Карым-катнаштарыбызды кризистен мурдагы абалдан дагы жакшы абалга жеткирдик
Орусиянын Анкарадагы элчиси Алексей Ерхов, 9-Май Жеңиш күнүнөн улам Орусиянын Анкарадагы элчилигинде өткөрүлгөн иш-чарада сөз сүйлөдү.
![Карым-катнаштарыбызды кризистен мурдагы абалдан дагы жакшы абалга жеткирдик](http://cdn.trt.net.tr/images/xlarge/rectangle/ad1a/0582/3088/5af3e6aa77500.jpg?time=1719026062)
Орусиянын Анкарадагы элчиси Алексей Ерхов, «Карым-катнаштарыбызды кризистен мурдагы абалдан дагы жакшы абалга жеткирдик»,-деди.
Алексей Ерхов, Советтер Союзунун 2-Дүйнөлүк согушта фашисттик Германияны жеңишинин 73 жылдыгы болгон 9-Май Жеңиш күнүнөн улам Орусиянын Анкарадагы элчилигинде өткөрүлгөн иш-чарада сөз сүйлөдү.
Эки өлкөнүн ортосундагы учак кризисинен (2015-жылы Орусиянын учагынын Түркиянын F-16сы тарабынан атып түшүрүлүшү) кийин болгон маселелерден ашып өткөндөрүн белгилеген Ерхов: «Карым-катнаштарыбызды кризистен мурдагы абалдан дагы жакшы абалга жеткирдик. Өткөн жsлы туризм темасында рекордго жетиштик. Түркияга келген орус туристтердин саны абдан көп. Быйыл да өткөн жылдагы рекорддон аша турганыбызга ишенемин»,-деп айтты.
Ерхов, эки тараптуу карым-катнаштардын абдан ылдам кадамдар менен илгерилегенин белгилеп, «Биргелеше жүргүзгөн «Түрк агымы», «Аккую атомдук станциясы» сыяктуу бир топ стратегиялык долбоор бар. Ошол эле убакта эки тараптуу соода көлөмүбүз жогорулап баратат»,-деп айтты.
Орусиянын Түркиянын жарандарына карай виза коюп жатканы тууралуу Ерхов, процесс ошондой уланууда, бирок чечүүчү жол таба тургандарына ишенгендерин айтты.
Ерхов, 2019-жылды эки өлкөнүн ортосундагы эки тараптуу «Маданият жана туизм» жылы деп жарыялаганын белгилеп, ушул алкакта Түркияда да Орусияда да бир топ иш-чара уюштурула турганын билдирди.
Тектеш кабарлар
![Түркия Армениянын Палестинаны таануусуна ыраазычылык билдирди](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719026062)
Түркия Армениянын Палестинаны таануусуна ыраазычылык билдирди
Түркиянын Палестинаны дагы көп өлкөнүн таануусу үчүн аракетин улантат.