ترکیه و دنیا نینگ مهم ینگی لری 76

ایران جمهوررئیسی حسن روحانی, جون آیی نینگ ۹ نچی کونیده ترکیه گه قیلگن سفری دایره سیده ترکیه جمهوریتی جمهوررئیسی عبدالله گل و ترکیه جمهوریتی باش وزیری رجب طیب اردوغان بیلن اوچره شدی. روحانی نینگ ایلک مراتبه اویشترگن اوشبو سفری کوپلب جهت دن مهم اهمیت گه ایگه. روحانی نینگ جمهوررئیسی ایتیب سیله نیشی آرتیدن بیرگن شرایط نی یومشاق لشتروچی بیانات لری, دنیا و ترکیه ده کتته قیزیقیش بیلن تعقیب ایتیلگن ایدی. اوشبو بیانات لر نینگ ایران نینگ تشقی سیاستی و ترکیه بیلن ایران آره سیده گی علاقه لر گه قندای عکس ایته دیگن لیگی باره سیده باش قاتریلماقده ایدی. روحانی نینگ انقره گه قیلگن مذکور سفری اوشبو موضوع لر بیلن علاقه لی ایریم سئوال لر گه جواب تاپیلیشی گه سبب بولیب کیتدی. روحانی, گل و اردوغان نینگ مطبوعاتی کنفرانس لر جریانی ده بیرگن بیانات لری, ایران نینگ تشقی سیاست لری و ترکیه بیلن ایران آره سیده گی علاقه لر گه تیگیشلی ایریم پیام لر نی قمره ماقده ایدی. اوشبو پیام لر خصوصیده قیسقه قلیب قوییده گیچه بحث ایتیش ممکن.
ترکیه بیلن ایران آره سیده گی علاقه لر بوییچه اوچ مهم موضوع کون ترتیبی ده اورین آلماقده. اوشبو موضوع لر اقتصاد, تجارت, انرژی و ترانسپورت بوییچه علاقه لرنینگ آرتریلیشی, ایران نینگ هستوی مسئله سی نینگ ییچیلیشی و سوریه سنگری منطقه مقیاسی ده گی معما لرنینگ ییچیلیشی دن عبارت. تمان لرنینگ اوشبو موضوع لر بیلن علاقه لی آلیب باریتگن سیاست لری مثبت یاکه منفی نتیجه لر گه سبب بولماقده.
ترکیه بیلن ایران آره سیده گی اقتصادی علاقه لر بوییچه اینگ مهم موضوع لر طبعی گاز, پطرول و صنایع محصولاتی تجارتی دن عبارت. حاضرگی کونده ۱۴,۵ میلیارد دالر دن عبارت تجارت حجمی نینگ کیله جک ییل ده ۲۰ و میلادی ۲۰۲۳ نچی ییلی ده ایسه ۳۰ میلیارد دالر گه آرتریلیشی هدف قلیب آلینماقده. حاضرگی کونده ایران ترکیه بیلن تجارت قلیتگن اولکه لر آره سیده ۸ نچی اورین نی ایگلله ماقده. ترکیه بیلن تجارت قلیتگن اولکه لر آره سیده اوروپا اولکه لری, روسیه و چین ایلک ۷ اولکه دن عبارت ایکن, ایران بیلن عراق نینگ ایسه ۸ نچی و ۹ نچی اورین گه ایگه ایکن لیگی بیلینماقده. سبب لری انیق بولگن اوشبو وضعیت نینگ اوزگرتریلیشی اوچون ایککی تمان نینگ هم سعی و حرکت ایتیتگن لیگی کورینماقده.
ترکیه بیلن ایران آره سیده گی تجارت حجمی نینگ آرتریلیشی امکانیتی موجود. ترکیه نینگ ایران دن ینه ده کوپراق طبعی گاز و پطرول وارد ایتیشی و ایران نینگ هم ترکیه دن ینه ده کوپراق صنایع محصولاتی وارد ایتیشی ممکن. براق, بیرلشگن ملت لر تشکیلاتی نینگ تحریم لری سببلی اوشبو ظرفیت دن استفاده ایتیش بوییچه ایریم قیین چیلیک لرنینگ موجود ایکن لیگی کورینماقده. ترکیه, ایران بیلن بولگن تجارت حجمی نی آرتریش اوچون ایران گه قره تیلگن تحریم لرنینگ کمیتریلیشی کیره ک ایکن لیگی نی بلدرماقده. ایککی اولکه هم ایران طبعی گازی نینگ ترکیه آرقه لی دنیا بازار لری گه ییتیب باریشی گه طرفدار ایکن لیگی نی معلوم قلماقده. اصلی گه قره گنده روحانی نینگ ترکیه گه قیلگن اوشبو سفری نینگ اساسی مقصد لری دن بیری نینگ هم خودی منه شو موضوع لر بیلن علاقه لی بیر کیلیشو نینگ تامین ایتیلیشی دن عبارت.
ایران نینگ هستوی برنامه لری هم انرژی موضوعی بوییچه اینگ مهم موضوع لر دن بیری نی تشکیل ایتماقده. بیرلشگن ملت لر تشکیلاتی دایره سیده بیش جمع بیر اولکه لری نینگ سیاست لری, ایران نی هستوی برنامه لری دن واز کیچیریش بیلن علاقه لی. ترکیه نینگ اوشبو موضوع بیلن علاقه لی سیاست لری انیق. ترکیه منطقه ده ایران داخل هیچ قندای بیر اولکه نینگ هستوی قورال گه ایگه بولیشی گه طرفدار ایمس لیگی نی بلدررایکن, هر اولکه نینگ خلق ارا اتم انرژی سی دایره سیده تینچ لیک سیور هستوی انرژی گه ایگه بولیش حقی نینگ موجود ایکن لیگی نی معلوم قلماقده. ترکیه نینگ اوشبو سیاستی بیلن علاقه لی روحانی هم اوز منتدارچیلیک لری نی بلدردی. ترکیه اوزاق مدت دن بیری آلیب باریتگن اوشبو سیاستی نی میلادی ۲۰۰۹ نچی و ۲۰۱۰ نچی ییل لری ده عملی قلیش گه حرکت ایتدی. اوشبو دایره ده میلادی ۲۰۱۰ نچی ییلی ده المه شیش کیلیشوی نینگ امضا له نیشی اوچون زمینه یره تیب معما نینگ ییچیلیشی اوچون ایریم موفقیت لر قول گه کریتگن ایدی. براق, میلادی ۲۰۱۰ نچی ییلی دن کیین یوز بیرگن ایریم منفی ینگی لیک لر ترکیه نینگ اوشبو سعی و حرکت لری نینگ نتیجه سیز بولیب قالیشی گه سبب بولدی.
اوشبو منفی ینگی لیک لر دن اینگ مهمی ناتو راکت لری نینگ کوره جیک گه جایلشتریلگن لیگی دن عبارت. کیین چه لیک عرب بهاری بیلن سوریه ده گی وضعیت بیلن علاقه لی ایران بیلن ترکیه نینگ فرقلی سیاست لر گه ایگه بولیشی هم خودی منه شو سبب لر دن بیری نی تشکیل ایتدی.
خوب, ایران بیلن ترکیه نینگ مسئله لرنی ییچیب قندای قلیب اوز ارا همکارلیک ایتیشی ممکن؟ ساده بیر شکل ده جواب قیتریلیشی تقدیرده, اوشبو ایککی اولکه آره سیده گی دپلوماتیک, سیاسی و اقتصادی مذاکره لرنینگ آرتریلیشی خودی منه شو مسئله گه بیر ییچیم یولی دن عبارت بوله دی. براق اوشبو موضوع نینگ ییترلیک ایمس لیگی نی قبول ایتیش کیره ک. اوزاق ییل لر دن بیری دوام ایتیب کیلیتگن پروسه گه قره گنده اوشبو میتود نینگ ییترلیک ایمس لیگی یققال کورینیب تورماقده. آلدینگی ییل لر ده, موجود مذاکره لر و کیلیشو لر گه قره مسدن خودی منه شو ایککی اولکه آره سیده ایریم معما لرنینگ پیدا بولیب قالگن لیگی کورینماقده.
شوندای قلیب ترکیه بیلن ایران آره سیده گی معما نینگ ییچیلیشی اوچون ینه ده چقورراق بیر میتود نینگ تاپیلیشی ضروری. اوشبو موضوع بیلن علاقه لی اینگ مهم توصیه اوروپا بیرلیگی میتودی دن عبارت. اوروپا بیرلیگی میتودی نینگ آلمان بیلن فرانسه آره سیده گی تاریخی معما لر نی ییچیب قویگن لیگی دیک, خودی منه شو میتود نینگ ایران بیلن ترکیه آره سیده گی معما لرنینگ ییچیلیشی اوچون استقاده ایتیلیشی ممکن. ترکیه جمهوریتی جمهوررئیسی عبدالله گل نینگ ترتیب لنگن مطبوعاتی کنفرانس جریانی ده بیرگن بیانات لری ده, "آلمان بیلن فرانسه کبی بولیشی میز ممکن" دییه قید ایتگن لیگی, اوشبو دایره ده اوته مهم بیر موضوع نی تشکیل ایتماقده. ترکیه و منطقه اولکه لری نینگ گل نینگ اوشبو توصیه گه اهمیت بیریب بوندای بیر سیاست نی تطبیق ایتیشی نی آرزو ایتیب قاله میز. اوشبو میتود نینگ تطبیق ایتیلیشی بیلن علاقه لی ایریم معما لرنینگ موجود بولیشی نینگ ممکن ایکن لیگی گه قره مسدن, تطبیق ایتیلیشی تقدیرده موفقیت سیز بولیب چیقیشی ممکن ایمس. شوندای قلیب آلمان بیلن فرانسه نینگ ایککی دنیا اوروشی آرتیدن اوروپا بیرلیگی نی قورگن لیک لری نی ایسدن چیقارمس لیک کیره ک.