Сириялыктарга Түркия жарандыгы берилет
Президент Эрдоган Килистеги ифтарга катышты
![Сириялыктарга Түркия жарандыгы берилет](http://cdn.trt.net.tr/images/xlarge/rectangle/d7b8/09b1/2f37/577896f482c01.jpg?time=1718789634)
Президент Р. Т. Эрдоган Түркиядагы сириялыктарга жарандык сүйүнчүсүн берди. Килисте сириялыктар да катышкан ифтарда сөз сүйлөгөн президент Эрдоган : «Түркия республикасынын жараны болууну каалагандардын бар экенине ишенем. Бул тууралуу ички иштер министрлигибиздин таштаган кадамдары бар. Аларга жарандык мүмкүнчүлүгүн беребиз»,- деди.
Түркиянын Сирия саясатынын алты жыл мурункусу менен бирдей экендигин белгилеген президент Асадды сынга алды. Эрдоган Асад менен үй – бүлө катары жолугушкандарын эске салуу менен : «Атаң сыяктуу болбойсуң дегенде күлүп койчу, көрсө эки дүйнөсү бар экен, чыныгы дүйнөсүн бизден жашырыптыр. Алты жылдын ичинде чыныгы дүйнөсү ортого чыкты»,- деди.
Туулган жерлеринен, үйлөрүнөн ажыраган сириялыктардын санынын 5 миллионго жеткендигин, мунун 3 миллионго жакынынын ирактыктар экендигин белгилеген Эрдоган Килистин сириялыктарды конок кылып жаткандыгын айтты.
Сирия меселесинин чечилүүсү үчүн батышка жана бүткүл дүйнөгө бул отту өчүрүүгө чакырган президент Эрдоган : «Жасалуусу керек болгон нерсе, Сирия калкынын күтүүлөрүн камсыз кыла турган жаңы бир конституция жана жаңы бир башкаруунун ылдам түзүлүшү»,- деди.
Эрдоган Түркиянын 35 жылдан бери келе жаткан террор менен күрөшүнүн чечкиндүүлүк менен улантыларын белгиледи.
Тектеш кабарлар
![Эрдоган менен Пашинян телефон аркылуу сүйлөштү](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718789634)
Эрдоган менен Пашинян телефон аркылуу сүйлөштү
Сүйлөшүүдө премьер - министр Пашинян президент Эрдоганды Курман айт майрамы менен куттуктады.