ترکیه و دنیا نینگ مهم مسئله لری ۷۲

ترکیه ده, باسقیچ مه باسقیچ ۱۲ نچی جمهوررئیس لیگی سیلاو لری یقین له شیب کیلماقده. ایندی جمهوررئیسی نینگ آلدینگی ۱۱ سیلاو دن فرقلی اوله راق سیله نه دیگن لیگی کورینماقده. آلدینگی ۱۱ سیلاو ده جمهوررئیسی ترکیه جمهوریتی پارلمانی ده گی وکیل لر نینگ رایی بیلن سیله نرایکن, ۱۲ نچی جمهوررئیسی ایسه بیواسطه خلق تمانیدن سیله نه دی. آلدینگی سیلاو لر ده دموکراسی گه ضد بیر شکل ده سیلاو پروسه گه مداخله ایتیلگن لیگی سببلی بوندای بیر اوزگریش نینگ بحث موضوعی بولگن لیگی کورینماقده. مثال قلیب آلگنده میلادی ۲۰۰۷ نچی ییلی ده گی ۱۱ نچی جمهوررئیس لیگی سیلاو لری پروسه سی ده, اساسی قانون ده موجود بولمه گن حالده ترکیه جمهوریتی پارلمانی ده گی ییغیلیش ده ۳۶۷ وکیل نینگ موجود بولیشی کیره ک ایکن لیگی مطرح ایتیلگن ایدی. خودی منه شو وضعیت سببلی ترکیه و اولکه نینگ پارلمانی ده بیر بحران پیدا بولیب کیتگن ایدی. اوشبو مسئله نینگ اوزی جمهوررئیس لیگی سیلاو لری پروسه سی نی جوده هم یمان بیر وضعیت گه دوچ قلیب قویگن ایدی. خودی منه شو سبب بیلن جمهوررئیسی نینگ پارلمان ایمس, بلکه بیواسطه خلق تمانیدن سیله نیشی گه تیگیشلی ریفراندوم بولیب اوتدی. اوشبو ریفراندوم نتیجه سیده جمهوررئیسی نینگ خلق تمانیدن سیله نیشی موضوعی قبول ایتیلدی. ایندی خودی منه شو قرار نینگ اوزی ایلک مراتبه جاری ییل ده گی جمهوررئیس لیگی سیلاو لری جریانی ده تطبیق ایتیله دی. جمهوررئیس لیگی سیلاو لری نینگ ایلک روندی ده ۵۱ فایز رای آلگن هر قندای بیر کاندید نینگ موجود ایمس لیگی تقدیرده, ایلک روند ده اینگ کوپ رای آلگن ایککی کاندید ایککینچی روند ده اوز ارا رقابت ایته دی. شوندای قلیب ایککینچی روند ده اینگ کوپ رای آلگن کاندید جمهوررئیسی اوله راق سیله نه دی. خودی منه شو سیلاو لرنینگ ایلک روندی آگست آیی نینگ ۱۰ نچیسی و ایککینچی روندی ایسه اوشبو آی نینگ ۲۴ نچی کونیده بولیب اوته دی.
براق, جمهوررئیس لیگی اوچون کاندید لر حاضرچه انیق ایمس. ترکیه جمهوریتی عالی سیلاو کینگشی میلادی ۲۰۱۴ نچی ییلی جولای آیی نینگ ۳ نچی کونی گه قدر کاندید لرنینگ انیق لشتریلیشی کیره ک ایکن لیگی نی بلدردی. شوندای قلیب ایندی کاندید لرنینگ انیق لشتریلیشی بیلن علاقه لی پروسه نینگ باشلب کیتگن لیگی کورینماقده. ایندی سیاسی حزب لرنینگ کیم لرنی کاندید قلیب کورسه ته دیگن لیگی گه تیگیشلی باش قاتریلماقده. شوندای آلیب قره گنده, اقتدار ده گی عدالت و توسعه حزبی نینگ ترکیه جمهوریتی باش وزیری رجب طیب اردوغان نی کاندید قلیب کورسه تیشی احتمالی موجود. براق, حاضرچه ایککینچی بیر کیشی نینگ اسمی نینگ ذکر ایتیلمیتگن لیگی کورینماقده.
اوشبو دایره ده, ۱۲ نچی جمهوررئیس لیگی سیلاو لری نینگ خصوصیت لری, کون ترتیبی و فرقلی بعد لری نی قیسقه بیر شکل ده مطالعه ایتیشی میز ممکن.
بیرینچی دن سیلاو میتودی نینگ اهمیتی توغری سیده بحث ایتیلیشی کیره ک. اسمی دن هم معلوم بولیتگن لیگی دیک, اوشبو سیلاو لر نتیجه سیده خلق نی باشقره دیگن بیر کیشی سیله نه دی. خودی منه شو خلق نی باشقره دیگن کیشی نینگ سیله نیشی بیلن علاقه لی اینگ توغری و دموکراتیک یول البته که بیواسطه خلق تمانیدن سیله نیش دن عبارت. ترکیه ده ریاستی بیلن سیستم نینگ موجود ایمس لیگی گه قره مسدن, جمهوررئیسی نینگ بیواسطه خلق نینگ رایی بیلن سیله نیشی نینگ پارلمنتر سیستم جهتی دن هیچ قندای بیر معما گه سبب بولمیدیگن لیگی کورینماقده. اساسی قانون و قانون لرده اوشبو موضوع بیلن علاقه لی ایریم کمچیلیک لرنینگ موجود ایکن لیگی گه قره مسدن, خودی منه شو معما لرنینگ وقت نینگ اوتیشی بیلن ییچیلیشی ممکن. حتی اساسی قانون نینگ ینگی جمهوررئیس لیگی سیلاو لری دایره سیده اوزگرتریلیشی واز کیچیله آلمیدیگن بیر نرسه دن عبارت بوله دی. اوشبو اوزگریش نینگ کیله جک ده ترکیه جمهوریتی پارلمانی نینگ ساختمانی گه باغلیق اوله راق عملی بولیش لیگی ممکن.
جمهوررئیسی نینگ بیواسطه خلق نینگ رایی بیلن سیله نیشی نینگ اوزی نینگ, ترکیه ده دموکراسی نینگ رواجله نیب کیتیشی گه هم سبب بولیشی ممکن. شوندای قلیب جمهوررئیسی نینگ خلق نینگ رایی بیلن سیله نیشی نینگ اوزی, خلق نینگ مفکوره سی نینگ سیاست ده ینه ده کوپراق عکس ایتیشی گه سبب بولیب کیته دی. امریکا قوشمه ایالت لری سنگری ریاستی سیستم لر ده اوشبو موضوع نینگ مثال لری نی کوریشی میز ممکن. خلق نینگ اکثریتی نینگ رایی بیلن سیلنگن بیر جمهوررئیسی, ینه ده کوپراق ایشانچ, روانی حمایه و مسئولیت حس ایته دی.
بوگلگی سیلاو لر بیلن علاقه لی اینگ مهم ینگی لیک لر دن بیری هم, کاندید لر گه تیگیشلی بحث و مناظره لرنینگ ملکی و دموکراتیک بیر شرایط ده بولیتگن لیگی دن عبارت. برچه سیاسی حزب لر و اکتور لر, ملکی بیر کیشی نینگ جمهوررئیسی بولیشی نی طلب ایتماقده. اوتگن دور لر بیلن سالشتریلگنده اوشبو وضعیت نینگ ترک سیاستی ده اینگ مهم مثبت ینگی لیک دن عبارت ایکن لیگی کورینماقده.
بو گلگی سیلاو لر ده طبعتاً فرقلی بیر ینگی لیک یوز بیرماقده. حاضرگی کون گه قدر کاندید لرنینگ کیم لر دن عبارت ایکن لیک لری انیق ایمس. براق, قلنیتگن تحلیل لر گه قره گنده کاندید لرنینگ کیم لردن عبارت ایکن لیک لری نی تخمین ایتیش ممکن. عدالت و توسعه حزبی نینگ اوز کاندیدی نی معلوم قیلمه گن لیگی گه قره مسدن, ترکیه جمهوریتی باش وزیری رجب طیب اردوغان نینگ کاندید بولیشی احتمالی جوده یوکسک.
براق, اوپوزسیون ده گی حزب لرنینگ کاندید لری بیلن علاقه لی بیران بیر نرسه ایتیش ممکن ایمس. ترکیه جمهوریتی پارلمانی ده گروپی بولگن حزب لر دن عبارت جمهوریت خلق, ملیتچی حرکت و خلق لرنینگ دموکراسی سی حزب لری نینگ کیم لرنی کاندید قلیب کورسه ته دیگن لیگی نینگ انیق ایمس لیگی کورینماقده. عینی دمده حزب لرنینگ کیم لرنی کاندید قلیب کورسه ته دیگن لیگی و حزب رهبر لری نینگ کاندید بوله دیگن لیگی یاکه بولمیدیگن لیگی انیق ایمس. ایریم تمان لر هر حزب نینگ رهبری نینگ کاندید بولیشی کیره ک ایکن لیگی نی ادعا ایتماقده. براق, حاضرگی کونده جمهوریت خلق و ملیتچی حرکت حزب لری نینگ مشترک بیر کاندید معلوم قله دیگن لیگی بلدریلماقده. لیکن منه شو موضوع بیلن علاقه لی, "اوشبو کاندید نینگ قندای بیر کیشی دن عبارت بولیشی کیره ک؟ ملیتچی و سوسیال دموکرات حزب لر دن نماینده لیک ایته آله دیگن بیر کاندید نینگ تاپیله آلیشی ممکن می؟ بوندای بیر کاندید نینگ باشقه رای بیروچی لرنینگ رایی نی کسب ایته آلیشی احتمالی موجود می؟ خودی منه شوندای بیر کاندید نینگ قندای بیر سیاست آلیب باریشی ممکن؟" شکلی ده گی سئوال لر نینگ موجود ایکن لیگی کوزگه تشلنماقده.
جمهوررئیس لیگی سیلاو لری فقط گینه بیر کیشی نینگ سیله نیشی ایمس, بلکه ترکیه نینگ کیله جگی نینگ تعین ایتیلیشی دن عبارت. موقفی جهتی دن آلیب قره گنده, جمهوررئیسی ترکیه نینگ وحدتی, اوزلیگی و حتی کوچی نی عکس ایتتره دی. خودی منه شوندای بیر خصوصیت گه ایگه بیر جمهوررئیسی اولکه و منطقه ده برقرارلیک و خوف سیزلیک اوچون جدی بیر اکتور دن عبارت. شوباعث, سیله نه دیگن بیر جمهوررئیسی نینگ بیرینچی دن ۵۱ فایز رای آلیشی کیره ک. براق, خودی منه شو رای نی آلیشی نینگ اوزی هم ییترلیک ایمس. عینی دمده اوشبو کیشی نینگ اولکه نینگ عمومی تمایل لری, مفکوره سی و اوزلیگی نی دنیا گه عکس ایتتره آله دیگن بیر کیشی دن عبارت بولیشی ضروری. سیله نه دیگن جمهوررئیسی نینگ ایچکی و تشقی سیاست بوییچه هم ییترلیک تجربه گه ایگه بولیب, دنیا و منطقه ده گی ینگی لیک لر نی یخشی بیر شکل ده درک ایتیشی و دنیا نینگ حمایه سی نی کسب ایته آلیشی مهم بیر موضوع نی تشکیل ایتماقده.
اینگ مهم موضوع لر دن بیری هم جمهوررئیس لیگی سیلاو لری پروسه سی نینگ تینچ بیر شکل ده بولیب اوتیشی کیره ک ایکن لیگی دن عبارت. سیلاو پروسه سی ده برچه تمان لرنینگ ایرکین بیر شکل ده اوز فکر لری نی بلدریشی البته گه ضروری. براق, سیلاو پروسه سی گه ضرر بیره دیگن ایچکی و تشقی مداخله لرنینگ, منفی تاثیری نینگ بوله دیگن لیگی کوزگه تشلنماقده. میلادی ۲۰۰۷ نچی ییلی ده ۳۶۷ پارلمان اعضاسی شرطی نینگ قنچه لیک قیین چیلیک لر گه سبب بولیب کیتگن لیگی نی ایسدن چیقارمس لیک کیره ک. برچه دموکراتیک اولکه لر ده بولگن لیگی دیک, ترکیه ده گی سیلاو لرنینگ هم تینچ بیر شکل ده بولیب اوتمس لیگی اوچون هیچ قندای بیر سبب موجود ایمس.
نتیجه ده, ینگی جمهوررئیسی ترکیه ده ینگی بیر دور نینگ باشلنغیچی دن عبارت بوله دی. جمهوررئیس لیگی سیلاو لری آرتیدن, ترکیه ده گی سیاست کون ترتیبی نینگ آرتیب کیته دیگن لیگی کورینماقده. ترکیه نینگ ایچکی و تشقی سیاستی ده مهم ینگی لیک لر یوز بیره دی. ایچکی سیاست بوییچه میلادی ۲۰۱۵ نچی ییلی وکیل لیک سیلاو لری و ینگی حکومت نینگ قوریلیشی پروسه سی باشلب کیته دی. تشقی سیاست بوییچه ایسه سوریه و عراق کبی معما لر دن تشقری, ارمنی مسئله سی هم مهم موضوع نی تشکیل ایته دی. ترکیه نینگ اوروپا بیرلیگی اعضالیگی, اقتصادی برقرارلیک و دموکراتیک له شیش سنگری موضوع لر کون ترتیبی ده اورین آلیب کیله دی. بوندای بیر وضعیت نینگ اوزی ده خودی منه شو موضوع لر بیلن علاق لی جوده تجربه لیک بیر کیشی نینگ جمهوررئیسی ایتیب سیله نیشی ضروری.