Чавушоглу итальян агенттигине маалымат берди

Тышкы иштер министри Мевлүт Чавушоглу, айдын башындагы Европа Биримдигинин (ЕБ) лидерлер саммитинен Түркия-ЕБ карым-катнаштарына карата оң иш-аракеттерди алып келе турган жыйынтык чыкпаганын билдирди.

Министр Чавушоглу Италиянын Nova маалымат агенттигине эки өлкөнүн карым-катнаштары, аймактык жана эл аралык маселелер боюнча билдирүү жасады.

Түркия-ЕБ карым-катнаштары, ЕБнин санкцияларды киргизүү ыктымалдуулугу жана Анкаранын буга эки тараптуу мамиле принциби менен жооп кайтаруу мүмкүнчүлүгүнө байланыштуу суроого Чавушоглу: «Биз Европа Кеңешинин Түркия-Европа Биримдиги диалогунда позитивдүү иш-аракеттерге алып барат деп үмүттөнгөнбүз. Бирок Кеңеш күтүлгөн натыйжаларды берген жок. Алар объективдүү көз караштан алыс болушкан жана кетирилген кемчиликтери бар. Биримдиктин ичиндеги тилектештикти эл аралык укуктун жана тең укуктуулуктун алдына коюу үчүн долбоорлонгон сыяктуулар эле. Азыркы абалда ЕБ кайрадан Греция жана Кипрдик румдар тарабынан барымтага алынды»,- деп жооп берди.