ترکیه نینگ مقاومتی

ترکیه نینگ مقاومتی

ترکیه اولوسی قاله ویرسه کورد خلقی هم وطنداشلریدن محافظه قیلیش اوچون پی کی کی گه قرشی کوره شیش گه دوام ایته دی. ترکیه داعش گه قرشی اویوشتیریلگن ائتلاف نینگ ایچیگه اکتیف بیر شکلده سهم آلیب دوام ایته دی.

میلادی 13 مارچ کونی انقره ده یوز بیرگن هجوم حادثه سی یونگی پیتلرده عملگه آشیریلگن تروریستیک حادثه لرنینگ سونگی حادثه سی دیر. ترکیه بیر تماندن داعش تروریست گروهی بیر تماندن ایسه تروریست گروهی پی کی کی گه قره ته مجادله سیگه دوام ایتر ایکن خلق ارا تروریزم ترکیه نی آماج قرار بیرماقده دیر. اوشبو حادثه لر نتیجه سیده یوزه گه چیققن بحران و تروریزم گه قره مه ی ترکیه تروریزم سیاستی گه تسلیم بولمه یدی. ترکیه نینگ مقاومتی اوشبو تهدید و بحراننی برطرف ایتیش اوچون دوام ایته دی.

یقین پیتده داعش و پی کی کی تمان عملگه آشیریلگن اوشبو هجوم لر بیش ییلدن بیری دوام ایتیب تورگن سوریه حربی نینگ نتیجه لری دیر. داعش ترکیه – سوریه چیگره سی بوییچه ائتلاف کوچلری آرقه لی قمریب آلینگن لیگی باعث ترکیه نینگ اوستگه تأثیر قالدیریش اوچون قصبه و شهرلریگه هجوم اویوشتیرماقده دیر. خودی شو پیتده داعش ترکیه نی اوزیگه علنی بیر شکلده دشمن و آماج اوله راق اعلان ایتگن دیر. حتی اوشبو گروه اوز انترنیت سایتلری آرقه لی ترکیه و ترکیه جمهور رئیسی رجب طیب ایردوغاننی اسلام دشمنی اوله راق معرفی قیلماقده دیر.

پی کی کی هم شونگه اوخشه گن تخنیکنی تعقیب ایتماقده دیر. دیاربکر، حقّاری، شیرناق و ماردین کبی جنوب – شرق ولایتلریده موفق بولمه گن لیگی باعث انقره و ایریم بویوک شهرلرگه هجوم اویوشتیرماقده دیر. هجوملرنینگ خلق قورقیش و تهدید تأثیری قالدیریشی بیلن حکومت پی کی کی گه قرشی آلیب بارگن انتی – تروریزم عملیات لرینی توخته تیش گه مجبور بولیب قاله دی دیبا ویله ماقده دیر. ترکیه داعش دن هم پی کی کی تماندن هم کیلگن تهدیدلرگه تسلیم بولمه یدی.

غرب، داعش و پی کی کی نینگ سوریه ده گی اورتاغی بولگن پی وای دی نینگ قوراللی بولیمی یو پی جی نی بیراوی گه قرشی اوروشماقده دیر کبی کورسته یاتگن بولسه هم درحقیقت برچه سی ترکیه گه قرشی حرکت ایتاماقده دیر. ایکّی تروریست گروهی هم ترکیه نی یولگه کیلتیریش اوچون خودی شونقه میتود و تخنیکلرنی استفاده قیلیب بارماقده. ایکّی سی هم کوپ سانده انسانلرنی اولدیریب، اوز طلب لری قبول بولیشی اوچون سیاسی فضانی و جماعت نی تغییر بیررلیگینی اویله ماقده.

بیز اولگنلرنینگ عزادارلیگی، یره لنگن کیشی لر و عائله لری بیلن مشغول ایکن، خودی شو حادثه لرنی، سوریه ده گی ایچکی اوروشلرنی و پی کی کی نینگ بونی اوز منفعتی بوییچه استفاده قیلگن لیگینی اشاره قیلگن کتته بیر رسم نینگ ایچیده کوریش ممکن دیر. انقره بیر مدت دن بیری برچه دنیانی یالغیزگینه اوزی اوچون ایمس، اورته شرق و اروپا اوچون هم سوریه ایچکی اوروشی نینگ یه یره ییب باریشی توغریسیده آگاهلنتیرگن ایدی. خلق ارا جماعت نینگ سوریه خلقیدم محافظه قیلیش گه و اولکه لریده آقیب تورگن قاننی توخته تیش گه ناکام قالگن لیگی گه قره گنده داعش تروریست گروهی نینگ یقین پیتلرده تروریزم حادثه لریگه معروض قالگن بلجیم، فرانسه و تونس تمان انعکاس قیلگن لیگی نجات تاپیشی قیین بولیب قالگن حالت گه کیلگن ایدی.

بیرینچیده سوریه دن کیله یاتگن مهاجرلر اروپا اوچون کتته مسأله بولیب قالگن. مهاجرنینگ کیلیش مسأله سی قچان برطرف بولرلیگی ترکیه، یونان، بروکسیل و اروپانینگ باشقه لری اوچون جواب بیریشی قیین بیر سوالگه اوگیریب قالگن دیر. باش وزیر احمد داود اوغلی تمان اروپا لیک رهبرلر بیلن آلیب باریلگن مذاکره لر سوریه دن اروپانینگ برچه منطقه لریگه یوز بیره یاتگن مهاجر هجومینی اداره قیلیش اوچون کتته فرصت دیر. بیراق بحران نینگ سببی ترکیه ویا یونان ده ایمس سوریه ده دیر.

انقره نینگ پی کی کی بیلن علاقه لی تشویش لری یینه بیر بار توغری ایکن لیگی معلوم بولدی. انچه غرب لیک تحلیلگرلر پی کی کی نینگ سوریه نینگ ایچکی اوروشینی اوز منفعتی بوییچه استفاده قیلگن لیگینی علاقه کورستمه یدی و بونی داعش گه قرشی مجادله آدرسیدن آلیب بارماقده دیرلر. در حقیقت پی کی کی ترکیه ده گی صلح پروسه سینی برهم اوردی و سوریه ده گی وضعیت دن فرصت قولگه کیریتیش اوچون فعالیت آلیب باردی. پی کی کی رهبرلری نینگ اوتگن ییل جریانیده ایتگن لری کبی سوریه اوروشی دوام ایتگن تقدیرده پی کی کی قورالنی ترک ایتمه یدی. نیمه اوچون؟ چونکه سوریه ده گی ایچکی اوروشنی ترکیه دولتی گه قرشی عملی قیلیب تورگن قوراللی مجادله سی اوچون نجات بیرووچی بیر بهانه اوله راق استفاده ایتماقده دیر. پی کی کی و اونینگ سوریه ده گی اورتاغی داعش گه قرشی بهانه سی بیلن تروریستیک فعالیت لرینی دوام ایتدیریش توغریسیده کوچلی بولیب جسارت قولگه کیریتگن دیر. ترکیه ده فعالیت آلیب باراتگن پی کی کی گروهی نینگ سوریه ده پی وای دی کنترولی ده گی منطقه لردن مواد همکارلیگی قولگه کیریتگن لیگی همه تمان معلوم دیر.

ترکیه نینگ سوریه ایچکی اوروشی و داعش گه قرشی مجادله سی چوکاتیده پی کی کی مسأله سینی مطرح قیلگن لیگینی تنقید ایتگن لیکلری قیزیق حادثه دیر. حتی داعش بیلن مجادله موضوع سینی پی کی کی تمان آلیب بارگن لیگی بیلن عیبله ماقده دیرلر. 17 فبروری و 13 مارچ تاریخلریده گی هجوم حادثه لری ترکیه ده پی کی کی خطری نینگ کتته لیگین انعکاس بیرماقده. ترکیه خوفسیزلیگی گه کوپ جدی تهدید بولیب تورگن پی کی کی مسأله سینی انعکاس بیریش داعش گه قرشی مجادله توغریسیده دقتلرنی باشقه تمان آلیب باریش معناسیگه کیلمه یدی. برعکس ترکیه داعش و پی کی کی نینگ خطرینی مطرح قیلیش گه حق به جانب چونکه ایکّی سی هم اوز منفعت لری اوچون ترکیه نی آماج قرار بیرماقده. بعضی بیرته لرنینگ بو حقیقت نی کورمه گن لیکلری شرم گه سزاوار...

1980 نچی و 1990 نچی ییلرده دنیا مقیاسیده القاعده کبی ترور گروهی موجود ایکن لیگی بناً بیرلشگن بویوک بریتانیا حکومتی نینگ ایرلند جمهوریت اردوسی تروریزمی بیلن مصروف بولگن لیگی هیچ کیم مخالف قیلمه گن ایدی. خودی شو حالده دنیا ایریم تروریستیک گروه لری بیلن مصروف حالده ایکن، هسپانیانینگ باسک وطنی و ایرکین لیک تروریزمی گه قرشی مجادله سی اوچون هم مطرح دیر. پی کی کی و داعش موضوع سیگه ترکیه نینگ جایگاهی هم خودی شو مثاللردن فرقلی ایمس دیر. پی کی کی نینگ غرب گه ایمس یالغیزگینه ترکیه گه هجوم اویوشتیرگن لیگی اونینگ اهمیت بیرلمه یاتگن درجه گه کیلتیرمس لیگی کیره ک.

ترکیه، قاله ویرسه کورد خلقی هم وطنداشلریدن محافظه قیلیش اوچون پی کی کی گه قرشی مجادله سیگه دوام ایته دی. ترکیه داعش گه قرشی ایجاد ایتیلگن ائتلاف نینگ ایچیده بولیب دوام ایته دی. بیراق داعش بیلن مصرف بولیب پی کی کی تروریست گروهی گه قرشی کوز یومیش اوچون بیر بهانه تشکیل ایتمه یدی. ترکیه اوز متفق لرینی برچه تروریست گروه لریگه قرشی مجادله ایتیش اوچون دعوت ایتیش گه حقی باردیر.