Акар: «Орусия-Украина чыңалуусун жакындан байкап жатабыз»

Улуттук коргоо министри Хулуси Акар Орусия менен Украинанын ортосундагы чыңалуу тууралуу маалымат каражаттарында чыккан кабарды этияттык менен кабыл алуу керектигин айтты.

Акар Германиядагы Мюнхен коопсуздук конференциясына катышкандан кийин журналисттерге баа берди.

Орусия менен Украинанын ортосундагы чыңалууга да токтолгон Акар: «Президентибиз Режеп Тайып Эрдоган эки жума мурун делегация менен Украинага иш сапары менен барды. Президентибиз, Украинанын президенти Владимир Зеленский менен биз болсо кесиптештерибиз менен абдан ачык жолугушууларды өткөрдүк. Биз окуяларды жакындан байкап жатабыз»,-деди.

«Ал жерде (Донбаста) аскердик аракеттер жүрүп жатат. Бул аскердик мобилдүүлүк кандайдыр бир мааниге ээ. Бул тууралуу басма сөздө айрым кабарлар бар. Бул кабарлар өтө этияттык менен каралышы керек»,-деген билдирүүлөрдү айткан Акар:«Анткени бул жерде кандайдыр бир жалган маалымат, фейк кабарлар айтылып жатат. Ушундан улам, кээ бир жагымсыз жагдайлардын (Россия менен Украинанын ортосунда) пайда болушуна жол бербөө зарыл»,-деди.

Түркиянын НАТО ичиндеги бардык жоопкерчиликтерин ийгиликтүү аткарганын эске салган Акар: «Кара деңизге жээктеш мамлекеттердин ал жакта жайлуу, коопсуздукта жана гүлдөп-өнүгүшүн чын жүрөктөн каалайбыз. Бул жагынан алганда, Монтре (1936-жылы кол коюлган) конвенциясы маанилүү, зарыл колдоо көрсөтүлүшү керек. Монтре конвенциясы камсыз кылынса, тартип бардык тараптар үчүн пайдалуу экенин билдирүүгө мүмкүнчүлүк алдык», - деди.