Эрдоган партияларды эскертти

Эрдоган Түркиянын маанилүү чечимдерди чыгара турган жана муну күчтүү түрдө ишке ашыра турган коалициялык өкмөткө муктаждыгы болгонун айтты.
Президент: «Конституцияда мага берилген ыйгарым укуктарга ылайыктуу түрдө процессти жеңилдетүү үчүн бардык күчүмдү жумшайм»-деп айтты.
Президент Режеп Таййип Эрдоган Стамбулда Бүткүл өнөр жайчылар жана ишкерлер коому (TÜMSİAD) уюштурган иптар программасына катышты.
Саясий партияларды эскерткен Эрдоган: «Бири-бири менен тирешип жаткан партиялардын коалициясы Түркияга пайда эмей эле зыян келтирет. Ушундай убакыт жана энергия жоготуусуна учуроону улутубуз кечирбейт»-деди.
Эрдоган коалиция сүйлөшүүлөрү убагында дүйнөнүн эң чоң аэропортунун салынышы менен катар Түркиянын чоң долбоорлорун жоюп салуу сыяктуу талкууга да уруксат бербей турганын айтты.
Президент: «Түркиянын чоң долбоорлорун талкууга салуу менен башталган коалиция сүйлөшүүсүнө мен өзүм каршы турамын»-деди.