Майрамдык Айт намаз Фрунзе көчөсүндөгү Жеңиш паркында өтөт
Бишкек ШИИБдин патрулдук милициясынын кызматкерлери Айт намаз учурунда жарандардын коопсуздугун камсыз кылат.
521630
Майрамдык Айт намаз 5-июль күнү саат 07:30дан 08:10го чейин Фрунзе көчөсүндөгү Жеңиш паркында өтөт. Бул тууралуу Бишкек мэриясынын басма сөз кызматы билдирди.
Эски аянттагы жолдордо жүрүп жаткан оңдоо иштерине байланыштуу, Айт намазы Фрунзе-Абдрахманов көчөсүнүн кесилишинен башталып Ибраимов көчөсүнө чейин болот.
Биринчи май району боюнча «Тазалык» жана «Жашылдандыруу» шаардык кызматтары иш-чара үчүн даярдык көрөт. Бишкек ШИИБдин патрулдук милициясынын кызматкерлери Айт намаз учурунда жарандардын коопсуздугун камсыз кылат.
"Кабар" маалымат агенттиги
