ترکیه و دنیا آجندا سی گه بیر باقیش

ترکیه و دنیا آجندا سی گه بیر باقیش
۱۰۱
۲۰۱۴-۱۲-۱۳

قریب ایککی ییل آلدین باشلب کیتگن تینچ لیک پروسه سی حاضرگی کونده هم موفقیتلی بیر شکل ده دوام ایتماقده. اوشبو پروسه ده گی اساسی مقصد, 30 ییل لیق پی کا کا تروریزمی نینگ اداغگه ییتیشتریلیشی و اولکه ده دموکراسی بیلن قرداش لیق نینگ مستحکم لشتریلیشی دن عبارت. اوتگن ایککی ییل ده اوشبو مقصد گه قسماً نایل بولینگن لیگی کورینماقده. شوندای قلیب ایککی ییل دن بیری تروریستیک فعالیت لرنینگ موجود ایمس لیگی اوچون اوشبو وضعیت دن انسان لر نینگ خرسند ایکن لیگی کوز گه تشلنماقده. خودی منه شو وضعیت نینگ اوزی تقریباً اولکه نینگ برچه قسم لری ده انسان لر نی خرسند قلیب قویگن وضعیت ده. ایندی عسکر لرنینگ شهید بولمیتگن لیگی اوچون عسکر عایله لری نینگ خودی منه شو وضعیت دن ممنون ایکن لیگی کورینماقده.
تینچ لیک پروسه سی نینگ هدفی فقط گینه تروریزم نینگ اداغگه ییتیشتریلیشی ایمس, بلکه عینی دمده پی کا کا ترور تشکیلاتی نینگ اوز قورال لری نی ییرگه قویشی, ترکیه چیگره لری نی ترک ایتیشی و شوندای قلیب پی کا کا ترور تشکیلاتی نینگ تصفیه ایتیلیشی هم اوشبو پروسه نینگ مهم هدف لری دن بیری نی تشکیل ایتماقده. تروریست لرنینگ اولکه نی بتونلی ترک ایتمه گن لیگی, پی کا کا ترور تشکیلاتی نینگ حاضرگی کونده هم تصفیه ایتیلمه گن لیگی سببلی اوشبو موضوع بوییچه قسماً آلغه سیلجیش لر موجود ایکن, پروسه نینگ دوام ایتیتگن لیگی کورینماقده. لیکن اوشبو موجود معما لر تینچ لیک پروسه سی نینگ اداغگه ییتگن لیگی معنی سی گه کیلمیدی. ترکیه جمهوریتی پارلمانی اوشبو دایره ده مهم بیر قانون نی قبول ایتدی. ایندی شوندای قلیب تینچ لیک پروسه سی فقط گینه حکومت نینگ سعی و حرکت لری ایمس, بلکه دولت نینگ هم سیاست لری نینگ بیر بولَگی گه ایله نیب قالدی. باشقه بیر تماندن دن خلق لر نینگ دموکراسی سی حزبی بیلن ترکیه نینگ ایمرالی منطقه سیده قماق خانه ده یاتگن ترور تشکیلاتی پی کا کا نینگ سوزده مسئولی عبدالله اوجالان آره سیده گی مذاکره لر هم دوام ایتماقده. پروسه خودی منه شوندای آهسته- سیکین دوام ایترایکن, اوتگن هفته ده ترور تشکیلاتی داعش نینگ سوریه ده گی هجوم لری و اوشبو وضعیت نینگ نتیجه لری, پروسه بوییچه ایریم ریسک لرنینگ پیدا بولیشی گه سبب بولیب قالدی.
مَرمَره عالی بیلیم یورتی خلق ارا علاقه لر بولیمی نینگ استادی پروفیسر داکتر رمضان گوزه ن نینگ اوشبو موضوع بیلن علاقه لی فکر و ملاحظه لری نی حضورینگیز گه تقدیم ایته میز محترم تینگلاوچی لر.
اوتیش...
داعش نینگ سوریه و عراق ده گی هجوم لری اینگ سونگ سوریه نینگ کوبانی و راجوه منطقه لری گه هم قولاچ یاییب کیتدی. منطقه ده 20 دن آرتیغراق کُرد قشلاق لری نینگ داعش نینگ قولی گه توشیشی نتیجه سیده, منطقه یشاوچی لری ترکیه چیگره سی تمان حرکت ایتیش گه مجبور بولیب قالدی. ترکیه چیگره سی گه کیلگن کیشی لرنینگ انچه کوپ ایکن لیگی سببلی, ترکیه چیگره لری نی آچیب بیریب عراق لیق کُرد لرنینگ امنیتی نینگ تامین ایتیله دیگن لیگی نی بلدردی. سانی 130 مینگ دن آرتیغراق بولگن اوشبو کیشی لرنینگ بیر قسمی منطقه ده قرینداش- اوروغ لری نینگ اوی گه جایله شیب آلرایکن, قالگن قسمی ایسه ترک حکومتی تمانیدن تامین ایتیلگن جای لر گه جایلشتریلدی. خودی منه شو سیاست نینگ اوزی ترکیه نینگ قیین چیلیک گه دوچ کیلیب قاله دیگن کیشی لر و اینیقسه کُرد لر بیلن همکارلیک ایته دیگن لیگی نینگ کورستگیچی نی تشکیل ایتماقده. ترکیه نینگ اوشبو سیاست لری ترکیه ده گی کُرد لرنینگ حمایه سی نی کسب ایترایکن, خلق لر نینگ دموکراسی سی حزبی نینگ سوزلاوچی لری حکومت نینگ اوشبو شفقتلی سیاست لری اوچون اوز منتدارچیلیک لری نی بلدردی.
باشقه بیر تماندن ایسه خلق لر نینگ دموکراسی سی حزبی نینگ تینگ باشلیغی صلاوالدین دیمیرتاش و ترور تشکیلاتی پی کا کا ایسه اوشبو وضعیت گه ضد بیر بیانات بیردی. دیمیرتاش و پی کا کا, سوریه ده داعش گه قرشی اوروشیش اوچون اوشبو کُرد یاش لر دن بیر کوچ نینگ تشکیل ایتیلیشی نی طلب ایتدی. اوشبو کوچ گه ترکیه دن هم ایریم یاش لرنینگ قوشیلیش لری طلب ایتیلدی. عراق نینگ شمالی ده گی محللی رهبریت نینگ باشلیغی بارزانی هم بونگه اوخشش بیر بیانات بیردی. بارزانی, عراق لیق کرد لر نی داعش گه قرشی کوره ش گه چقررایکن, خلق ارا جامعه نی راجوه ده گی کرد لر نی مدافعه ایتیش گه دعوت ایتدی.
خودی منه شو بیانات لرنینگ تطبیقی بیر تمانی نینگ موجود بولیشی تقدیرده, داعش گه قرشی بیر کوره ش نینگ باشلب کیتیشی ممکن. داعش گه قرشی کوره ش بوییچه تشله نه دیگن اوشبو قدم عینی دمده ایریم ریسک لر نی هم قمره ماقده. داعش گه قرشی بوندای بیر کوره ش نینگ ترکیه ده گی تینچ لیک پروسه سی گه منفی تاثیر قالدیریشی ممکن. اوشبو ریسک نینگ ایککی تمانی موجود. بیرینچی دن اوشبو اقدام نتیجه سیده ترور تشکیلاتی پی کا کا تمانیدن باشقریلیتگن یاش لر داعش گه قرشی کوره ش دایره سیده قیته باشدن قورال لری نی قول گه آلیشیب اوروشیب باشلیدی. ترور تشکیلاتی پی کا کا نینگ قیته باشدن قورال ایگه سی بولیشی تینچ لیک پروسه سی گه البته گه ضرر بیره دی. پی کا کا تروریست لری نینگ داعش گه قرشی اوروشیش لری, داعش گه قرشی کوره ش جهتی دن یخشی بولیشی گه قره مسدن, ترکیه نینگ پیاده عملیات گه اشتراک ایتمس لیک هدفی گه ضرر بیره دی. ترکیه ناتو اولکه لری نینگ داعش گه قرشی کوره شی نی حمایه لرایکن, حربی عملیات گه اشتراک ایتیش گه طرفدار ایمس. شوباعث بوندای بیر وضعیت ترکیه نینگ سیاست لری گه ضد بیر وضعیت دن عبارت بولیب قاله دی.
اوشبو وضعیت نینگ تینچ لیک پروسه سی جهتی دن باشقه بیر منفی تمانی هم, اساسی نی مذاکره تشکیل ایتیتگن خودی منه شو پروسه اورنی گه اوروش پروسه سی نینگ باشلب کیتیشی احتمالی دن عبارت. تینچ لیک پروسه سی نینگ اساسی هدفی, قورال لرنینگ ییرگه قویلیشی و معما لرنینگ اقتصادی, اجتماعی و سیاسی میتود لر بیلن ییچیلیشی دن عبارت البته که. ترکیه پارلمانی ده قبول ایتیلگن قانون هم اوشبو دایره ده مهم بیر قدم نی تشکیل ایتماقده. ایندی اوشبو قانون نینگ تطبیق ایتیلیب موجود معما لرنینگ ییچیلیشی کوتیلماقده. اوشبو دایره ده اینگ مهم موضوع تاغ لر ده گی پی کا کا منسوب لری نینگ قورال لری نی ییرگه قویشیب اوز اوی لری گه قیتیب کیلیش لری دن عبارت. ترور تشکیلاتی پی کا کا منسوب لری نینگ داعش گه قرشی کوره شیب باشله شی تقدیرده, اوشبو هدف نینگ قول گه کریتیلیشی چانسی جوده هم ضعیف لب قاله دی. ترور تشکیلاتی پی کا کا بیلن داعش نینگ سوریه و عراق چیگره لری ده اوروشیش لری, ترکیه نینگ خوف سیزلیگی گه هم منفی تاثیر قالدیره دی.
خوب اوشبو ریسک لر گه مانع بولیش اوچون نیمه قلیش کیره ک؟ اوشبو موضوع نینگ بیرته گینه یولی, تمان لرنینگ بیر بیر لری دن خبر سیز اوله راق حرکت ایتیش دن وازکیچیب, بیر یقه دن باش چیقاریش لری دن عبارت. عراق لیق کُرد لر نینگ اوز باشیمچه لیک قلیش اورنی, عراق حکومتی نینگ داعش گه قرشی کوره ش سیاست لری نی حمایه ایتیشی کیره ک. ترکیه تمانیدن آلیب باریله دیگن داعش تروریزمی گه قرشی کوره ش ستراتیژی سی, تینچ لیک پروسه سی نینگ هم فلسفه سی و همده تطبیق ایتیلیشی گه اویغون بیر سیاست دن عبارت. مشترک قدم لر, داعش گه قرشی کوره ش بوییچه موفقیت بیلن بیر قطارده, تینچ لیک پروسه سی نینگ هم موفق بولیب چیقیشی گه سبب بوله دی.
مَرمَره عالی بیلیم یورتی خلق ارا علاقه لر بولیمی نینگ استادی پروفیسر داکتر رمضان گوزه ن نینگ اوشبو موضوع بیلن علاقه لی فکر و ملاحظه لری نی حضورینگیز گه تقدیم ایتدیک.