لرنینگ باشی گچه نایک هرکولس سیستمی ایدی. بو اوزی روسیه نینگ ضعیف بمب آتووچی اوچاقلریگه قرشی تأثیر قیلووچی بیر سیستم دیر. بناً ینگی سیستم تهدیدلرگه مقابله قیلیش گه ضعیف ایدی. بو کم چیلیک بیرینچی و ایککینچی عراق حرکاتی بیلن سوریه بحرانی جریانیده ترکیه نینگ ناتودن همکارلیک سوره شی گه باعث بولدی. ترکیه گه ناتو تامانیدن پتریئوت سیستمی یوباریلدی لیکن بو ییترسیز و موقتی حل یولی ایدی.

        ترکیه مسئله نی حل قیلیش اوچون اوزاق منزل لی هوائی مدافعه سیستم گه قره ته الیب بارگن فعالیت اوچون دواطلب لیک قیلدی. دواطلب لیک که امریکا قوشمه ایالتلری (Raytheon - Lockheed Martin  شراکت لیگی) روسیه فدراسیونی (Rosoboroneksport) چین (CPMIEC) و فرانسه – ایتالیا شراکت لیگی بیلن (EuroSAM) شرکتلر اشتراک ایتدی. ترکیه قویگن شرطلرنی دواطلب لیک اوچون بیریلگن نرخ بیلن چین اولکه سی مناسب تکلیف بیردی. ایککینچی اوریننی فرانسه – ایتالیا شریکلیگی ده گی شرکت آلدی. اوچونچی اوریننی آلگن امریکا قوشمه ایالتلری شرکتی مشترک تولید تکنالوژی همکارلیک تعهدینی بیرمه دی. ترکیه بیلن چین شرکتی اره سیده اوچره شوولر بولیب اوتدی. چین شرکتی بیلن کیلیشوو احتمالی گه هم چین نینگ ناتو اعضاسی بولمه گن لیگی همده شرکت نینگ امیرکا قوشمه ایالتلری تامانیدن تحریم عملی قیلینگن شرکت لر روی خطی ده اورین آلگن لیگی باعث ناتو و امریکا قوشمه ایالتلری عکس العمل کورساتدی. ترکیه بیلن چین شرکتی آره سیده گی اوچره شوولر نتیجه سیده ترکیه شرایط تأمین بولمه گن لیگی اوچون کیلیشووگه قول قوییلمه دی و قرارداد کنسل قیلیندی.

        روسیه بیرگن نرخ نی قوییگه کیلتیرگن لیگی، ترکیه – روسیه آره سیده گی مناسبت نینگ توزه لیب کیتگن لیگی و ترکیه نینگ غربی متفق لریدن حساس موضوعلرگه حمایه بولمه گن لیگی کبی سببلر باعث شو پیله روسیه نینگ S-400 سیستمی ترکیه اوچون بیرینچی ترجیح اوله راق کوریلماقده.

ترکیه نینگ S-400 ترجیحی گه احتمالاً ناتو عکس العمل کورساته دی. ناتو S-400 سیستمی نینگ اوز سیستمی گه عیار قیلیشینی قبول قیلمه یدی. بو حالده ترکیه اوشبو سیستم نی ناتو سیستمیدن مستقل اوله راق یالغیزگینه اوز جایگاه سیدن مدافعه قیله دیگن شکلده جابجا قیلیشی ممکن. بیراق ترکیه نینگ برچه هوائی مدافعه سیستم لری و مدافعه ساختاری ناتوگه کوره عیار بولگن لیگی اوچون ایلک مرحله ده جدی معمالر خلق بولیشی ممکن. ناتو و امریکا قوشمه ایالتلری ترکیه نینگ بو کبی ترجیح لریدن ناراحت بولسه لر منطقه ده معقول بیر کوچ توازنینی برقرار قیلیش اوچون ترکیه نینگ قیغولرینی درک ایتیشی کیره ک و ترکیه بیلن بیرگه لیکده فعالیت آلیب باریشی کیره ک.

        نتیجه ده هوائی مدافعه ایچ – ایچگه کیرگن قتلمه لردن عبارت بیر ساختاردیر. هیچ بیر سیستم یکه اوزی چاره ایمس و اوتیلمه یاتگن بیر دیوار بنا قیلالمه یدی. هوائی مدافعه؛ انسانسیز هوا واسطه لری، هلیکوپتر، اوچاقلر، راکت و بالیستیک راکتلرگه قرشی راکتلر و بولرنی جهت بیره دیگن حس ایتووچی سیستم لری بیلن بیرگه لیکده تمام لنگن بوله دی. ترکیه نینگ کوچلی و ملی مدافعه سیستمی ایجاد ایتیشی منطقه ده گی تینچ لیک و امنیتی جهتدن هم جوده مهم بیر حرکت بوله دی.