Кара деңизден Россияга экспорт
Кара деңиздин 16 аймагынан Россияга экспорт жасалды.
Кара деңиз аймагынан Россия Федерациясына экспорт 2021-жылдын биринчи 4 айында өткөн жылдын тийиштүү мезгилине салыштырмалуу 61 пайызга өсүп 110 миллион 390 миң долларга жетти.
Чыгыш Кара деңиз экспортчулар ассоциациясынын Башкаруу кеңешинин төрагасы Саффет Кальонжу, ушул жылдын январь-апрель айларында Кара деңиздин 16 аймагынан Россияга экспорт жасалганын айтты.
Экспорттун көлөмүнүн 110 миллион 390 миң 255 долларды түзгөнүн белгилеген Кальонжу, тышкы сатуулардын өткөн жылдын тийиштүү мезгилине салыштырмалуу 61 пайызга жогорулагандыгына көңүл бурду.
Экспорттун эң маанилүү үлүшүн 54 миллион 580 миң 485 долларлык киреше менен жашылча жана мөмө-жемиштер камсыз кылды.
Суу азыктары жана мал чарба продукциялары, тамеки, химиялык заттар менен коргонуу жана авиация тармактары да алдыңкы тармактардын катарына кирди.
