Фидан- Блинкен сүйлөшүүсү

Тышкы иштер министри Хакан Фидан АКШнын  мамлекеттик катчысы Энтони Блинкен менен телефон аркылуу сүйлөштү.

Дипломатиялык булактардан алынган маалыматка караганда, сүйлөшүүдө Израиль жана Палестинадагы акыркы абал талкууланды.

Фидан америкалык кесиптеши менен бир күн мурда да телефон аркылуу сүйлөшкөн.

Жакынкы Чыгышта күчөгөн чыңалууга байланыштуу министр Фидан, Бириккен Араб Эмирликтеринин (БАЭ) тышкы иштер министри Шейх Абдуллах бин Заид Аль Нахайян, Иорданиянын тышкы иштер министри Эймен ал-Сафеди жана Испаниянын тышкы иштер министри Хосе Мануэль Альбарес менен да телефон аркылуу сүйлөшүү өткөрдү.