Президент Эрдоган Болгарияда
Түркия-Европа Биримдиги саммити Варнада өткөрүлөт.
![Президент Эрдоган Болгарияда](http://cdn.trt.net.tr/images/xlarge/rectangle/296c/74c6/16e6/5ab8f170f203f.jpg?time=1719054300)
Президент Режеп Таййип Эрдоган, Түркиянын Европа Биримдигине толук мүчөлүк максатынын уланганын айтты.
Эрдоган, Болгарияга аттанаар алдында «Ататүрк» аэропортунда маалымат берди.
Болгариянын Варна шаарында өтө турган Түркия-Европа Биримдиги саммитине байланыштуу маалымат берген Эрдоган: «Европа Биримдигине толук мүчөлүк биздин стратегиялык максатыбыз. Алардын ниетин, максатын абдан жакшы билгенибиз чөйрөлөрдүн Түркиянын Европа Биримдигинде кадыр-барктуу, тең укуктуу, толук мүчө катары орун алуусуна тоскоол болууларына эч качан уруксат бербейбиз»,-деди.
Эрдоган Түркиянын кадыр-баркына, күчүнө, аймакта жана дүйнөдө ойногон таасирдүү ролуна ылайыктуу түрдө Европа Биримдиги менен сүйлөшүүлөрдү уланта тургандарын баса белгиледи.
Эрдоган: «Варнадагы жыйындын Европа Биримдиги жана аймактык маселелердин чечилүүсүнө оң салым кошуусун каалаймын»,-деп айтты.
Түркия-Европа Биримдиги саммити, Европа Кеңешинин кезектеги төрагасы Болгариянын премьер-министри Бойко Борисовдун жетекчилигинде бүгүн Варнада президент Режеп Таййип Эрдоган, Европа Кеңешинин төрагасы Дональд Туск жана Европа Комиссиясынын төрагасы Жан Клод-Юнкердин лидерлигинде өтөт.
Борисовдун конокторду тосуп алуусу менен баштала турган жана кеминде 2 саатка созула турган саммиттен кийин биргелешкен маалымат жыйын өткөрүлөт.
Бир тараптан Эрдоган Болгариянын Варна шаарына жетти.
Эрдоган Болгариянын премьер-министри Бойко Борисов тарабынан тосулуп алынды.
Тектеш кабарлар
![Түркия Армениянын Палестинаны таануусуна ыраазычылык билдирди](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719054300)
Түркия Армениянын Палестинаны таануусуна ыраазычылык билдирди
Түркиянын Палестинаны дагы көп өлкөнүн таануусу үчүн аракетин улантат.