америка авийаматкиси сүрийә деңиз қирғиқиға йеқинлашти
америка қошма иштатлири иранниң қоллиши астидики қораллиқ күчләрниң сүрийәдики америка базилириға һуҗум қилишидин кейин, ақдеңиздики USS җорҗ даблийу буш авийаматкисини сүрийәгә йеқинлаштурди.
түркийә авази радийоси хәвири: америка дөләт мудапиә министирлиқи — пентагонниң муавин байанатчиси сабрина синг күндилик мухбирларни күтүвелиш йиғинида сөз қилип: «биз иран инқилаби муһапизәтчилири қисимлири билән четишлиқ гуруппиларниң сүрийәдә турушлуқ қисимлиримизға қаратқан һуҗумлирини күчәйткәнликини көрдуқ. шуңа, буниң алдини елиш үчүн авийаматкамизни техиму йеқин районға йөткидуқ» деди.
у, 6- февралдики қаһраманмарашни мәркәз қилған йәр тәврәшләрдин кейин түркийә деңиз қирғиқиға йеқинлашқан парахотниң орни вә вәзипә өтәш муддитиниң өзгәртилгән- өзгәртилмигәнлики тоғрисидики бир соалға җаваб берип, орниниң сүрийә деңиз қирғиқиға йеқинрақ қилип өзгәртилип, вәзипә өтәш муддитиниң узартилғанлиқини ейтти.
синг алтә айлиқ вәзипә өтәш муддити тошқан парахотниң ақдеңизда йәнә қанчилик қалидиғанлиқи тоғрисидики соалға җаваб бәрмиди.
бу парахотниң иранға қарши елип берилғуси бир һәрбий һәрикәтниң бир қисми сүпитидә районда тутуп турулмиғанлиқини қәтий шәкилдә җәзмләштүрүп – җәзмләштүрмәйдиғанлиқи тоғрисидики соалға: «бу әскәрлиримизгә қилинған һуҗумлар билән мунасивәтлик болуп, бизниң буниңға қайтурған инкасимиздур» дәп җаваб бәрди.
