Түркия «адамдык өнүгүү деңгээли эң жогору» категориясындагы ордун сактап калды

Түркия 189 мамлекеттин арасынан 54-орунга жогорулап, «адамдык өнүгүү деңгээли эң жогору өлкө» категориясындагы ордун сактап калды.

Бириккен Улуттар Уюмунун Өнүктүрүү программасы тарабынан 2019-жылдын көрсөткүчтөрүнүн негизинде даярдалган Адамдык өнүгүү индекси, Теңсиздикке ылайыкташтырылган Адамдык өнүгүү индекси, Гендердик негиздеги өнүгүү индекси, Гендердик теңсиздик индекси жана Көп өлчөмдүү жакырчылык индексин камтыган «Алдыбыздагы чектөөлөр; Адамдын өнүгүүсү жана Антропоцен» деп аталган 2020-жылдын Адамдык өнүгүүсү жөнүндө отчет жарыяланды.

Өлкөлөрдүн расмий статистикалык мекемелеринен жана эл аралык ишенимдүү институттарынан алынган маалыматтарды эске алуу менен даярдалган Адамдык өнүгүү индекси, узак жана ден-соолукта жашоо, маалыматка жеткиликтүүлүк жана жашоонун алгылыктуу деңгээли сыяктуу 3 негизги өлчөмдө адамдын орточо өнүгүү деңгээлинин узак мөөнөттүү мониторингинин натыйжасында түзүлгөн.

Өнүгүүнүн эң белгилүү индикаторлорунун бири болгон индекске ылайык, Норвегия 0,957 көрсөткүчү менен АӨИ боюнча биринчи орунду ээлеп, эң жогорку орунун сактап калды.

Бул өлкөдөн кийин 0,955 балл менен Ирландия жана Швейцария, 0,949 балл менен Гонконг жана Исландия, 0,949 балл менен Германия, 0,945 балл менен Швеция, 0,944 балл менен Австрия жана Нидерландия, 0,940 балл менен Дания орун алды.

2019-жылы Түркиянын Адамдык Өнүгүү индексинин даражасы 0,820 балл деп эсептелди. 189 мамлекеттин арасында 54-орунга ээ болгон Түркиянын даражасы, «адамдык деңгээли өтө жогору» категориясында орун алды.

Түркия, өткөн жылы жарыяланган отчетто 59-орунду ээлеп, «адамдык өнүгүүнүн эң жогорку деңгээли» категориясына биринчи жолу кирген болчу.