Түркиянын дагы эки мега долбоору ишке кирди

Түркиянын автожолу жана саламаттык сактоо тармагында эки мега долбоору ишке кирди.

Стамбул менен Измирдин ортосун 9 сааттан 3,5 саатка түшүргөн автожол менен Бурсадагы Түркиянын 10-Оорукана шаарчасы президент Режеп Таййип Эрдоган тарабынан ачылды.

Ачылыш аземинде сөз сүйлөгөн президент Режеп Таййип Эрдоган, автожолдун пландалгандан бир жыл мурда бүткөрүлгөнүн белгилеп: «Бүгүн тарых жазуудабыз, Стамбул менен Измирдин ортосундагы саякатты коопсуз, ылайыктуу абалга келтирүү менен бирге жолду да 100 чакырым кыскартуудабыз»,-деди.

Режеп Таййип Эрдоган, чыгымы 11 миллиард доллар болгон долбоордун Түркияга салымынын жылдык 3,5 миллиард доллар боло турганын да айтты.

Президент Эрдоган: «Стамбул менен Измирдин ортосундагы аралыкты 3,5 саатка түшүргөн бул долбоордун өлкөбүзгө пайдалуу болушун тилеймин»,-деп айтты.