سیاسی تحلیل: سوریه ده نیمه اوچون اوروشلر دوام ایتماقده؟

قریب تورت ییلدن بیری دوام ایتیب کیلیتگن سوریه ده گی ایچکی اوروش لر, فقط گینه سوریه مسئله سی دن عبارت ایمس البته که. سوریه ده بشار الاسد تیزیمی نینگ اداغگه ییتیشتریلیشی نی طلب ایتیتگن تمانلر بیلن اوشبو رژیم نینگ دوام ایتیشی کیره ک ایکن لیگی نی بیلدیریتگن تمانلر نینگ اصلی گه قره گنده اورته شرق نینگ کیله جگی بیلن علاقه لی اوز پلان لری نی قیلگن لیک لری کورینماقده. سوریه ده گی ایچکی اوروشلرنینگ اداغگه ییتمه گن لیگی و کونساین چقورله شیب باریتگن لیگی نینگ سببی هم خودی منه شو موضوع دن عبارت. شونده ی قیلیب سوریه ده گی ایچکی اوروشلر اورته شرق بیلن بیر قطارده, عموماً خلق ارا مقیاسده گی بیر مسئله نی هم تشکیل ایتماقده. باشقه چه قیلیب ایتگنده سوریه ده گی ایچکی اوروشلر, دنیا کوچلری آره سیده نماینده لری واسطه سی بیلن آلیب باریلیتگن بیر رقابتدن عبارت.
نوامبر آیی نینگ ۶ نچی کونیده ویانا ده بولیب اوتگن تینچ لیک کنفرانسی گه اشتراک ایتگن اولکه لر خودی منه شو ادعا نینگ انیق دلیلی نی تشکیل ایتماقده. سوریه ده گی اوروشلر نینگ فقط گینه سوریه مسئله سیدن عبارت بولیشی تقدیرده, امریکا قوشمه ایالت لری, روسیه, چین, انگلستان, فرانسه, آلمان, ایتالیا, ترکیه, سعودی عربستان, مصر, قطر, اردن, لبنان, ایران, عراق, عمان و بیرلشگن عرب امیرلیک لری کبی اولکه لرنینگ همه سی نینگ اوشبو کنفرانس گه اشتراک ایتیش لری ضروری ایمس ایدی.
ایککی کون دوام ایتگن اوشبو کنفرانس نینگ ایلک روندی نینگ هیچ قنده ی بیر نتیجه بیرمه گن لیگی و ۱۵ کون کیین ینه بیر ییغیلیش نینگ بولیب اوتیشی گه قرار بیریلگن لیگی نینگ اوزی هم سوریه مسئله سی نینگ جوده چقور بیر مسئله دن عبارت ایکن لیگی نی کورستماقده. اوشبو وضعیت نینگ اوزی ایسه, سوریه ده گی اوروش لرنینگ توخته تیلیشی نینگ فقط گینه سوریه ایمس, بلکه اورته شرق منطقه سی نینگ هم کیله جگی گه تاثیر قالدیره دیگن لیگی نی عکس ایتتیرماقده.
ویانا ده بولیب اوتگن کنفرانس باره سیده بحث ایتیش, اوتگن یوز ییلده بولیب اوتگن و اورته شرق نینگ کیله جگی نی معلوم قیلگن ایککی کتته کنفرانس نی ایسلتماقده. اوشبو کنفرانس نینگ بیرینچی سی بیرینچی دنیا اوروشی آرتیدن میلادی ۱۹۱۹ و ۱۹۲۰ نچی ییللری آره سیده پاریسده بولیب اوتگن کنفرانس و امضالنگن معاهده دن عبارت ایکن, ایککینچی سی ایسه, میلادی ۱۹۹۰ نچی و ۱۹۹۱ نچی ییللری آره سیده بولگن عراق بیلن کویت آره سیده گی اوروش آرتیدن میلادی ۱۹۹۱ نچی ییلی اکتوبر آیی نینگ ۳۰ نچی کونیده ترتیب لنگن مادرید کنفرانسیدن عبارت. پاریس کنفرانسی نتیجه سیده عثمانی دولتی اداغگه ییتیشتیریلیب اورنیگه اورته شرقده ینگی دولت لر قوریلدی. شونده ی قیلیب اورته شرق نینگ نقشه سی قیته باشدن تیارلنگن بولدی. مادرید کنفرانسی جریانیده ایسه, فلسطین مسئله سی نینگ ییچیلیشی و عربلر بیلن اسرائیل آره سیده بیر تینچ لیک پروسه سی نینگ تامین ایتیلیشی مقصدی بیلن ینگی فعالیت لرنینگ قیلینیشی گه قرار بیریلدی.
شونده ی آلیب قره گنده, پاریس کنفرانسی نینگ قریب یوز ییل لیق بیر مدت مابینیده اورته شرق تاریخیده مثبت بیر نتیجه بیرمه گن لیگی دیک, مادرید کنفرانسی نینگ هم فلسطین مسئله سی گه بیر ییچیم یولی تاپه آلمه گن لیگی کوزگه تشلنماقده. خودی منه شو ایککی کتته کنفرانس جریانیده آلینگن قرار لرنینگ پلان لنگن نتیجه گه سبب بولمه گن لیگی نینگ, حاضرگی کونده دوام ایتیب کیلیتگن سوریه بحرانیدن تشقری باشقه معما لر گه هم سبب بولیب کیتگن لیگی نی ایسله تیب اوتیشی میز ممکن. پاریس کنفرانسی نتیجه سیده منطقه ده سنی چیگره لر و رژیم لر پیدا بولگن لیگی و مادرید کنفرانسی نینگ ایسه, سوریه نی تینچ لیک پروسه سی گه کریته آلمه گن لیگی سوریه ده گی ایچکی اوروش لرنینگ سببلری آره سیده اورین آلماقده. پاریس کنفرانسی, سوریه ده اقلیت دن عبارت النصیریه و بعث رژیمی نینگ اقتدار ده قالیشی گه سبب بولرایکن, مادرید کنفرانسی ایسه, اسرائیل نینگ اشغال فعالیت لری و هجوملری نتیجه سیده فلسطین مسئله سی گه بیر ییچیم یولی نینگ تاپیلیشی گه مانع بولدی.
سوریه نینگ توتالیتر رژیمی و فلسطین مسئله سیدن عبارت ایککی فکتور گه سوریه ده ینگی بیر نظام نینگ قوریلیشی جریانیده اوته مهم بیر موضوع صفتیده کتته اهمیت بیریلیشی کیره ک. ویانا ده ییغیلیش اوتکزگن خلق ارا کوچلر و منطقه مقیاسیده گی اکتور لرنینگ ایلک ایشی البته که سوریه ده گی تینچ لیک نی تامین ایتیش دن عبارت. تینچ لیک نینگ اورنه تیلیشی اوچون ایسه, سوریه ده بشار الاسد تیزیمی و مخالف لری نینگ اوروشلر نی توخته تیشلری و داعش کبی ترور تشکیلات لری نینگ منطقه دن تصفیه ایتیلیشی و کیین چه لیک ینگی بیر سوریه دولتی و حکومتی نینگ قوریلیشی کیره ک. اوشبو ینگی سوریه ده بشار الاسد نینگ اورین آله دیگن لیگی یاکه آلمیدیگن لیگی موضوعی نینگ کیلیشموچیلیک لر بوییچه اینگ مهم موضوع نی تشکیل ایتیتگن دیک کورینیتگن لیگی گه قره مسدن, اساسی کیلیشموچیلیک نینگ خلق ارا مقیاسده گی کوچلر و منطقه مقیاسیده گی اکتور لر نینگ سوریه و اورته شرقده قنده ی بیر نظام آرزو ایتیتگن لیکلری گه باغلیق ایکن لیگی کورینماقده.
خودی منه شو کیلیشموچیلیک لر نینگ ایککی تمان آره سیده موجود ایکن لیگی کورینماقده. اوشبو تمانلر نینگ بیرینچی سی نینگ, دموکراسی و غرب بلاکی اولکه لر نی تشکیل ایتیتگن امریکا قوشمه ایالتلری, انگلستان, فرانسه, آلمان, ترکیه, سعودی عربستان و قطر کبی اولکه لردن عبارت ایکن, ایککینچی سی نینگ ایسه, اوتوریتر و شرق بلاکی اولکه لر نی تشکیل ایتیتگن روسیه, چین, عراق و ایران کبی اولکه لر دن عبارت ایکن لیگی کورینماقده. اوشبو اولکه لرنینگ ایککی بلاک گه بولینیب قالیش لری نینگ مهم فکتور لری دن بیری هم سعودی عربستان بیلن ایران آره سیده گی مذهبی کیلیشموچیلیکلر دن عبارت. خودی منه شو ایککی بلاک آره سیده جیوپولیتیک, جیوستراتیژیک, انرژی (پطرول و طبعی گاز), اقتصاد, نفوذ ساحه سی, سلاح ساتیش و اعتبار کبی موضوع لر توغری سیده هم جدی رقابتلر موجود. حتی کنفرانس گه اشتراک ایتمه گن لیگی گه قره مسدن, اسرائیل بیلن فلسطین آره سیده گی معما گه اهمیت بیرمسدن سوریه مسئله سی گه بیر ییچیم یولی نینگ تاپیلیشی نینگ ممکن ایمس لیگی کورینماقده. میلادی ۱۹۴۸ نچی و ۱۹۵۶ نچی ییلیدن بیری اسرائیل بیلن فلسطین آره سیده گی معما بیلن علاقه لی مهم اولکه لر دن بیری مصر دن عبارت ایکن, باشقه سی نینگ ایسه هر دایم اسرائیل دن عبارت بولیب کیلگن لیگی کورینماقده. شونده ی قیلیب امریکا قوشمه ایالتلری تشقی سیاستی بوییچه اوته مهم کیشی لر دن بیری بولگن هنری کیسینگر نینگ ایتگن لیگی دیک, "اورته شرقده مصر سیز اوروش و سوریه سیز تینچ لیک ممکن ایمس".
نتیجه ده تاریخی تجربه لر و حاضرگی کونده گی وضعیت گه قره گنده, ویانا ده بولیب اوتگن کنفرانس نینگ فقط گینه سوریه ایمس, بلکه اورته شرق نینگ کیله جگی نی هم انیق لشتیره دیگن بیر کنفرانسدن عبارت ایکن لیگی کورینماقده. تاریخی جهتدن آلیب قره گنده پاریس و مادرید کنفرانسی قدر اهمیت گه ایگه بولگن ویانا کنفرانسی نینگ, اوشبو تاریخی تجربه گه اهمیت بیریشی ضروری. سوریه و اورته شرقده موفقیتلی بیر شکلده تینچ لیک نینگ اورنه تیله آلینیشی اوچون ایتنیکی و مذهبی موازنه لر بوییچه جوده حساس بولیش کیره ک. شونده ی قیلیب منطقه ده چیگره لر نی تهدید ایته دیگن ینگی بیر سنی ساختار و چیگره ایمس, بلکه حقیقت لر گه اویغون دموکراتیک و عادل بیر سوریه و منطقه نینگ قوریلیشی ضروری. باشقه چه قیلیب ایتگنده ۲۰ نچی عصر نینگ ایلک ییل لریده بولگن اشتباه نینگ ۲۱ نچی عصر نینگ باشلنغیچ ییل لریده هم تکرار ایتیلمسلیگی کیره ک.