русийәниң одессаға қилған һуҗумида 1 киши қаза қилип, 18 киши йариланди
одесса районлуқ башқуруш идарисиниң башлиқи олег кипер телеграмма қанилида елан қилған байанатида, русийәниң одессаға һуҗум қилғанлиқини билдүрди.
2015028
түркийә авази радйоси хәвири: одесса районлуқ башқуруш идарисиниң башлиқи олег кипер русийәниң һуҗуминиң бир «террорлуқ» һуҗуми икәнликини илгири сүрүп, һуҗумда шәһәрдики ул- әслиһә, өй вә диний имарәтләрниң еғир бузғунчилиққа учриғанлиқини ейтти.
кипер: «һуҗумда төт кичик балини қошқанда, җәмий 18 киши йариланди вә бәхткә қарши бир пуқра қаза қилди. қурбанларниң йеқин- йоруқлириға тәзийә билдүримән» деди.
буниңдин башқа йәнә, һуҗумда одессадики спасо-пребраҗенский чоң черкавиниң еғир зийанға учриғанлиқини вә одесса шәһәр башлиқи геннади трухановниң нәқ мәйданға йетип барғанлиқини билдүрди.