انسان لر آره سیده گی اختلاف لر و سبب لری
بوگون دینی حیات ده گی اختلاف لر و اوشبو اختلاف لرنینگ سبب لری باره سیده بحث ایته میز عزیز دوست لر.
الله تبارک و تعالی انسان لر نی, باشقه خصوصیت لری دن تشقری, بوی, شکل, رنگ, کوچ و باشقه جهت لر دن هم فرقلی اوله راق یره تگن. شوباعث, تقریبا برچه فزیکی خصوصیت لری بیر خیل بولگن ایککی کیشی نی تاپیش نینگ ممکن ایمس لیگی نی ایسله تیب اوتیشی میز ممکن. انسان لر نینگ فزیکی و ذهنی جهت دن اوز آره لری ده فرقلی لیق لری نینگ موجود ایکن لیگی دیک, تیگره گی ده گی نرسه لر بیلن علاقه لی فکر لری نینگ هم فرقلی ایکن لیگی کورینماقده. فطرت جهتی دن آلیب قره گنده برچه انسان لرنینگ بیر خیل بیر فکر گه ایگه بولیشی ممکن ایمس. اینیقسه فکر بلدریلیشی کیره ک بولگن موضوع نینگ فلسفه و دین سنگری چقور موضوع لر دن عبارت بولیشی تقدیرده, فکر فرقلی لیق لری نینگ ینه ده چقورله شیب کیته دیگن لیگی کورینماقده. انسان لر آره سیده گی دین و دنیا بیلن علاقه لی فکر فرقلی لیق لری نینگ انسان لرنینگ فطرتی دن کیلیب چیقیتگن لیگی کوزگه تشلنماقده. انسان لرنینگ تاریخ دوامی ده برچه موضوع لر بوییچه فکر فرقلی لیق لری نینگ موجود ایکن لیگی کورینماقده.
مقدس اسلام دینی, انسان لر آره سیده گی فکر فرقلی لیق لری نینگ معقول ایکن لیگی نی بلدررایکن, اوشبو موضوع نینگ ایشانچ و فکر ایرکین لیگی نینگ طبعی نتیجه سیدن عبارت ایکن لیگی نی معلوم قیلگن. شوباعث, الله تبارک تعالی قدرتی بولیشی گه قره مسدن, انسان لرنی بیر خیل فکر گه ایگه اوله راق یره تمه گن. الله تبارک و تعالی البته که انسان لر نی بیر خیل فکر گه ایگه اوله راق یره تیش کوچی گه ایگه. وضعیت نینگ بوندای بولمه گن لیگی کورینماقده. شوندای قلیب انسان لر وحدت گه دعوت ایتیلرایکن, اختلاف لر اوچون هم امکانیت یره تیلگن. جمعیت نینگ ساختمانی نی بوزه دیگن جمعیت گه مادی و معنوی جهت دن ضرر بیرمیدیگن فکر فرقلی لیق لری بشریت اوچون فایده لی بولیب کیلگن. برچه فلسفی جریان لر, مذهب لر, اجتماعی و اقتصادی مکتب لر خودی منه شو فکر فرقلی لیق لری نتیجه سیده پیدا بولیب قالگن. متفکر لر, جمعیت ایچی ده گی فکر فرقلی لیق لری دن فایده له نیب فرقلی خصوص لر ده فکر مطرح ایتگن. باشقه چه قلیب ایتگنده متفکر لر نینگ دینی, علمی, اجتماعی, اقتصادی و اینیقسه سیاسی موضوع لر بوییچه ایرکین بیر مفکوره گه ایگه بوله آلیش لری نینگ, جمعیت نینگ اجتماعی ساختمانی و فکری ایرکین لیگی بیلن علاقه لی ایکن لیگی تورگن گپ.
اوشبو فکر فرقلی لیق لری نینگ کوپلب سبب لری موجود. خودی منه شو فکتور لر کیشی نینگ فطرتی, ذهنی ساختمانی, اجتماعی و سیاسی تیگره گی, ایچکی دنیا سی کبی کوپلب موضوع لر بیلن علاقه لی. مقدس اسلام دینی نینگ ایلک کون لری گه قره گنده حضرت محمد (ص) وحی یولی بیلن آلگن بیلگی لرنی انسان لرگه انیق روشده ییتیشتریب بیریش گه حرکت ایتگن لر. اصحاب کرام هم, قیینه لیب قالگن موضوع لر خصوصیده حضرت محمد (ص) گه مراجعه ایتگن لر. شوباعث, حضرت پیغمبری میز نینگ حیات لری دوری ده اصحاب کرام نینگ هیچ قندای بیر فکر فرقلی لیق لری گه دوچ کیلمه گن لیک لری کورینماقده.
حضرت پیغمبر دن کیین اصحاب کرام دوچ کیلیب قالگن قیین چیلیک لری نی قرآن کریم و سنت دن فایده له نیب ییچیش گه حرکت ایتگن لر. ایریم پیت لر ده اصحاب نینگ مسئله لرنینگ ییچیلیشی بوییچه بعضی فکر فرقلی لیق لری گه دوچ کیلیب قالگن لیک لری کوزگه تشلنماقده. اوشبو وضعیت ایسه انسان ایکن لیک لری سببلی اولرنینگ طبعی خصوصیت لری دن بیری نی تشکیل ایتماقده. مقدس اسلام دینی نینگ اینگ مهم شخصیت لری دن عبارت ایکن لیک لری گه قره مسدن, خودی منه شو دور نینگ اوزی ده کوپلب اختلاف لرنینگ تهدابی قویلگن. حتی ایریم پیت لر ده بیر بیر لری گه قرشی اوروشگن لر. براق, اصلی گه قره گنده خودی منه شوندای اختلاف لر قرآن کریم ده ممنوع ایتیلگن اختلاف لر دن عبارت.
حدیث شریف منبع لری ده مسلمان لر آره سیده اختلاف نینگ موجود بولیشی نینگ رحمت قبول ایتیلگن لیگی گه تیگیشلی ایریم سوز لر نینگ موجود ایکن لیگی کورینماقده. براق, دین مسلمان لر آره سیده گی نفاق گه سبب بوله دیگن هیچ قندای بیر اختلاف گه اجازت بیرمه گن. مسلمان لر گه الگو بولیشی اوچون قرآن کریم ده آلدینگی ملت لر نینگ اختلاف لر نتیجه سیده هلاک بولگن لری مثال لر بیلن بیوریلگن. مسلمان لرنینگ بیرلیک و برابرلیک گه چقریلگن کوپلب آیت و حدیث شریف لرنینگ موجود ایکن لیگی کوزگه تشلنماقده.
عالم لر, موجود بولگن اختلاف لرنینگ برطرف ایتیلیشی اوچون ایریم پرنسیب لرنی مطرح ایتگن لر. عقیده بیلن علاقه لی موضوع لر ده قرآن کریم و سنت نینگ روحی گه ضد بولمه گن اعتقادی اختلاف لر گه اجازت بیریلگن. جمعیت نینگ روحی گه ضرر بیره دیگن, توحید عقیده سی نی بوزه دیگن و مسلمان لرنینگ بیرلیگی گه ضرر بیره دیگن اختلاف لر ایسه انیق روشده ممنوع ایتیلگن.
منبع لرده فقهی موضوع لر بوییچه اختلاف بوله آلیشی اوچون قوییده گی شرایط نینگ موجود بولیشی کیره ک ایکن لیگی کورینگن: ۱ فرقلی فکر لرنی مطرح ایتیش اوچون بیر کیشی نینگ مجتهد بولیشی کیره ک. ۲ فکر فرقلی لیغی گه سبب بولگن خصوص حقیده انیق بیر دلیل نینگ موجود بولمس لیگی ضروری. ۳ فکر فرقلی لیغی نینگ مسلمان لرنینگ بیرلیگی نینگ بوزیلیشی گه سبب بولمس لیگی کیره ک. ۴ فکر فرقلی لیق لری نینگ تعصب گه سبب بولمس لیگی ضروری.
قیسقه قلیب ایتیلگنده, الله تبارک و تعالی انسان لرنی اشرف المخلوقات اوله راق یره تگن. انسان لر نی باشقه موجودات دن اوستین قلیب قویگن نرسه لر دن بیری البته که عقل دن عبارت. اوشبو عقل واسطه سی بیلن انسان لر توغری یول نی تاپیش کوچی گه ایگه. عقل محصولی دن عبارت فکر لرنینگ, بیر خیل بولگن لیگی دیک, فرقلی هم بولیشی ممکن. مقدس اسلام دینی ده, قرآن کریم و سنت گه ضد بولمس لیگی تقدیرده گینه, فکر فرقلی لیق لری نینگ معقول اوله راق قبول ایتیلیشی ممکن.
