آتاترک نی یاد ایتیش مناسبتی بیلن تیارلنگن برنامه

ترکیه جمهوریتی نی قورگن مصطفی کمال آتاترک نینگ اولگن لیگی نینگ 77 نچی مناسبتی بیلن حرمت و رحمت بیلن یاد ایته میز
عثمانلی امپراتورلیگی نینگ سرعت بیلن اوزنهاییگه ییتیب بارماقده ایکن، مصطفی کمال اوشه پیتلرده ترکیه نینگ توپراغی بولگن سلانیک ده 1881 نچی ییل دنیاگه کیلگن. مصطفی کمال عثمانلی پادشاهی سلطان 2 نچی عبدالحمید قابلیتی گه بناً امپراتورلیک نینگ ییقیلیب کیتیشیگه مانع بولیش اوچون حرکت ایتماقده ایدی. مذکور پیتده دشمن هجوم لریدن ضرر کورگن صنایع، فابریکه، تیمیر یول لری، اقتصادی و عسکری ساحه لرنی محافظه قیلیب قیته دن قوریش اوچون فعالیت قیلیب تورگن ایدی. عثمانلی چیلیک حرکتی هیچ بولمه گنده مسلمان توپراقلرده امپراتورلک نینگ دوام ایتیشی اوچون حرکت ایتیب تورگن ایدی. اروپاده تحصیل قیلگن بعضی بیر آیدین کیشی لر پان ترکیزم نینگ تأثیری بیلن ینگی بیر حرکت ایجاد ایتدی. 1908 نچی ییل سلطان عبدالحمید تخت دن توشیریلیب سلانیک که سورگون ایتیلدی. بو عملاً عثمانلی سلطانلری نینگ صلاحیتی نینگ اتحاد تراقی حزبی نینگ اعضالریگه تاپشیریلشی گه باعث بولدی. خودی شو حرکت بیر حزب لیک اداره نینگ 600 ییل لیق اوتمیشی بولگن امپراتورلیک میراثی نی قیسقه مدت جریانیده اورته دن کوتردی. 1918 نچی ییل ده گی 1 نچی دنیا اوروشی نینگ مغلوب لری قطاریده حزب نینگ اداره چیلری خارج گه قاچیب کیتدی. اولکه توپراقلری غالب دولت اردولری تمان اشغال ایتیلدی.
مصطفی کمال سلانیک ده گی تحصیلی جریانیده اوز استادلری نینگ توجه سینی اوزیگه جلب قیلیب آلگن موفق بیر اوقووچی ایدی. عسکری مکتب لرده هم موفقیت لیک بیلن اوز تحصیلینی دوام ایتدیریب، 1905 نچی ییل شام ده عسکری وظیفه گه باشله دی. هر بیر ترک آیدینی کبی امپراتورلیک نینگ ضعیف بولیب قالگن لیگی اونی هم متأثر قیلگن ایدی. ترک آیدین لری ینگی بیر ریفورم و اداره بیلن امپراتورلیک نینگ قیته دن کوچلی وضعیت گه ییتیب کیلرلیگی نی امید ایتماقده ایدی. مصطفی کمال ایسه اوشبو فکرلرنینگ عکسی نی توشونیب جدی بیر اوزگریش بیلن ملت نینگ کیله جگی نی تعیین قیلیش نینگ ضرور بولگن لیگینی اویله ماقده ایدی.
مصطفی کمال 1915 نچی ییل ده ترکیه نینگ تاریخیده چاناق قلعه اوروشی اوله راق اوتگن حربی اوروشلرگه موفقیت لیک بیلن قتنه شیب اولکه ده مطرح بیر کیشی بولیب قالگن دیر.اورش ده گی قابلیتی بیلن دشمن نینگ مغلوب بولیشی گه باعث بولدی. چاناق قلعه اوروشی قازانیلگن ایدی، بیراق 1 نچی دنیا اوروشی ایسه مغلوبیت بیلن اوز نهایه سیگه ییتیب بارگن ایدی. مصطفی کمال ترکیه نینگ اوروش متفقی بولگن آلمان نینگ مغلوب بولرلیگی نی بیلیب، اوشبو اتفاق اوچون مخالفت قیلگن ایدی. اتفاق و تراقی حزبی نینگ اعضالری نینگ بیر تماندن عسکرلیک قیلگن لیکلری بیر تماندن ایسه سیاست گه اره لشگن لیکلرینی توغری حرکت بولمه گن لیگی ایفاده ایتیب، اولردن اوزاق توریش گه باشله گن ایدی.
اوروش دن کیین 1918 نچی ییل امضا بولگن موندروس کیلیشوی نینگ آرتیدن استانبول نینگ اشغال بولگن لیگی ترک ملتی نی متأثر قیلگن و آیدین لر آره ملی مجادله فکری یوزه گه چیققن دیر. پادشاه وحدت الدین تمان مصفی کمال نینگ اردو مفتشی اوله راق اناطولی گه یوباریلیشی کوتیلگن فرصت نی قولگه کیریتگن بولدی. اناطولی گه آدیم آتگن دیک ملی مجادله نینگ تشکیلات لرینی ایجاد ایتیب باشله دی. سیواس و ایرزوروم ده ملی کنگره ییغلیشی بولیب اوتدی. انقره ده دشمن تأثیریدن اوزاق ملی بیر مجلس نینگ قوریلیشی تأمین ایتیلدی. ترکیه بویوک ملت مجلسی باشلیغی انتخاب بولیشی بیلن ترک ملتی نینگ اشغالچی یونان گه قرشی اشغال نینگ رد ایتیلشی اوچون دعوت ایتدی. آلدین ملی باند لرگه قره ته مجادله ایتیلیب قیسقه مدت ده ملی اردو اوروشی گه اوگیردی. خودی شو اردونینگ باشقرووچیلیگی گه کیلتیریلگن مصطفی کمال اولکه نی اشغالچی اولکه لرنینگ قولیدن نجات بیردی.
استقلال اوروشی نینگ آرتیدن عملگه آشیریلگن مودنیا کیلیشوو امضاسی بیلن استانبول و تراکیا اوروش بولمه ی نجات بیریلدی. لوزانده بولیب اوتگن کیلیشوونینگ ارتیدن ینگی ترکیه نینگ تهدابی قوییلدی. نوبت بو دولت نینگ اداره سی نینگ شکلی و آتی نینگ قوییلیشی گه کیلگن ایدی. 29 اوکتوبر 1923 نچی ییل ترکیه جمهوریتی نینگ قوریلگن لیگی دنیا مقیاسیده اعلان ایتیلدی. مصطفی کمال دولت نی قورگن کیشی اوله راق ایلک جمهور رئیس انتخاب بولدی.
ینگی دولت عثمانلی مدنیتی و عنعناتی نی رد ایتمه ی تراکیا و اناطولیده یشب تورگن برچه خلق نی اوز وطنداشی اوله راق قبول ایتدی. مصطفی کمال توشونچه لرینی بیر- بیر عملی قیلیش گه باشله دی. لاتین الفبا، قلپاق کبی خلق ارا مقیاسده مطابقت اوچون بعضی بیر اوزگریش لر کیلتیردی. ینگی بیر هیجان بیلن اقتصادی و سیاسی ینگی لیکلر عملی بولیب باشله دی. 1934 نچی ییل بویوک ملت مجلسی ده قبول ایتیلگن بیر قانون آرقه لی ملت نینگ شکرانی نینگ افاده سی اوله راق آتاترک آتی قوییلدی.
آتاترک 1938 نچی ییل ساغلیق وضعیتی یمان بولیب 10 نومبر کونی وفات ایتدی. ترک ملتی نینگ کونگلیده سیوگی و حرمت بیلن اورین آلگن آته هر ییل 10 نچی نومبر کونی سیوگی و حرمت بیلن یاد ایتیلماقده دیر. اونینگ میراثی بولگن ترکیه جمهوریتی ترک یاش – ییگیت لری تمان محافظه ایتیلماقده دیر. وفاتی نینگ کئنلیگی مناسبتی بیلن تکرار منتدارچیلیگیمیزنی بیلدیره میز...