ینگی دنیاده ترکیه نینگ غایه سی

ینگی دنیاده ترکیه نینگ غایه سی

بوگون دنیاده گی اینگ مهم مسأله لردن بیرته سی استخدام موضوع سی دیر. ایش سیز تقریباً برچه اولکه لرده موجود دیر. آز توسعه قیلگن، توسعه قیلیش جریانده بولگن و توسعه قیلگن اولکه لرنینگ برچه سی نینگ مسأله سی دیر. توسعه قیلگن اولکه لرده 5 فایز، توسعه جریانیده بولگن اولکه لرده 10 فایز و آز توسعه قیلگن اولکه لرده ایسه 10-30 فایز آره سیده دیر.

ترکیه نینگ نفوسی کوپ و امکانیتی آز بولگن حالده ایش سیزنینگ سانی آز مقدارده دیر. ترکیه ایش سیزلیک مسأله سینی اوز تخنیکی بیلن برطرف ایته یاتگن بیرنیچه اولکه دن بیرته سی دیر. استخدام مسأله سی نینگ حل بولیشی اوچون ایککی بویوک پروژه دن بحث قیلیب اوتیش ممکن. بیرنچی سی محلی اداره لر تامان آلیب باریلگن استعدادلی ایش نیروسی ایککینچی اوله راق ایش تاپیش اداره سی نینگ عام اوچون عملگه آشیرگن فعالیت لری دیر.

بعضی بیر منطقه لرده سرمایه گذارلیک توغریسیده عملی بولگن همکارلیک لرنی بولردن بیرته سی دیر. دنیا مقیاسیده کوریلگن مسأله نینگ ترکیه ده اداره بولگن وضعیت گه کیلگن لیگینی کورماقده میز. بلدیه لر اینیقسه استانبول و انقره بلدیه لری استعداد رشد بیرووچی کورسلری بیلن پرسونل ضرورتی بولگن هر بیر ساحه گه کدر تربیه قیلیب بارماقده.

قیسی بیر روایت گه کوره اولکه نینگ پادشاهی نینگ اوغلی اهالی دن بیرته سی نینگ قیزیگه عاشق بولر و او بیلن توی قیلماقچی بولر ایکن. بیراق باله نینگ آته سی یعنی پادشاه اوشبو فکرگه مخالت قیله دی. اوزیگه تینگ بیر عائله نینگ قیزینی تاپیب آلیشینی خواهله ماقده دیر. اما باله بو قیزدن باشقه سینی ایسته میدی. پادشاه اوغلی نینگ بو وضعیتینی درک ایتیب، وزیری بیلن مشوره قیله دی. وزیر بو فکرگه مثبت معناده قوشیله دی و قیز اوچون جوچی گه بارماقچی بولیب قیز نینگ عائله سیگه پادشاه نینگ کیلرلیگینی خبر بیره دیلر.

مذکور کیشی تیارگرلیک آله دی و پادشاه جوچی لیک اوچون باره دی. متوازی بیر اویده پادشاه اوچون جای تیارلب هم قورقیش همده هیجان بیلن کوتیب آله دی. نیمه اوچون کیلگن بولسه عجب؟؟؟؟

نهایتده وزیر گپ نی آچیب الله تعلی نینگ امری پیغمبرنینگ قولی بیلن قیزینگیزنی پادشاهیمیزنینگ اوغلیگه آلماقچی بولیب کیلدیک دیب ایته دی. بو پیشنهاد بیلن خرسند بولگن لیگینی معلوم قیلیب، باله نینگ قنداغ بیر ایش بیلن شغل لنگن لیگی سوال قیله دی. پادشاه ایسه اولکه نینگ تختی نینگ وارثی بولگن بیر کیشی اوچون بو نقه سوال بوله دی می؟ دیب اچیغی کیله دی. بهانه قیلیب بیرماقچی بولمه گن لیگینی بیان ایتیب چیقماقچی بوله دی. بیراق قیزنینگ آته سی تیترب سیز خواهله سنگیز قیزیم نی زوروانلیک بیلن آلیشینگیز ممکن بیراق مین نینگ رضام نی آلماقچی بولسنگیز استعداد و قول قابلیتی بولمه گن بیر کیشی گه قیز بیرماقچی ایمس من دیب ایته دی و بو کیچه یمان بولیب اوته دی.

پادشاه ایسه وضعیت نی کیلیب باله سیگه بیان ایته دی. پادشاه نینگ اوغلی مذکور قیزنی نیمه قیلیب آلماقچی بوله دی و پادشاه اوغلیگه قول قابلیتی بولگن بیر ایشنی اورگتیش اوچون حرکت قیله دی و اونگه قالین توقیشنی اورگته دیلر. اوندن کیین قیزنی آلیب بیره دیلر. توی بولیب اوته دی بیر مدت کیین پادشاه اوله دی و اوغلی تخت گه اولتیره دی. بیر کون ایسه اوغری لر پادشاه نینگ اوییگه هجوم اویوشتیره دی. هر نیرسه نی برهم اوروب پادشاه نی آلیب قاچه دیلر. پادشاه ایسه اولرگه یخشی قالین توقیشنی بیلرلیگینی اوزی توقیگن قالینلرنی کتته خزینه قدر بهاسی بولگن لیگینی ایته دی.

اوغریلر ایسه پادشاه نینگ سوزینی قبول قیلیب، کارگاه قوریب بیره دیلر و پادشاه قالین توقیب باشله یدی. پادشاه توقیگن قالینلر بازارده اینگ یوکسک بها بیلن ساتیله دی. اوغریلر وضعیتدن ممنون قالیب پادشاه نینگ کیچه – کوندوز قالین توقیشینی سوره یدیلر. پادشاه توقیگن قالینلر ایریم قالینلردن قیمت ساتیله دی. کونلردن بیرکون پادشاه بیر قالینگه قیرگه اسیر بولیب یاتگن لیگی و اوغری لرنینگ نیچه کیشی بولگن لیگینی قالینگه توقیدی. هرکون پادشاه اوچون بازارگه کیلگن عسکرلری قالین نی کوریب توقیلگن مخفی راپورنی بیلیب قالیننی ساتیب آله دیلر. پادشاه نینگ عسکرلری مخفی سوزلردن پادشاه نینگ قیرگه ایکن لیگینی تثبیت ایته دیلر.

تیزیده کیتیب پادشاه نی قوتقزیب آله دیلر و کیلتیریب تخت گه قویه دیلر. آسان گینه بیر قول قابلیتی بیلن پادشاه نینگ تختینی نجات بیریش ممکن. انه شو اناطولی ده گی محلی اداره چیلر هم انسانلرنینگ قول صنعت و قابلیت ایگه سی قیلیب جامعه گه تقدیم ایتیب بارماقده دیر.

بویوک درجه لرده کوریلمه گن بیراق بویوک تأثیر قالدیرگن بو کبی فعالیتلر ترکیه ده گی ایش سیزلیک مسأله سینی برطرف ایتیب بارماقده دیر.

قونیه قاره تای عالی بیلیم یورتی نینگ استادلریدن پروفیسر داکتر مظهر باغلی نینگ یازووینی تقدیم ایتدیک...