Министр Эрсой: «Туризмдеги максат алдыңкы 3кө кирүү»

Маданият жана туризм министри Мехмет Нури Эрсой Түркиянын эң көп турист тарткан 4-өлкө экенин айтып, жаңы максаттын алдыңкы 3кө кирүү экенин билдирди.

Министр Эрсой Шанлыурфа Маданият Жолу фестивалы программасынын алкагында барган шаарда медиа өкүлдөрү менен жолугушту.

Шанлыурфанын тарыхы жана гастрономиясы менен кереметтүү шаар экенин айткан Эрсой, аймактын чоң туризм потенциалын камтыганын маалымдады.

Эрсой фестиваль учурунда шаардагы бардык мейманканалар толуп, учактарда орун калбаганын белгиледи.

Туризм сезонун 12 айга жаюуну максат кылгандарын, мунун да бир гана күн, кум жана деңиз менен болбой турганын айтты.

Түркиянын эң көп туристти тарткан төртүнчү өлкө экенине көңүл бурган министр Эрсой: «Акыркы жолу Италияны оозуп чыгып 4-орунга көтөрүлдүк. 2028-жылы 80 миллионго жакын туристти тартуу менен алдыңкы үч орунга кирүүнү максат кылуудабыз»,-деди.