فرات قالقانی: الباب و اونینگ آرتیدن

فرات قالقانی: الباب و اونینگ آرتیدن

ترکیه جمهوریتی و آزاد سوریه اردوسی الباب ده داعش ترور تشکیلاتی گه قره ته جدی بیر شکلده ایلگری قره ب باردی. بیزهم پروگرامده فرات قالقانی عملیاتی نینگ کیلجگی و قیسی منطقه لرگه ییره ییب باریشی ممکن ایکن لیگینی تیکشیریب چیقماقچی بولیب،

آتاترک عالی بیلیم یورتی خلق ارا علاقه لر بولیمی اسیستانتی جمیل دوغاچ ایپک نینگ موضوع بیلن علاقه لی یازگن یازووینی قولگه آلدیک.

فرات قالقانی عملیاتی نینگ الباب تامانی آخرگه ییتیب بارماقده. الباب نی قولگه کیریتیلیشی اوچون شهر حربی باشلندی. 8- فبروری 2017 تاریخیده کیچه لب، شهرنی قولگه کیریتیش اوچون عملیات باشلندی و ترکیه حمایه سیده گی آزاد سوریه اردوسی کوچلری شهرنینگ غرب تامانیدن مرکزگه کیریش گه باشله دی. بعضی بیر میدیا ارگانلری عملیات نینگ نهائی بولگن لیگینی اعلان قیلدی. بیراق ساحه دن آلینگن معلوماتلر و رسمی بیاناتلر عملیات نینگ دوام ایتیب تورگن لیگینی ایتماقده دیر. قیسقه مدت جریانیده الباب نینگ ترکیه و آزاد سوریه اردوسی نینگ کنترولیگه اوتیشی ممکن. اوندن سونگره نیمه بوله دی؟ فرات قالقانی عملیاتی نهائئ بوله دی می؟ ویا وسیع بوله دی می؟ وسعت تاپگنده فرات قالقانی نینگ آماجی قیسی منطقه لر بوله دی؟

        بو توغریده سونگی پیتلرده تورلی بیاناتلر ییتیب کیلدی. بیراق جمهور رئیس ایردوغان خلیج اولکه لریگه سفر قیلمسدن آلدین مزبوعاتی کنفرانسیده ترکیه نینگ سوریه سیاستی نینگ آماج و دایره سینی ایتدی. الباب نینگ سقوط قیلیشی گه کم قالگن لیگینی، ینگی هدف نینگ رقه و منبیچ ایکن لیگینی ایتدی.

        ترکیه نینگ نهائی هدفی الباب ایمس. آماج منطقه نی داعش و PKK/YPG  کبی برچه ترور تشکیلاتلری نینگ قولیدن تمیزلش. بو هدف نینگ چوکاتیده سوریه نینگ شمالی گه 4-5 مینگ کیلو مترلیک تروریزم دن تمیزلنگن خوفسیز بیر منطقه ایجاد ایتیش و بو منطقه ده پروازنی منع قیلیش شونده ی قیلیب، سوریه لیک مهاجرلردن بیر قطارینی بو جایگه جابجا قیلیش دیر.

         الباب بیلن رقه آره سیده شو پیله بعضی بیر مهم نقطه لر حکومت و وای پی جی نینگ کنترولی آستیده دیر.

        الباب نینگ ترکیه و آزاد سوریه اردوسی نینگ کنترولیگه آلینیشی فرات قالقانی نینگ بوندن بویان داعش منطقه لری بیلن چیگره حدودی نینگ قالمه گن لیگی معناسیگه کیله دی. فرات قالقانی نینگ بوندن کیین گی مرحله سی نینگ منبیچ، تل ابیض عفرین / تل رفاد منطقه لریگه ییغیلیشی احتمالی بار.

رقه شهر مرکزی ترکیه چیگره سیگه اوزاق بیر منطقه و ترکیه نینگ جهتیدن عاجل بیر تهدید ایمس. داعش نینگ بو جایده توختب توروب ترکیه نی آماج قرار بیریشی ممکن ایمس. بیراق یینه هم داعش نی ترکیه جهتیدن تهدید ایکن لیگینی برطرف ایتیش اوچون رقه نینگ بو گروه نینگ قولیدن تمیزلنیشی شرط.

        امریکا قوشمه ایالتلری و غرب تامانیدن ایتیله دیگن "رقه عملیاتی سوریه دموکراتیک کوچلری بیلن آلیب باریلماقده رقه نجات بیریلگندن کیین وای پی جی عنصرلرینی شهردن چیقره میز" دیگن بیاناتلری صمیمی ایمس. منبیچ و تل ابیض ده هم خودی شو نرسه لر ایتیلگن ایدی لیکن وای پی جی چیقمه دی. عین دمده تل ابیض و اطرافیده اونگه تسلیم بولمه گن عرب، ترکمن و کوردلر وای پی جی تامانیدن زوروانلیک بیلن کوچ قیلدیریلدی.

        ترکیه، عرب و ترکمن لر بیلن کوردلر آره سیده تاریخی دشمنلیک تخملری ایکه دیگن و چیگره سیده اوزاق مدتلی استقرارسیزلیک یره ته دیگن حادثه لرگه مانع بولماقچی. بناً رقه عملیاتی نینگ ایچیده بولیش نی آرزو قیلماقده. ترکیه رقه عملیاتی گه اشتراک قیلسه فرات نینگ شرق تامانیده هم زمینه یره ته دی. بو زمینه نی کیینگی مرحله ده وای پی جی بیلن مجادله ده استفاده قیلیشی ممکن.

        رقه نینگ ترکیه اوچون ایریم مهم تامانلری ایسه رقه لیک جمعیت بیلن تیگیشلی دیر. رقه نینگ داعش و وای پی جی کنترولیگه کیرگن منطقه لریدن یوز مینگ لب کیشی ترکیه گه کیلدی. هم منبیچ دن همده رقه نینگ بومی خلقی سنی، عرب و ترکمنلردن عبارت دیر. ترکیه بو انسانلرنینگ اوز اوی-جایلریگه باریشلری اوچون فرصت یره تماقچی.

        جمهور رئیس ایردوغان ایتگن دیک فرات قالقانی جنوب تامان اونچه کیتمه یدی. هم مسکو همده واشنگتن نینگ سوریه و عراقده داعش گه قرشی کوره ش استراتیژی سیده ترکیه بیلن مشترک رول آلماقچی بولگن لیکلری بیلینماقده. بیراق بو ایککی اولکه نینگ وای پی جی گه قره ته رویه سی ینگی مرحله ده انقره واشنگتن و انقره مسکو مناسبتی نینگ کیلجگینی تعیین ایته دی.

مسکو واشنگتن گه قره گنده وای پی جی گه اوزاقراق کوریله دی. بیراق ترامپ اداره سی نینگ رویه سی هلی گچه انیق بولمه گن. ترامپ و تیمی ده گی سیمالردن سوریه ده ترکیه بیلن همکارلیک توغریسیده مثبت معناده پیاملر بیریلماقده. بیراق یینه شو اداره چیلر وای پی جی بیلن اتفاق نینگ اهمیتی گه تماس قیلماقده لر. ترامپ اداره سی رادیکا اورته شرق سیاستی نینگ هدفلریگه ترکیه بیلن هر تامانلمه استراتیژیک بیر همکارلیک قیلمه ی بارالمه یدی. اوباما اداره سی نینگ هم ترکیه همده وای پی جی بیلن اتفاق قیلماقچی بولگن لیگینی دوام ایتماقچی بولگنده بو همکارلیک پروسه سی عملی بولمه یدی. بو توغریده امریکا قوشمه ایالتلری ینگی اداره سی نینگ بیر ترجیح قیلیش گه مجبور بولیب قالرلیگینی ایتیش ممکن.