«Түрк агымы» жаратылыш газ долбоору 10-майдан мурда бүтөт

«Түрк агымы» жаратылыш газ долбоорунун алгачкы багыты 10-майдан мурда бүткөрүлөт.

Орусиянын энергетика фирмасы Газпромдун төрагасы Алексей Миллер, «Түрк агымы» жаратылыш газ долбоорунда курулуштун календар боюнча кетип баратканын белгилеп, «Долбоордо алгачкы багыттын курулушу 10-майдан мурда бүткөрүлөт»,-деди.

Миллер, Түркия-Орусия Жогорку деңгээлдеги кызматташтык кеңешинин жыйналышына катышуу үчүн келген Анкарада журналисттерге маалымат берди.

«Түрк агымы» жаратылыш газ долбоорунун биринчи багыты үчүн ушул убакка дейре 827 чакырымдык түтүк орнотулганын белгилеген Миллер: «Долбоордо курулуш календар боюнча жүрүп баратат. Алгачкы багыттын курулушу 10-майдан мурда бүткөрүлөт. Андан кийин жаратылыш газ алуучу терминал жана экинчи багыттын курулушу ишке ашырылат»,-деп айтты.

Орусиянын газын Түркияга, Түркия аркылуу да Европага ташый турган «Түрк агымы» жаратылыш газ куур багытынын ар бири жылдык 15,75 миллиард метр кубдук көлөмгө ээ болгон эки багыттан турат.