10 نچی نومبر کونی آتاترک منتدارچیلیک بیلن یاد ایتیلماقده

10 نچی نومبر 1938 نچی ییل مصطفی کمال آتاترک وفات ایتگن

ترکیه جمهوریتی دولتینی قورگن و ایلک جمهور رئیس بولگن مصطفی کمال آتاترک نینگ وفاتی مناسبتی بیلن یاد ایتیلماقده. آتاترک 10 نچی نومبر 1938 نچی ییل ایرته لب ساعت 09:05 ده 57 یاشده استانبول دولمه باغچه سراییده وفات ایتگن. 1881 نچی ییل سلانیکده دنیاگه کیلگن و مستقل لیک حربی نینگ باشقرووچیسی غازی مصطفی کمال آتاترک سیاسی و عسکری حیاتی بوییچه ترک اردوسی نینگ بقاسی و مستقل لیگی اوچون کوره شگن دیر. چاناق قلعه حربی جریانیده موفقیت قولگه کیریتگن مصطفی کمال آتاترک 1 دنیا حربی نتیجه سیده عثمانلی امپراتورلیگی نینگ مغلوبیت گه اوچره ییشی و اولکه توپراقلری نینگ غلبه قازانگن دولتلر تامانیدن اشغال ایتیلیب باشلنگن لیگی بیلن ترک ملتیگه رهبریت قیلیب، مستقل لیک اوچون کوره شگن. بو کوره ش نتیجه سیده موفقیت قولگه کیریتیلیشی بیلن لوزانده آلیب باریلگن تینچ لیک کیلیشووی نتیجه سیده ترکیه جمهوریتی قوریلدی و مصطفی کمال ایلک جمهور رئیس بولیب تخت گه اولتیردی. بونینگ آرتیدن آتاترک تخلصی بیریلدی. او عملگه آشیرگن انقلاب لر بیلن مودرن بیر جمعیت نینگ یوزه گه چیقیشی اوچون بویوک حصه قوشگن دیر. یینه بیر بار بویوک رهبرنی وفاتی نینگ ییل لیگی مناسبتی بیلن منتدارچیلیک بیلن یاد ایته میز.