Чавушоглу Дакарда
Чавушоглу менен Сенегалдын тышкы иштер министри Айссата Талл Салл Түркиянын Дакардагы элчилигинин канцелярия имаратынын ачылышында сөз сүйлөштү.
![Чавушоглу Дакарда](http://cdn.trt.net.tr/images/xlarge/rectangle/3061/2b80/24b4/6214effe6c3f6.jpg?time=1719081969)
Тышкы иштер министри Мевлүт Чавушоглу Түркиянын дүйнөдөгү эң чоң дипломатиялык тармакка ээ 5 өлкөнүн катарына киргенин айтты.
Чавушоглу менен Сенегалдын тышкы иштер министри Айссата Талл Салл Түркиянын Дакардагы элчилигинин канцелярия имаратынын ачылышында сөз сүйлөштү.
Дакарда биринчи консулдуктун 1909-жылы жана биринчи элчиликтин 1962-жылы ачылганын эске салган Чавушоглу, бүгүн да бул ачылыш менен эки тараптуу карым-катнаштарда жаңы этап башталганын белгиледи.
Түркиянын дүйнөдөгү эң чоң дипломатиялык тармакка ээ өлкөлөрдүн бири экенин эске салган Чавушоглу: "Дипломатияда таасирдүү болуу үчүн аянтчада болуу керек. Ал үчүн биз дипломатиянын инфраструктурасын да чыңдап жатабыз. Ушул түшүнүк менен биз дүйнөдөгү эң чоң дипломатиялык тармакка ээ 5 өлкөнүн бири болдук",-деди.
Мевлүт Чавушоглу Сенегал бийлигине да кызматташтыгы үчүн ыраазычылык билдирип: "Биз Сенегалды сыпаттаган "теранганы", б.а Сенегалдын меймандостугун жана биздин жалпы маданиятыбыздын үлгүлөрүн ар бир барган сайын сезебиз",-деп айтты.
Сенегалдын тышкы иштер министри Салл да бул канцеляриянын түрк желеги желбиреген имарат эмес, терең, эффективдүү жана көп өлчөмдүү кызматташтык жана карым-катнаштардын символу экенин белгиледи.
Сенегалдын Африканын каалгасы экенин эске салган Салл, Сенегалда түрк желегин желбиретип жатканына кубанычта болгондорун билдирди.
Тектеш кабарлар
![Түркия Армениянын Палестинаны таануусуна ыраазычылык билдирди](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719081969)
Түркия Армениянын Палестинаны таануусуна ыраазычылык билдирди
Түркиянын Палестинаны дагы көп өлкөнүн таануусу үчүн аракетин улантат.