Орусия менен Кытай соодада улуттук акча бирдигин колдонот

Орусиянын президенти Владимир Путин, Орусия жана Кытайдын соодада улуттук акча бирдигин колдонуу ишке ашыруусун өнүктүрүү ниетинде болгонун билдирди.

Путин, Кытайдын мамлекет башчысы Си Цзиньпин менен кечээ борбор шаар Москвадагы Кремль сайырында болгон жолугушуудан кийин биргелеше маалымат жыйын өткөрдү.

Эки өлкөнүн ортосундагы карым-катнаштарды эске алып, эл аралык темаларды да жолугушууда карап чыккандарын белгилеген Путин, экономикалык карым-катнаштарды да кеңири түрдө сүйлөшкөндөрүн билдирди.

Орусиянын алдыңкы тышкы соода өнөктөшү Кытай болгонун эске салган Путин, өткөн жылкы соода көлөмүнүн 108 миллиард доллар болуп рекорддук деңгээлге жеткенин баса белгиледи.

Путин: «Орусия менен Кытай улуттук акча бирдиктери менен төлөө ишке ашыруусун өнүктүрүү ниетинде. Эки тараптуу соодада рубль жана юанды колдонуунун дагы кеңейтилиши жана глобалдык базарлардагы ыраатсыздыктын алдын алуу үчүн банкчылык кызматтарында туруктулуктун камсыздалуусу максатында өкмөттөр аралык келишимге кол койдук»,-деди.

Орусия жана Кытайдын куралсыздануу жана куралдардын жайылышына бөгөт коюу темасындагы учурдагы келишимдерди бузуунун кабыл алынгыстыгы темасында принциптүү мамилесин тастыктагандарын айткан Путин: «Корея Жарым аралындагы абалга чечүүчү жол табыш үчүн биргелешкен жол картасы ишке ашырылууда. Атомдук маселе менен катар аймактын маселелеринин тынчтыкчыл, саясий-дипломатиялык жолдон чечилишинен тышкары альтернатива болбой турганын боолгоп жатабыз»,-деп айтты.

Путин, Сириядагы кризистин тынчтыкчыл түрдө чечилиши, Венесуэладагы абалдын ырааттуулукка жеткирилиши үчүн Орусия менен Кытай кызматташып жатканын маалымдады.

Кытайдын мамлекет башчысы Си Цзиньпин болсо, эки өлкөнү бардык тармактардагы кызматташтыгынын динамикалуу жана түшүмдүү түрдө өнүгүп жатканына ыраазы болгондорун айтты.

Си Цзиньпин: «Эки тараптуу соода жаңы тарыхый рекордду багындырат. 100 миллиард доллардык бурулуш жерге жеттик. Кызматташуубуздун сапаты жана деңгээли жогорулап жатат. Энергетика, инвестиция, космос, авиация сыяктуу тармактарда чоң стратегиялык проекттерди ийгиликтүү ишке ашыруудабыз»,-деп айтты.